ESDSનો ₹720 કરોડનો IPO 28 ઓગસ્ટે ખુલશે, ગ્રે માર્કેટમાં જોરદાર ડિમાન્ડ

ESDS Software Solution શેરબજારમાં પ્રવેશ માટે ₹720 કરોડનો IPO લાવી રહી છે. IPO 28 ઓગસ્ટે ખુલશે અને 1 સપ્ટેમ્બરે બંધ થશે. કંપનીએ ₹408થી ₹429 પ્રતિ શેરનો ભાવબેન્ડ નક્કી કર્યો છે. રોકાણકારો ઓછામાં ઓછા 34 શેર માટે અરજી કરી શકશે. IPOમાંથી મળનારી રકમનો મોટો હિસ્સો કંપની પોતાની Cloud અને Data Centre ક્ષમતા વધારવા માટે વાપરવા માગે છે.

₹576 કરોડ Data Centre અને Cloud માટે

કંપની IPOથી એકત્ર કરેલી ₹576 કરોડની રકમ Cloud Computing સાધનો અને Data Centre Infrastructure પર ખર્ચ કરવાની યોજના બનાવી છે. ESDS હાલમાં નાશિક, નવી મુંબઈ, બેંગલુરુ, મોહાલી અને નોઈડામાં પાંચ Tier-III Data Centre ચલાવે છે. કંપની Data Centre, Cloud Computing, Colocation અને Managed Services જેવી સેવાઓ આપે છે.

AI ક્ષેત્રમાં US$1.25 બિલિયનનો કરાર

31 માર્ચ 2026ના રોજ ESDSએ ઓસ્ટ્રેલિયાની Neocloud AI Compute Service Provider સાથે પાંચ વર્ષનો કરાર કર્યો હતો, જેનું કુલ મૂલ્ય આશરે US$1.25 બિલિયન છે. આ કરાર હેઠળ ઓસ્ટ્રેલિયામાં AI માટે ખાસ Infrastructure Cluster બનાવવાની યોજના છે, જેમાં આશરે 8,208 NVIDIA B300 GPUs અને સ્ટોરેજ ઈન્ફાસ્ટ્રક્ચર સામેલ રહેશે. કંપનીના જણાવ્યા મુજબ આ વ્યવસ્થા સપ્ટેમ્બર 2026 સુધીમાં તૈયાર કરવાનો લક્ષ્યાંક છે અને તેમાંથી આવક FY2027ના ત્રીજા ક્વાર્ટરથી શરૂ થવાની અપેક્ષા છે.

આવક અને નફામાં વધારો

FY2026માં ESDSની કામગીરીમાંથી આવક ₹472.21 કરોડ રહી હતી, જ્યારે FY2024માં તે ₹286.52 કરોડ હતી. આ જ સમયગાળામાં નેટ નફો ₹13.61 કરોડથી વધીને ₹120.82 કરોડ થયો હતો. FY2026માં કંપનીએ 2,501 ગ્રાહકોને સેવાઓ આપી હતી. બેન્કિંગ-નાણાકીય ક્ષેત્ર, જાહેર ક્ષેત્ર અને વિવિધ ઉદ્યોગો તેના મુખ્ય ગ્રાહકોમાં સામેલ છે.

IPO પછી શું બદલાઈ શકે?

ESDS માટે IPOનો મુખ્ય હેતુ માત્ર લિસ્ટિંગ નથી. કંપની IPOની મૂડીથી Data Centre અને Cloud Infrastructure મજબૂત કરવા માગે છે, જ્યારે AI ક્ષેત્રનો મોટો કરાર તેની આગામી વૃદ્ધિ માટે મહત્વનો બની શકે છે. કંપનીના શેર NSE અને BSE પર લિસ્ટ થવાના છે.

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16