ઓગસ્ટમાં UPIનો નવો રેકોર્ડ, 24.51 અબજ ટ્રાન્ઝેક્શનથી ₹29.82 લાખ કરોડની ચુકવણી

ભારતમાં UPIનો ઉપયોગ સતત વધી રહ્યો છે. NPCIના આંકડા મુજબ ઓગસ્ટ 2026માં UPIથી રેકોર્ડ 24.51 અબજ ટ્રાન્ઝેક્શન થયા, જેનું કુલ મૂલ્ય ₹29.82 લાખ કરોડ રહ્યું. જુલાઈમાં 23.66 અબજ UPI ટ્રાન્ઝેક્શન થયા હતા. એટલે ઓગસ્ટમાં ટ્રાન્ઝેક્શનની સંખ્યા માસિક ધોરણે 3.6% વધી.

સતત બીજા મહિને રેકોર્ડ

ઓગસ્ટ સતત બીજો મહિનો રહ્યો જેમાં UPI ટ્રાન્ઝેક્શનની સંખ્યાએ નવો રેકોર્ડ બનાવ્યો. વર્ષના આધાર પર જોઈએ તો ઓગસ્ટમાં UPI ટ્રાન્ઝેક્શનની સંખ્યા 22% વધી, જ્યારે કુલ ટ્રાન્ઝેક્શન મૂલ્યમાં 20%નો વધારો થયો.

દરરોજ 79 કરોડથી વધુ ટ્રાન્ઝેક્શન

ઓગસ્ટમાં દરરોજ સરેરાશ 79.1 કરોડ UPI ટ્રાન્ઝેક્શન થયા, જ્યારે જુલાઈમાં આ આંકડો 76.3 કરોડ હતો. દરરોજ UPIથી થતી ચુકવણીનું સરેરાશ મૂલ્ય ઓગસ્ટમાં ₹96,205 કરોડ રહ્યું.

IMPS ટ્રાન્ઝેક્શન ઘટ્યા

UPIના વધતા ઉપયોગ વચ્ચે IMPS ટ્રાન્ઝેક્શન ઓગસ્ટમાં 1%થી વધુ ઘટીને 36 કરોડ રહ્યા. IMPSથી કુલ ₹7.04 લાખ કરોડના ટ્રાન્ઝેક્શન થયા.

FASTag ટ્રાન્ઝેક્શન વધ્યા

ઓગસ્ટમાં FASTag ટ્રાન્ઝેક્શન 1.2% વધીને 35.1 કરોડ થયા. FASTagથી કુલ ₹7,185 કરોડની ચુકવણી નોંધાઈ.

આ પણ વાંચો: ખાંડના ભાવ કાબૂમાં લેવા સરકારનો મોટો નિર્ણય, ડીલરોની સ્ટોક લિમિટ અડધી કરી

AePS ટ્રાન્ઝેક્શન પણ વધ્યા

Aadhaar-Enabled Payment System એટલે કે AePS હેઠળ ઓગસ્ટમાં ટ્રાન્ઝેક્શનની સંખ્યા 4% વધીને 10.4 કરોડ થઈ. જોકે તેનું કુલ ટ્રાન્ઝેક્શન મૂલ્ય 5% ઘટીને ₹26,035 કરોડ રહ્યું.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16