Jio Platforms: લિસ્ટિંગ બાદના પહેલા જ પરિણામમાં Jioનો નફો 13.7% વધ્યો, ₹8,389 કરોડ પર પહોંચ્યો

Jio Platformsએ સપ્ટેમ્બર 2026 ત્રિમાસિક માટે લિસ્ટિંગ બાદના પોતાના પ્રથમ પરિણામ જાહેર કર્યા છે. કંપનીનો ચોખ્ખો નફો વાર્ષિક ધોરણે 14% વધીને ₹8,389 કરોડ થયો છે. ગયા વર્ષે સમાન ત્રિમાસિકમાં કંપનીનો નફો ₹7,379 કરોડ હતો.

કુલ આવકમાં 11.3%નો વધારો

સપ્ટેમ્બર ત્રિમાસિકમાં Jio Platformsની કુલ આવક ₹47,485 કરોડ રહી, જે ગયા વર્ષે સમાન સમયગાળામાં ₹42,652 કરોડ હતી. એટલે વાર્ષિક ધોરણે આવકમાં 11.3%નો વધારો નોંધાયો છે. GST રિકવરી બાદ ઓપરેશન્સમાંથી આવક ₹40,475 કરોડ રહી, જે ગયા વર્ષના ₹36,332 કરોડની સરખામણીએ 11.4% વધારે છે. કંપનીની ટોટલ આવક પણ ₹36,986 કરોડથી વધીને ₹41,453 કરોડ થઈ છે.

EBITDA ₹21,879 કરોડ રહ્યું

Q2 FY27માં Jio Platformsનું EBITDA ₹21,879 કરોડ રહ્યું છે. જોકે કુલ ખર્ચ પણ વધ્યો છે. સપ્ટેમ્બર ત્રિમાસિકમાં કંપનીનો ટોટલ એક્સપેન્સ ₹30,194 કરોડ રહ્યો, જ્યારે ગયા વર્ષે તે ₹27,049 કરોડ હતો. Depreciation અને amortisation ખર્ચ ₹6,675 કરોડથી વધીને ₹7,611 કરોડ થયો, જ્યારે ફાઈનાન્સ કોસ્ટ ₹2,145 કરોડથી વધીને ₹3,009 કરોડ થયો છે.

છ મહિનામાં નફો ₹16,151 કરોડ

નાણાકીય વર્ષ 2026-27ના પ્રથમ છ મહિનામાં Jio Platformsની ઓપરેશન્સમાંથી આવક ₹79,648 કરોડ રહી છે. ગયા વર્ષે સમાન સમયગાળામાં આ આંકડો ₹71,364 કરોડ હતો. એટલે આવકમાં 11.6%નો વધારો થયો છે. પ્રથમ છ મહિનાનો પ્રોફિટ આફટર ટેક્સ પણ 11.5% વધીને ₹16,151 કરોડ થયો છે, જે ગયા વર્ષે ₹14,489 કરોડ હતો.

ARPU વધીને ₹218.8

સપ્ટેમ્બર ત્રિમાસિકમાં Jioનું એવરેજ રેવન્યુ પર યુઝર એટલે કે ARPU 3.5% વધીને ₹218.8 થયું છે. ગયા વર્ષે સમાન ત્રિમાસિકમાં ARPU ₹211.4 હતું, જ્યારે જૂન 2026ના ત્રિમાસિકમાં તે ₹215.6 હતું. ફિક્સ્ડ બ્રોડબેન્ડ ગ્રાહકો માટેની પ્રમોશન ઓફરના કારણે સબસ્ક્રાઈબર મિક્સ અને યુસેઝમાં થયેલા સુધારાનો થોડો લાભ ઓફસેટ થયો હતો.

ગ્રાહક આધાર 54.24 કરોડ પર

સપ્ટેમ્બર 2026ના અંતે Jioનો કુલ ગ્રાહક આધાર 7.1% વધીને 54.24 કરોડ થયો છે. ત્રિમાસિક દરમિયાન કંપનીએ 91 લાખ નવા ગ્રાહકો ઉમેર્યા, જ્યારે ગયા વર્ષે સમાન ત્રિમાસિકમાં 83 લાખ ગ્રાહકો ઉમેરાયા હતા. જૂન ત્રિમાસિકમાં net subscriber addition 89 લાખ હતું, એટલે સપ્ટેમ્બર ત્રિમાસિકમાં તેમાં થોડો સુધારો જોવા મળ્યો.

5G ગ્રાહકો 30 કરોડ પર પહોંચ્યા

Jioના 5G ગ્રાહકોની સંખ્યા સપ્ટેમ્બર સુધીમાં 30 કરોડ પર પહોંચી છે. છેલ્લા 12 મહિનામાં કંપનીએ લગભગ 6.6 કરોડ નવા 5G ગ્રાહકો ઉમેર્યા છે. 5G હવે Jioના કુલ વાયરલેસ ટ્રાફિકમાં આશરે 56% હિસ્સો ધરાવે છે, જે 5G વપરાશ ઝડપથી વધી રહ્યો હોવાનો સંકેત આપે છે.

ડેટા વપરાશમાં પણ મજબૂત વધારો

દર ગ્રાહકનો સરેરાશ માસિક ડેટા વપરાશ 14.2% વધીને 44.2 GB થયો છે. કંપનીનું કૂલ ડેટા ટ્રાફિક પણ 22.1% વધીને 71.3 અબજ GB થયું છે. વોઈસ ટ્રાફિક 1.3% વધીને 1.52 ટ્રિલિયન મિનિટ રહ્યું છે.

ચર્ન ઘટીને 1.6%

Jioનું monthly ચર્ન rate પણ સુધર્યું છે. તે ગયા વર્ષના 1.9%થી ઘટીને 1.6% થયું છે. ચર્ન ઓછો થવો એટલે કંપની પોતાના ગ્રાહકોને વધુ સારી રીતે જાળવી રાખવામાં સફળ રહી હોવાનું દર્શાવે છે.

Fixed broadbandમાં 3 કરોડ ગ્રાહકો

સપ્ટેમ્બર અંતે Jio પાસે fixed broadbandના 3 કરોડ ગ્રાહકો હતા. છેલ્લા એક વર્ષમાં કંપનીએ 73 લાખ broadband ગ્રાહકો ઉમેર્યા છે. AirFiberનો ગ્રાહક આધાર 1.51 કરોડ પર પહોંચ્યો છે અને fixed broadbandમાં થયેલી કુલ નવી વૃદ્ધિમાં AirFiberનો ફાળો 75%થી વધુ રહ્યો છે.

હવે AI, 6G અને Satellite પર ફોકસ

Jio Platformsના MD Akash Ambaniએ જણાવ્યું કે કંપની 5G, broadband અને digital servicesમાં પોતાની ક્ષમતા વધુ મજબૂત બનાવશે. કંપની satellite communications, 6G intellectual property અને AI આધારિત voice અને data services પર પણ રોકાણ વધારશે.