KuberaNowLogo
Tuesday, 17/11/2026
InstagramFacebookXYouTubeLinkedInWhatsAppTelegram
Background

Advertise With Us

Reach Millions. Build Your Brand

તહેવારો પહેલા ખાંડના સ્ટોક પર સરકારની કડકાઈ કેમ? જાણો નવા નિયમો

ખાંડનો જથ્થો હવે 15 દિવસ જ રાખી શકાશે, જાણો સરકારના નવા નિયમમાં શું બદલાયું

desk@kuberanowPublished On : 2 Oct 2026
Sugar Govt
AI Generated Image

તહેવારોની સિઝનમાં ખાંડની વધત માગ વચ્ચે કેન્દ્ર સરકારે તેની સંગ્રાહખોરી રોકવા માટે નિયમો આકરા કરી દીધા છે. હવે ડીલર ખાંડ મળઅયાની તારીખથી મહત્તમ 15 દિવસ સુધી જ તેનો સ્ટોક પોતાની પાસે રાખી શકશે. પહેલા આ મર્યાદા 30 દિવસ હતી. તેની સાથે જ સરકારે ડીલરો પાસે રાખવામાં આવતો ખાંડનો જથ્થો પણ નિશ્ચિત કરી દીધો છે. નવા નિયમ 15 ઓક્ટોબરથી લાગુ થશે અને 30 નવેમ્બર 2026 સુધી અમલી રહેશે. નવી ખાંડ સિઝન 1 ઓક્ટોબરથી શરૂ થઈ ગઈ છે.


ગ્રાહક બાબતો, ખાદ્ય અને જાહેર વિતરણ મંત્રાલય મુજબ 15 ઓક્ટોબરથી દેશમાં કોઈપણ ડીલર કોઈપણ સમયે અથવા જગ્યાએ 1,000 ક્વિન્ટલથી વધુ ખાંડનો સ્ટોક રાખી શકશે નહીં. આ સિવાય ખાંડ મળ્યા પછી તેને મહત્તમ 15 દિવસ સુધી જ રાખી શકાશે. જોકે કોલકાતા અને તેની આજુબાજુના મેટ્રોની સાથે આસામ માટે સ્ટોકની મર્યાદા 2,000 ક્વિન્ટલ રાખવામાં આવી છે. સરકાર મુજબ આ વિસ્તારોમાં સપ્લાયની જરૂર, સામાન પહોંચાડવામાં લાગતા સમય અને પૂર્વીય તથા પૂર્વોત્તર રાજ્યોમાં ખાંડ પહોંચાડવામાં કોલકાતાની મહત્વની ભૂમિકાને જોતા છૂટ આપવામાં આવી છે. સરકારનો આશય ખાંડ ડીલરો પાસે જમા ના રહે અને મિલોમાંથી ડીલર તથા ત્યાંથી ગ્રાહકો સુધી તેનો સપ્લાય સતત જાળવી રાખવાનો છે.


સરકાર મુજબ ખાંડની સરેરાશ રીટેલ કિંમત ઓગસ્ટના ઊંચા સ્તરેથી અંદાજે 15 ટકા નીચે આવી ગઈ છે. બીજીબાજુ મિલમાંથી નીકળતી ખાંડની કિંમત અંદાજે 28 ટકા ઘટી ગઈ છે અને પાછલા ત્રણ સપ્તાહથી તેમાં વધુ પરિવર્તન નથી થયું. સરકારે ખાંડની મિલો, ડીલરો,જથ્થાબંધ અને રિટેલ વેપારીઓને કહ્યું કે, સપ્લાય સામાન્ય જાળવી રાખો. સાથે જ મિલ સ્તર પર કિંમતોમાં આવેલા ઘટાડાનો લાભ ગ્રાહકો સુધી પહોંચાડવામાં આવે. ઓગસ્ટથી નવેમ્બર વચ્ચે સામાન્ય રીતે ખાંડની માગ વધી જાય છે. ગણેશ ચતુર્થી, નવરાત્રી, દશેરા અને દિવાળી જેવા તહેવારો સમયે મિઠાઈઓ અને અન્ય ખાદ્ય ઉત્પાદનોમાં ખાંડનો વપરાશ વધી જાય છે.


