દેશના ઔદ્યોગિક ઉત્પાદનમાં નરમાઈ, સપ્ટેમ્બરમાં વૃદ્ધિ 8%થી ઘટીને 6.7%

ભારતના ઔદ્યોગિક ઉત્પાદનની વૃદ્ધિ સપ્ટેમ્બર 2026માં થોડી ધીમી પડી છે. સત્તાવાર આંકડા મુજબ Index of Industrial Production એટલે કે IIPમાં વાર્ષિક ધોરણે 6.7%નો વધારો નોંધાયો છે. આ પહેલાં ઑગસ્ટમાં ઔદ્યોગિક ઉત્પાદન વૃદ્ધિ 8% રહી હતી. એટલે મહિના-દર-મહિના સરખામણીએ ઉદ્યોગોની ગતિમાં થોડી નરમાઈ જોવા મળી છે.

ઑગસ્ટની સરખામણીએ સપ્ટેમ્બરમાં ગતિ ધીમી

નવા IIP આધારવર્ષ હેઠળ ઑગસ્ટમાં 8% વૃદ્ધિ નોંધાઈ હતી, જ્યારે સપ્ટેમ્બરમાં આ દર ઘટીને 6.7% રહ્યો. કુલ વૃદ્ધિમાં ઘટાડા પાછળ મેન્યુફેક્ચરિંગ અને માઇનિંગ પ્રવૃત્તિઓની નબળી ગતિ મુખ્ય કારણ રહી.

મેન્યુફેક્ચરિંગે 7.6% વૃદ્ધિ નોંધાવી

સપ્ટેમ્બરમાં મેન્યુફેક્ચરિંગ ક્ષેત્રે 7.6%ની વૃદ્ધિ નોંધાઈ છે. ઉત્પાદન ક્ષેત્રમાં વૃદ્ધિ યથાવત રહી હોવા છતાં તે કુલ IIPને ઑગસ્ટ જેવી ગતિ આપી શક્યું નહીં.

વીજળી અને ગેસ સપ્લાયે આપી મોટી સપોર્ટ

વીજળી અને ગેસ સપ્લાય ક્ષેત્રે સપ્ટેમ્બરમાં મજબૂત દેખાવ કર્યો. આ ક્ષેત્રમાં વાર્ષિક ધોરણે 11.2%ની વૃદ્ધિ નોંધાઈ, જેણે ઔદ્યોગિક ઉત્પાદનના કુલ આંકડાને ટેકો આપ્યો.

માઇનિંગની નબળી કામગીરીથી દબાણ

સપ્ટેમ્બરમાં માઇનિંગ પ્રવૃત્તિઓની ધીમી ગતિએ પણ કુલ ઔદ્યોગિક વૃદ્ધિને અસર કરી. એટલે એક તરફ મેન્યુફેક્ચરિંગ અને વીજળી-ગેસ સપ્લાય ક્ષેત્રે વૃદ્ધિ રહી, પરંતુ માઇનિંગની નબળાઈ અને મેન્યુફેક્ચરિંગની તુલનાત્મક ધીમી ગતિને કારણે કુલ IIP વૃદ્ધિ 6.7% પર આવી.

આ પણ જુઓ

Watch onYouTube