YouTubeની બાદશાહતને પડકારશે Instagram! Reels બાદ Long Videosનો વારો

Instagram હવે લાંબા વીડિયો માટે પણ પોતાની જગ્યા બનાવવાની તૈયારીમાં છે. અત્યાર સુધી Short-form Reels માટે જાણીતા Instagram પર હવે Creators 90 મિનિટ સુધીના લાંબા વીડિયો અપલોડ કરી શકે તેવા નવા Features ટૂલની ટેસ્ટિંગ થઈ રહી છે. આ સાથે લાંબા વીડિયોમાંથી Reels બનાવવા અને Creators માટે કમાણીના નવા વિકલ્પો વિકસાવવાની દિશામાં પણ કામ થઈ રહ્યું છે.

Instagramનું Features ટૂલ શું કરશે?

નવું Features ટૂલ Creatorsને 90 મિનિટ સુધીના Horizontal એટલે કે પહોળા ફોર્મેટના વીડિયો અપલોડ કરવાની સુવિધા આપશે. તેના કારણે Podcast, લાંબા Vlog, Comedy Show અને અન્ય લાંબા વીડિયો Instagram પર શેર કરી શકાશે. હાલમાં આ સુવિધાની અમેરિકામાં કેટલાક પસંદગીના Creators સાથે ટેસ્ટિંગ થઈ રહી છે. અગાઉ બ્રાઝિલમાં પણ તેનું ટ્રાયલ કરવામાં આવ્યું હતું. Instagram આ સાથે Clips as Reels વિકલ્પ પણ આપી રહ્યું છે. તેના દ્વારા Creator લાંબા વીડિયોમાંથી એક નાનો ભાગ Reel તરીકે શેર કરી શકશે. આ Reel પરથી Viewer સીધો આખો વીડિયો જોઈ શકશે. લાંબા વીડિયો ફોનમાં સેવ કરવાની સાથે TV પર જોવાની સુવિધા પણ મળશે.

શું Creatorsને YouTube જેવી કમાણી મળશે?

લાંબા વીડિયોના મામલે YouTube અને Instagram વચ્ચે કમાણીનું મોડલ અલગ છે. YouTube પર Creators લાંબા વીડિયોમાં દેખાતી જાહેરાતોમાંથી કમાણી કરે છે અને કંપની જાહેરાતની આવકમાંથી 55 ટકા હિસ્સો Creatorsને આપે છે. બીજી તરફ, Instagram પર Short Video Creatorsની કમાણી મોટાભાગે Brand Deals પર આધારિત રહે છે. હાલમાં Instagramએ Features માટે YouTube જેવી નિશ્ચિત Advertising Revenue Sharing યોજના જાહેર કરી નથી. Meta મુજબ, કંપની Creatorsને તેમના વીડિયોનું Performance, Fans અને Brandsના માધ્યમથી કમાણી કરવાની નવી રીતો આપવા પર વિચાર કરી રહી છે.

Instagram પહેલાં પણ લાંબા વીડિયો અજમાવી ચૂક્યું છે

Instagram માટે લાંબા વીડિયોનો પ્રયોગ નવો નથી. કંપનીએ 2018માં IGTV લોન્ચ કર્યું હતું, પરંતુ તે YouTube જેટલું લોકપ્રિય બની શક્યું નહોતું. ત્યારબાદ 2022માં IGTV બંધ કરવામાં આવ્યું હતું. Instagramના પ્રમુખ Adam Mosseriએ પણ અગાઉ જણાવ્યું હતું કે શરૂઆતમાં તેઓ લાંબા વીડિયો પાછા લાવવાના પક્ષમાં નહોતા. જોકે હવે કંપની ઈચ્છે છે કે Users પોતાના પસંદગીના Creatorsના લાંબા વીડિયો પણ Instagram પર જ જોઈ શકે.

Reels માટે Series ટૂલની પણ ટેસ્ટિંગ

Featuresની સાથે Instagram Series નામના બીજા ટૂલની પણ ટેસ્ટિંગ કરી રહ્યું છે. તેના દ્વારા Creators એક જ વિષય સાથે જોડાયેલી અનેક Reelsને પોતાના Profile પર એક જગ્યાએ રાખી શકશે. આથી કોઈ Story અથવા Video Seriesના અલગ-અલગ ભાગો દર્શકોને સરળતાથી મળી શકશે. Instagram પોતાની TV Appને Apple TV સુધી પણ વિસ્તારવાની તૈયારીમાં છે. હાલ Samsung, Fire TV અને Google TV પર તેનું Support ઉપલબ્ધ છે. જોકે Features અને Series ટૂલ તમામ Users માટે ક્યારે ઉપલબ્ધ થશે તેની સત્તાવાર તારીખ હજુ જાહેર કરવામાં આવી નથી.

આ પણ વાંચો : ટ્રેનમાં મોબાઇલ ચાર્જિંગનો આ નિયમ શું તમને ખબર છે?

આ પણ જુઓ:

Watch onYouTube