Viએ ભારતમાં પ્રથમ પ્રીપેઇડ ફેમિલી પ્લાન લોન્ચ કર્યો, હવે પરિવાર સાથે ડેટા શેર કરી શકાશે

ટેલિકોમ કંપની Viએ ભારતનો પ્રથમ પ્રીપેઇડ ફેમિલી પ્લાન રજૂ કર્યો છે. આ નવી સુવિધા હેઠળ પ્રીપેઇડ ગ્રાહકો પોતાના પરિવારના સભ્યો સાથે દેશના કોઈ પણ ભાગમાંથી મોબાઇલ ડેટા શેર કરી શકશે. કંપનીનું કહેવું છે કે આ સુવિધા ખાસ કરીને ત્યારે ઉપયોગી રહેશે જ્યારે પરિવારના કોઈ સભ્યનો ડેટા પૂરો થઈ જાય અને તેને તાત્કાલિક ઇન્ટરનેટની જરૂર હોય.

ચાર સભ્યો સુધીનું ગ્રૂપ બનાવી શકાશે

Viના તમામ સક્રિય પ્રીપેઇડ ગ્રાહકો Vi એપ દ્વારા પોતાનું ફેમિલી ગ્રૂપ બનાવી શકશે. એક ગ્રૂપમાં વધુમાં વધુ ચાર સભ્યો રહી શકશે. તેમાં એક મુખ્ય સભ્ય અને ત્રણ અન્ય સભ્યોનો સમાવેશ થઈ શકે છે. દરેક સભ્યનો પોતાનો અલગ પ્રીપેઇડ પ્લાન અને તેની માન્યતા યથાવત રહેશે.

500 MB સુધી ડેટા શેર કરવાની સુવિધા

Vi પ્રીપેઇડ ફેમિલીના સભ્યો એક સમયે 500 MB સુધી ડેટા શેર કરી શકશે. એટલે પરિવારનો કોઈ સભ્ય અન્ય શહેરમાં હોય અને તેનો ડેટા પૂરો થતો હોય, તો ગ્રૂપનો બીજો સભ્ય તેને ડેટા મોકલી શકશે. આ સુવિધાનો ઉપયોગ Vi એપ દ્વારા કરી શકાશે.

રિચાર્જ પર 10% સુધી છૂટ

ફેમિલી ગ્રૂપના દરેક સભ્યને Vi એપ દ્વારા કરાયેલા દરેક રિચાર્જ પર 10% સુધીની ખાતરીયુક્ત છૂટ મળશે. આ રીતે કંપની ડેટા શેરિંગ સાથે ગ્રાહકોને રિચાર્જ ખર્ચમાં પણ બચત આપવાનો પ્રયાસ કરી રહી છે.

ફેમિલી ગ્રૂપ મારફતે ડેટા થશે શેર

આ વ્યવસ્થાની ખાસ બાબત એ છે કે પરિવારના દરેક સભ્યને એક જ પ્લાનમાં જોડાવું ફરજિયાત નથી. દરેક સભ્ય પોતાનો અલગ પ્રીપેઇડ પ્લાન ચાલુ રાખી શકે છે અને સાથે ફેમિલી ગ્રૂપ મારફતે ડેટા શેર કરવાની સુવિધાનો લાભ લઈ શકે છે.

Viએ કેમ શરૂ કર્યો આ પ્લાન?

Viના ચીફ માર્કેટિંગ ઓફિસર અવનીશ ખોસલાના જણાવ્યા મુજબ પ્રીપેઇડ સેવાઓનું ભવિષ્ય માત્ર વધારે ડેટા આપવા પૂરતું નથી, પરંતુ ગ્રાહકોને તેનો ઉપયોગ કેવી રીતે કરવો તેમાં વધુ સ્વતંત્રતા આપવાનું પણ છે. કંપનીના જણાવ્યા મુજબ આ પ્લાન પરિવારના સભ્યોને દેશના અલગ-અલગ શહેરોમાં રહેતા હોવા છતાં એકબીજાને જરૂર સમયે ડેટા મોકલવાની સુવિધા આપે છે.

શાહરૂખ ખાન સાથે નવું અભિયાન

Viએ આ પ્લાન માટે અભિનેતા શાહરૂખ ખાન સાથે નવું પ્રચાર અભિયાન પણ શરૂ કર્યું છે. આ અભિયાનમાં બતાવવામાં આવ્યું છે કે પરિવારના સભ્યો અલગ-અલગ શહેરોમાં રહેતા હોવા છતાં Viના પ્રીપેઇડ ફેમિલી પ્લાન દ્વારા એકબીજા સાથે જોડાયેલા રહી શકે છે.

આ પણ જુઓ

Watch onYouTube