Merger News: Adani Powerમાં 10 કંપનીઓનું થશે મર્જર, બ્રોકરેજે આપ્યો ₹259નો ટાર્ગેટ

અદાણી પાવર માટે મોટો કોર્પોરેટ અપડેટ સામે આવ્યો છે. કંપનીની 10 સબસિડિયરી કંપનીઓના મર્જરને NCLT મુંબઈની મંજૂરી મળી છે. આ મંજૂરી એવા સમયે મળી છે જ્યારે કંપની આગામી વર્ષોમાં વીજ ઉત્પાદન ક્ષમતામાં મોટો વધારો કરવાની યોજના બનાવી રહી છે. આ સમાચાર બાદ શેર પર પણ અસર જોવા મળી હતી. સાથે જ બ્રોકરેજ ફર્મ PL Capitalએ અદાણી પાવર પર કવરેજ શરૂ કરીને Buy રેટિંગ સાથે ₹259નો ટાર્ગેટ પ્રાઇસ આપ્યો છે.

10 સબસિડિયરી કંપનીઓનું અદાણી પાવરમાં થશે વિલય

NCLT મુંબઈએ અદાણી પાવરની 10 સબસિડિયરી કંપનીઓને કંપનીમાં મર્જ કરવાની યોજનાને મંજૂરી આપી છે. મર્જરનો હેતુ અલગ અલગ કંપનીઓમાં ફેલાયેલા બિઝનેસને એક જ માળખા હેઠળ લાવવાનો છે.

કંઈ કંઈ કંપનીઓ થશે મર્જ?

• Adani Power Dahej Limited
• Kutchh Power Generation Limited
• Resurgent Fuel Management Limited
• Mahan Fuel Management Limited
• Orissa Thermal Energy Limited
• Korba Power Limited
• Anuppur Thermal Energy (MP) Private Limited
• Mirzapur Thermal Energy (UP) Private Limited
• Emberiza Infra Park Limited
• Vidarbha Industries Power Limited

FY32 સુધી ક્ષમતા વધારવાની યોજના

બ્રોકરેજ PL Capitalના અનુમાન મુજબ અદાણી પાવરની વીજ ઉત્પાદન ક્ષમતા FY26માં લગભગ 18.3 GWથી વધીને FY32 સુધી 41.9 GW સુધી પહોંચી શકે છે. આ વિસ્તરણ માટે કંપની લગભગ 23.7 GW નવી ક્ષમતા ઉમેરવાની યોજના ધરાવે છે. બ્રોકરેજના જણાવ્યા મુજબ આ વિસ્તરણ માટે અંદાજિત ₹2 લાખ કરોડનું મૂડીરોકાણ કરવાની યોજના છે. કંપની પાસે જમીન અને BTG સાધનોની વ્યવસ્થા પણ કરવામાં આવી હોવાનું જણાવાયું છે.

બ્રોકરેજે આપ્યો ₹259નો ટાર્ગેટ

PL Capitalએ અદાણી પાવર પર Buy રેટિંગ સાથે ₹259નો ટાર્ગેટ પ્રાઇસ આપ્યો છે. બ્રોકરેજના જણાવ્યા અનુસાર FY26થી FY29 દરમિયાન કંપનીનું EBITDA લગભગ 21% CAGRથી વધી શકે છે. નવા પાવર ખરીદી કરાર (PPA)થી કંપનીની આવકમાં સુધારો થવાની શક્યતા પણ બ્રોકરેજે દર્શાવી છે. બ્રોકરેજ મુજબ નવા PPAમાં સરેરાશ ક્ષમતા ચાર્જ લગભગ ₹3.9 પ્રતિ યુનિટ છે, જ્યારે હાલના પોર્ટફોલિયોમાં આ દર લગભગ ₹1 પ્રતિ યુનિટ છે.

શેરમાં જોવા મળી તેજી

આ સમાચાર વચ્ચે અદાણી પાવરનો શેર લગભગ 1.62% વધીને ₹202.71ના સ્તરે પહોંચ્યો હતો. બ્રોકરેજના મતે કંપનીનો પાવર ક્ષમતા વિસ્તાર, કમાણીમાં વૃદ્ધિ અને ઘટતું દેવું શેરના મૂલ્યાંકન માટે મહત્વના પરિબળ બની શકે છે.

આ પણ જુઓ

Watch onYouTube