Amazonના 5 નવા Alexa ડિવાઇસ લોન્ચ, અવાજથી થશે અનેક કામ

Amazonએ સ્માર્ટ હોમ પ્રોડક્ટ્સની રેન્જ વધારતા Alexa સાથે પાંચ નવા ડિવાઇસ રજૂ કર્યા છે. કંપનીએ 28 ઓક્ટોબરે નવા Echo સ્પીકર, સ્માર્ટ અલાર્મ ક્લોક, ડિજિટલ ફોટો ફ્રેમ અને મોટી સ્ક્રીનવાળું સ્માર્ટ ડિસ્પ્લે રજૂ કર્યું. નવા ડિવાઇસમાં AI આધારિત સુવિધાઓ આપવામાં આવી છે, જેના કારણે Alexa માત્ર સામાન્ય વૉઇસ કમાન્ડ સુધી સીમિત નહીં રહે, પરંતુ મુશ્કેલ સવાલોના જવાબ આપવા અને અનેક પ્રકારનાં કામમાં મદદ કરી શકશે. જોકે, ભારતમાં આ ડિવાઇસની કિંમત અને ઉપલબ્ધતા અંગે હજુ માહિતી આપવામાં આવી નથી.

Echo Dotમાં સારો સાઉન્ડ અને Wi-Fi કવરેજ

નવા Echo Dotની કિંમત $99.99 એટલે કે આશરે ₹9,500 રાખવામાં આવી છે. તેમાં Smart Home Hub અને eero Wi-Fi Extender આપવામાં આવ્યો છે, જે હાલના નેટવર્કનું કવરેજ 1,000 ચોરસ ફૂટ સુધી વધારી શકે છે. આ ડિવાઇસમાં AZ3 ચિપ આપવામાં આવી છે, જે AI સંબંધિત કામ ડિવાઇસ પર જ પ્રોસેસ કરી શકે છે. કંપનીના જણાવ્યા મુજબ, નવા મોડલમાં અગાઉના મોડલની સરખામણીએ 50% વધુ બેસ મળશે. તેનું Kids Edition આશરે ₹10,500થી શરૂ થાય છે.

Echo Studioમાં કેમેરાથી વસ્તુઓ ઓળખશે Alexa

Echo Studio with Home Cameraની કિંમત આશરે ₹24,000 છે. તેમાં Dolby Atmos ઓડિયો અને કેમેરા આપવામાં આવ્યા છે. કેમેરાની મદદથી Alexa સામે રાખેલી વસ્તુઓને ઓળખી શકે છે. ઉદાહરણ તરીકે, તે બોર્ડ ગેમના નિયમો સમજાવી શકે છે અથવા સિરિયલના પેકેટને ઓળખીને તેને ફરીથી ઓર્ડર કરવામાં મદદ કરી શકે છે. Alexa એપ દ્વારા યુઝર્સ દૂરથી પણ રૂમ જોઈ શકશે.

Echo Time ઊંઘના હળવા તબક્કામાં જગાડશે

Amazonના નવા Echo Time સ્માર્ટ અલાર્મ ક્લોકની કિંમત આશરે ₹19,000 છે. આ ડિવાઇસ ઊંઘના હળવા તબક્કાને ઓળખીને નક્કી કરાયેલા અલાર્મના સમયની આસપાસ 10થી 60 મિનિટની વિન્ડોમાં યુઝરને જગાડી શકે છે. તેની સ્ક્રીન ધીમે-ધીમે પ્રકાશિત થાય છે, જેનાથી સૂર્યોદય જેવો અનુભવ મળે છે. તેના Kids Editionની કિંમત આશરે ₹20,000 છે.

Alexa Photo Frameમાં અવાજથી તસવીરો શોધી શકાશે

Alexa Photo Frameમાં 10 ઇંચની એન્ટી-ગ્લેર ટચસ્ક્રીન આપવામાં આવી છે. આ ડિવાઇસ Amazon Photos સાથે તસવીરો આપમેળે સિંક કરે છે. યુઝર્સ Alexaને કોઈ વ્યક્તિ, પાલતુ પ્રાણી અથવા પ્રવાસ સાથે જોડાયેલી તસવીરો શોધવા માટે કહી શકે છે. તેની શરૂઆતની કિંમત આશરે ₹19,000 છે, જ્યારે વુડન ફ્રેમવાળું મોડલ આશરે ₹22,000થી શરૂ થાય છે.

Echo Show 16માં મોટી સ્ક્રીન અને Fire TV

નવા Echo Show 16માં 16 ઇંચની Full HD સ્ક્રીન, બિલ્ટ-ઇન Fire TV, કસ્ટમાઇઝ કરી શકાય તેવી હોમ સ્ક્રીન અને નાઇટ વિઝન કેમેરા આપવામાં આવ્યો છે. તેની શરૂઆતની કિંમત આશરે ₹47,600 છે. આ ઉપરાંત આશરે ₹54,000ની Nanomatte આવૃત્તિ પણ છે, જે સ્ક્રીન પરની ચમક અને રિફ્લેક્શનને 90%થી વધુ ઘટાડી શકે છે. Amazonના જણાવ્યા મુજબ, નવું Alexa અનેક તબક્કાવાળાં કામ સંભાળી શકે છે અને વાતચીતને Cardsમાં ગોઠવી શકે છે. જોકે, કેટલીક સુવિધાઓ માટે Alexa+ સબ્સ્ક્રિપ્શન જરૂરી રહેશે અને તેના લાભ અલગ-અલગ બજારોમાં અલગ હોઈ શકે છે.

આ પણ વાંચો : પ્રકૃતિ અને રોમાંચનો અનોખો સંગમ! એકતા નગરમાં ‘રેઇન ફોરેસ્ટ’નું PM મોદી કરશે લોકાર્પણ

આ પણ જુઓ:

Watch onYouTube