NSEનો IPO સપ્ટેમ્બરના બીજા ભાગમાં આવી શકે

મુંબઈઃ નેશનલ સ્ટોક એક્સ્ચેન્જ (NSE)  નો IPO સપ્ટેમ્બરના બીજા ભાગમાં આવી શકે છે. NSE ઓગસ્ટના અંત સુધીમાં તેના ડ્રાફ્ટ પ્રોસ્પેક્ટસ માટે સેબીની મંજૂરીની આશા રાખે છે, એમ આ બાબતથી પરિચિત લોકોએ જણાવ્યું છે.

NSE તેના શેરને હરીફ BSE લિમિટેડ પર લિસ્ટ કર્યા પછી તેના પોતાના પ્લેટફોર્મ પર ટ્રેડિંગ કરવાની મંજૂરી આપી શકે છે, આ પગલું આખરે ટ્રેડિંગ વોલ્યુમમાં ફેરફાર કરી શકે છે અને NSE ના બેન્ચમાર્ક ઇન્ડેક્સમાં સ્ટોકના સમાવેશ માટે માર્ગ મોકળો કરી શકે છે.

વૈશ્વિક રોકાણકારો સાથે ચર્ચા 

એક્સ્ચેન્જના પ્રસ્તાવિત IPO માટે તાજેતરના રોડ શો દરમિયાન વૈશ્વિક રોકાણકારો સાથે આ શક્યતાની ચર્ચા કરવામાં આવી હતી. તેમા દરખાસ્ત હેઠળ NSE શેર "વેપાર કરવાની પરવાનગી"ની શ્રેણીમાં વેપાર કરી શકે છે, પછી ભલેને તેનું લિસ્ટિંગ BSE પર થાય.

પોતાના પ્લેટફોર્મ પર લિસ્ટિંગ માટે સેબીની મંજૂરીની જરૂર
હાલના નિયમો સ્ટોક એક્સ્ચેન્જના સ્વ-લિસ્ટિંગ માટે જોગવાઈ કરતાં નથી. તેથી NSEએ તેના શેરને પોતાના જ પ્લેટફોર્મ પર ટ્રેડ કરવાની મંજૂરી આપવા માટે સેબીની મંજૂરી લેવાની જરૂર પડશે, એમ આ અંગેની જાણકારી ધરાવનારાઓએ જણાવ્યું હતું. આ મંજૂરી વગર NSE પોતાના જ પ્લેટફોર્મ પર શેરનું લિસ્ટિંગ નહીં કરાવી શકે. આ અંગેની પ્રક્રિયા ચાલી રહી છે અને આવું કોઈપણ પગલું છેલ્લે નિયમનકારી મંજૂરી પર આધાર રાખશે, એમ લોકોએ જણાવ્યું હતું. NSEના પ્રતિનિધિઓએ આ અંગેની પૂછપરછનો જવાબ આપ્યો નથી.

પરમિટ ટુ ટ્રેડ ફ્રેમવર્ક હેઠળ મંજૂરી મળી શકે
NSEની વેબસાઇટ મુજબ પરમિટ ટુ ટ્રેડ ફ્રેમવર્ક સિક્યોરિટીઝને ઔપચારિક રીતે લિસ્ટેડ થયા વગર NSE પર ટ્રેડ કરવાની મંજૂરી આપે છે, તેમના પાલન અને ડિસ્ક્લોઝરની જવાબદારી યથાવત્ છે. NSEએ 2019માં ઇન્ડેક્સમાં પાત્રતા નિયમોમાં સુધારો કર્યો હતો, જેથી આવી સિક્યોરિટીઝ ભારતના સૌથી વધુ અનુસરવામાં આવતા ગેજ અને નિફ્ટી ઇન્ડેક્સમાં સમાવેશ માટે લાયક ઠરી શકે. અગાઉ ફક્ત ઔપચારિક રીતે લિસ્ટેડ અને એક્સ્ચેન્જ પર ટ્રેડ થતાં શેર જ પાત્ર હતા.

હાલમાં લગભગ 250 કંપનીઓ NSE પર લિસ્ટેડ નથી તે હાલમાં તેના પ્લેટફોર્મ પર પરમિટ-ટુ-ટ્રેડ શ્રેણી હેઠળ વેપાર કરે છે. તેમા ઇલાન્ટાસ બેક ઇન્ડિયા લિમિટેડ, ગૂડયર ઇન્ડિયા લિમિટેડ અને નોવાર્ટિસ ઇન્ડિયાનો સમાવેશ થાય છે. આ વ્યવસ્થા NSE શેરને બંને એક્સ્ચેન્જો પર લિક્વિડિટીનો એક્સેસ આપી શકે છે. જ્યારે BSE મુખ્ય લિસ્ટિંગ માર્કેટ હશે.