સરકારે 2026-27ની સિઝન માટે શેરડીના ભાવ પ્રતિ ક્વિન્ટલ રૂ. 365 નક્કી કર્યા છે. આ કિંમત શેરડીથી 10.25 ટકા ખાંડ નીકળવાના આધારે નક્કી કરાઈ છે. ઘરેલુ બજારમાં ખાંડની ઉપલબ્ધતા વધારવા અને કિંમતોને કાબૂમાં રાખવા માટે સરકાર આ વર્ષે પહેલા પણ અનેક પગલાં લઈ ચૂકી છે. મે મહિનામાં સરકારે કાચી, સફેદ અને રિફાઈન્ડ ખાંડની નિકાસ પર 30 સપ્ટેમ્બર સુધી પ્રતિબંધ મૂકી દીધો હતો. આ નિર્ણય ઘરેલુ સ્ટોક અંગે ચિંતા અને કેટલાક અગ્રણી ખાંડ ઉત્પાદક રાજ્યોમાં અપેક્ષા કરતાં ઓછા ઉત્પાદન પછી લેવાયો હતો. ત્યાર પછી ઓગસ્ટમાં સરકારે 10 લાખ ટન કાચી ખાંડ પર ઈમ્પોર્ટ ડ્યુટી વિનાની આયાતને મંજૂરી આપી હતી. સામાન્ય રીતે કાચી ખાંડની આયાત પર 100 ટકા ચાર્જ લાગે છે. આ પગલાંનો આશય તહેવારોની મોસમ પહેલા ઘરેલુ બજારમાં સપ્લાય વધારીને કિંમતો પરનું દબાણ ઘટાડવાનો હતો.


પાછાળથી આયાતની શરતોમાં પણ ફેરફાર કરાયા હતા. આયાતી કાચી ખાંડને રિફાઈન્ડ ખાંડમાં બદલીને ઘરેલુ બજારમાં વેચવાની મંજૂરી અપાઈ હતી. તેના માટે બિલ ઓફ એન્ટ્રી દાખલ થયાના બે મહિનાની અંદર ખાંડને બજારમાં ઉતારવાની રહેશે. જોકે, આયાત માટે 31 ઓક્ટોબરની અંતિમ તારીખમાં કોઈ ફેરફાર કરાયો નથી.


આ પણ જૂઓ

Disclaimer - અહીં આપવામાં આવેલી માહિતી માત્ર જાણકારી અને શૈક્ષણિક હેતુ માટે છે. તેને કોઈપણ શેર, સિક્યોરિટી અથવા નાણાકીય પ્રોડક્ટ ખરીદવા કે વેચવાની સલાહ અથવા ભલામણ તરીકે ન ગણવી. રોકાણ બજારના જોખમોને આધીન છે. કોઈપણ રોકાણ અથવા નાણાકીય નિર્ણય લેતા પહેલાં તમારી નાણાકીય સ્થિતિ, રોકાણના હેતુ અને જોખમ લેવાની ક્ષમતાનું મૂલ્યાંકન કરો અને અધિકૃત નાણાકીય સલાહકારની સલાહ લો.

Share Link
WhatsAppFacebookXLinkedIn

Also Read

Union Budget 2027: FM Sitharaman Holds Pre-Budget Meet

કેન્દ્રીય બજેટ 2027-28: નાણામંત્રી નિર્મલા સીતારમણે અર્થશાસ્ત્રીઓ સાથે યોજી પ્રથમ પ્રી-બજેટ બેઠક, જાણો મહત્વના મુદ્દા

Fuel Export Duty Hike

Fuel Export Duty: કેન્દ્રએ ડીઝલ અને ATFની એક્સપોર્ટ ડ્યૂટીમાં કર્યો વધારો, વિમાન ભાડા મોંઘા

Union Budget 2027

Budget 2027: બજેટની તૈયારીઓ તેજ, નાણામંત્રીએ અર્થશાસ્ત્રીઓ સાથે કરી પ્રથમ બેઠક

Real Estate

Real Estate Investment: ભારતમાં રોકાણ 39% વધ્યું, ઑફિસ પ્રોપર્ટીનો 37% હિસ્સો

India Egypt Trade

India-Egypt Trade: ભારત-ઇજિપ્ત વચ્ચે 12 અબજ ડૉલરના વેપારનું લક્ષ્ય, નવા વેપાર કરારની તૈયારી

WPI.png

Wholesale inflation : મોંઘવારીનું નવું ટેન્શન! ઓક્ટોબરમાં જથ્થાબંધ ફુગાવો 12.29%

RBI 6 Hour Rule

RBI 6-Hour Rule: સાયબર હુમલાની 6 કલાકમાં જાણ કરવી ફરજિયાત, પેમેન્ટ કંપનીઓ માટે શું બદલાયું

IND US

India-US Trade Deal: ભારતીય સામાનને અમેરિકામાં મળશે મોટી રાહત? પિયુષ ગોયલે આપ્યો મોટો સંકેત