Q2 Result: PB Fintechનો નફો 43% વધીને ₹192 કરોડ, આવકમાં પણ 35%નો ધરખમ ઉછાળો

PB Fintechએ સપ્ટેમ્બર ત્રિમાસિકના પરિણામોમાં નફો અને આવક બંનેમાં મજબૂત વૃદ્ધિ નોંધાવી છે. કંપનીનો સંકલિત PAT વાર્ષિક ધોરણે 42.7% વધીને ₹192 કરોડ થયો છે. સાથે જ કંપનીનું PAT માર્જિન પણ ગયા વર્ષની સરખામણીએ 8%થી વધીને 9% થયું છે.

આવકમાં 35%નો વધારો

PB Fintechની ઓપરેટિંગ રેવન્યુમાં Q2 FY27 દરમિયાન 35%નો વાર્ષિક વધારો નોંધાયો છે. આ વૃદ્ધિ પાછળ કંપનીના મુખ્ય ઈન્સ્યોરન્સ અને ક્રેડિટ બિઝનેસનો મોટો ફાળો રહ્યો છે. કંપનીના કોર ઈન્સ્યોરન્સ રેવન્યુમાં 42%નો વધારો થયો છે, જ્યારે કોર ક્રેડિટ રેવન્યુ 19% વધ્યું છે.

ઇન્શ્યોરન્સ પ્રીમિયમ ₹9,385 કરોડ

કંપનીના ઈન્સ્યોરન્સ બિઝનેસમાં પણ મજબૂત વૃદ્ધિ જોવા મળી છે. Q2 દરમિયાન કુલ ઈન્સ્યોરન્સ પ્રીમિયમ 38% વધીને ₹9,385 કરોડ થયું છે. કોર ઓનલાઈન ઈન્સ્યોરન્સ પ્રીમિયમમાં પણ 38%નો વધારો થયો છે. હેલ્થ અને ટર્મ ઈન્સ્યોરન્સ જેવા નવા પ્રોટેક્ટશન પ્રોડક્ટનો પ્રીમિયમ 42% વધ્યો છે.

આ પણ વાંચો: પશ્ચિમ એશિયામાં તણાવથી ક્રૂડમાં આગ, બ્રેન્ટ ₹117 ડોલરને પાર

લેન્ડિગ બિઝનેસમાં પણ વૃદ્ધિ

PB Fintechના લેન્ડિગ બિઝનેસમાં Q2 FY27 દરમિયાન કુલ ડિસબર્સલ ₹4,739 કરોડ રહ્યા છે. કોર લેન્ડિગ ડિસબર્સલમાં વાર્ષિક ધોરણે 22%ની વૃદ્ધિ નોંધાઈ છે. આ આંકડા દર્શાવે છે કે ઇન્શ્યોરન્સ ઉપરાંત કંપનીનો લેન્ડિગ બિઝનેસ પણ સારી ગતિએ આગળ વધી રહ્યો છે.

પ્રોફિટ માર્જિનમાં પણ સુધારો

કંપની માટે માત્ર નફો વધવો જ નહીં, પરંતુ માર્જિનમાં સુધારો થવો પણ મહત્વપૂર્ણ રહ્યો છે. PAT માર્જિન ગયા વર્ષના 8%થી વધીને 9% થયું છે. એટલે આવક વધવા સાથે કંપનીની નફાકારકતામાં પણ થોડો સુધારો જોવા મળ્યો છે. Q2ના પરિણામોમાં PB Fintech માટે ઈન્સ્યોરન્સ બિઝનેસ મુખ્ય વૃદ્ધિ એન્જિન રહ્યું છે, જ્યારે ક્રેડિટ અને લેન્ડિગ બિઝનેસે પણ આવક અને ડિસબર્સલ ગ્રોથમાં સારો ફાળો આપ્યો છે.