CNG માર્કેટમાં Mahindraની એન્ટ્રી, ₹9.99 લાખથી શરૂ થશે નવી XUV 3XO

ફેસ્ટિવ સીઝનમાં નવી કારોની માંગને ધ્યાનમાં રાખીને Mahindraએ તેની લોકપ્રિય XUV 3XOનું CNG વર્ઝન ભારતીય બજારમાં લોન્ચ કર્યું છે. XUV 3XO ZNG નામે રજૂ થયેલી આ SUVની શરૂઆતની એક્સ-શોરૂમ કિંમત ₹9.99 લાખ છે. કંપનીના જણાવ્યા મુજબ, આ મોડલ 24.70 km/kgનું માઈલેજ આપે છે અને તેમાં 6 એરબેગ્સ સહિત અનેક ફીચર્સ આપવામાં આવ્યા છે.

ચાર વેરિઅન્ટમાં XUV 3XO CNG

Mahindra XUV 3XO ZNGને કુલ ચાર વેરિઅન્ટમાં રજૂ કરવામાં આવી છે. તેની કિંમતો આ પ્રમાણે છે:-

આ Mahindraની પ્રથમ CNG Passenger Car છે. બજારમાં તેનો મુકાબલો Tata Nexon CNG અને Maruti Suzuki Brezza CNG જેવી કાર સાથે રહેશે.

1.2 લિટર Turbo CNG એન્જિન અને 24.70 km/kg માઈલેજ

XUV 3XO ZNGમાં 1.2 લિટર Turbo Petrol Engine આપવામાં આવ્યું છે, જે CNG પર પણ ચાલી શકે છે. કંપની અનુસાર, આ એન્જિન CNG મોડમાં 110 bhp પાવર અને 200 Nmનો મહત્તમ ટોર્ક આપે છે. કંપનીએ આ SUV માટે 24.70 km/kgનું દાવો કરાયેલું માઈલેજ આપ્યું છે. તેમાં Turbo CNG Injection System આપવામાં આવ્યું છે. SUVમાં બે CNG સિલિન્ડર બૂટમાં મૂકવામાં આવ્યા છે. કંપનીના જણાવ્યા મુજબ, XUV 3XO ZNG 0થી 100 km/hની ઝડપ 11.8 સેકન્ડમાં અને 0થી 60 km/hની ઝડપ 4.9 સેકન્ડમાં મેળવી શકે છે.

360° કેમેરા અને પેનોરમિક સનરૂફ સહિતના ફીચર્સ

ડિઝાઇનની દૃષ્ટિએ XUV 3XO CNG પેટ્રોલ મોડલ જેવી જ છે અને પાછળ ZNG બેજિંગ આપવામાં આવ્યું છે. ફીચર્સમાં 10.25 ઇંચની ટચસ્ક્રીન, 10.25 ઇંચનું ડિજિટલ ઇન્સ્ટ્રુમેન્ટ ક્લસ્ટર, 360° કેમેરા, TPMS, પેનોરમિક સનરૂફ અને લેધરેટ સીટ્સ સામેલ છે. આ ઉપરાંત તેમાં Normal, Comfort અને Sport એમ ત્રણ Steering Modes, Engine Start-Stop Button, Dolby Atmos, Connected LED Taillights તથા આગળ-પાછળ Armrests જેવા ફીચર્સ પણ આપવામાં આવ્યા છે.

6 એરબેગ્સ સહિતની સેફ્ટી

સેફ્ટી માટે XUV 3XO ZNGમાં 6 એરબેગ્સ આપવામાં આવ્યા છે. આ ઉપરાંત ચારેય વ્હીલમાં ડિસ્ક બ્રેક્સ, ABS સાથે EBD, રિવર્સ પાર્કિંગ સેન્સર્સ, તમામ મુસાફરો માટે Three-Point Seat Belts અને Seat Belt Reminder જેવા ફીચર્સ મળે છે.

આ પણ વાંચો : Festive Demandને મોંઘવારીનો માર! Smartphoneના Online વેચાણમાં 16%નો ઘટાડો

આ પણ જુઓ:

Watch onYouTube