દિવાળીમાં વતન જવાની ચિંતા છોડો! ST દોડાવશે 1,150 વધારાની ટ્રિપ

Ahmedabad : દિવાળીના તહેવારોમાં મોટી સંખ્યામાં લોકો પોતાના વતન અને અન્ય શહેરોમાં જતા હોય છે. મુસાફરોની આ વધતી ભીડને ધ્યાનમાં રાખીને ગુજરાત ST વિભાગે અમદાવાદથી 2થી 8 નવેમ્બર દરમિયાન કુલ 1,150 એક્સ્ટ્રા ટ્રિપ દોડાવવાનો નિર્ણય કર્યો છે. આ ઉપરાંત 50થી વધુ મુસાફરોના ગ્રુપ માટે ઘરેથી પીકઅપની સુવિધા પણ ઉપલબ્ધ કરાવવામાં આવશે.

અમદાવાદથી વધારાની 1,150 બસ ટ્રિપ

ST વિભાગ અમદાવાદ દ્વારા દિવાળીના તહેવારો દરમિયાન મુસાફરોની સુવિધા માટે વધારાની બસોનું આયોજન કરવામાં આવ્યું છે. 2 નવેમ્બરથી 8 નવેમ્બર સુધી કુલ 1,150 એક્સ્ટ્રા ટ્રિપ દોડાવવામાં આવશે. આ બસો સાણંદપુર, બોટાદ, અમરેલી, રાજકોટ, ભાવનગર, ભુજ સહિતના વિવિધ વિસ્તારો માટે દોડશે. ઉત્તર ગુજરાતમાં મહેસાણા, પાલનપુર, અંબાજી સહિતના રૂટ પર પણ વધારાની બસોનું આયોજન કરવામાં આવ્યું છે.

50થી વધુ મુસાફરોના ગ્રુપ માટે ઘરેથી પીકઅપ

મુસાફરોને વધુ સુવિધા મળે તે માટે 50થી વધુ મુસાફરોના ગ્રુપ બુકિંગ માટે ખાસ વ્યવસ્થા કરવામાં આવી છે. આવા ગ્રુપ માટે સીધા સ્થળ પરથી બસની ફાળવણી, UPIથી પેમેન્ટ અને ઓનલાઈન બુકિંગની સુવિધા ઉપલબ્ધ રહેશે. જો કોઈ ગ્રુપમાં 50થી વધુ મુસાફરો હોય તો બસ તેમના બુકિંગ સ્થળેથી પીકઅપ કરીને ગંતવ્ય સ્થળ સુધી લઈ જવાની સુવિધા પણ આપવામાં આવશે.

ઇસ્કોન, નહેરુનગર અને CTM પર સ્ટાફ તૈનાત

દિવાળી દરમિયાન મુસાફરોની સંખ્યા વધવાની શક્યતાને પગલે અમદાવાદના ઇસ્કોન, નહેરુનગર અને CTM ખાતે વધારાનો સ્ટાફ તૈનાત રહેશે. આ ઉપરાંત જ્યાં મુસાફરોની સંખ્યા વધુ જોવા મળશે ત્યાં વધારાની બસો દોડાવવાની પણ વ્યવસ્થા કરવામાં આવી છે. મુસાફરોની જરૂરિયાત પ્રમાણે બસોના આયોજનમાં વધારો કરવામાં આવશે.

આ પણ વાંચો : ખાંડ ખૂટશે નહીં! તહેવારોની માંગ વચ્ચે સરકારે જાહેર કર્યો 13 લાખ ટન ક્વોટા

આ પણ જુઓ:

Watch onYouTube