BSE Sensex દિવસની ટોચથી 600 પોઇન્ટ ઘટીને બંધ આવ્યો

BSE Sensex Down: ભારતીય શેરબજાર માટે બુધવારનો દિવસ રોલર-કોસ્ટર રાઇડ જેવો રહ્યો હતો. બજાર નીચામાં ખૂલ્યા પછી 600 પોઇન્ટ કરતાં પણ વધુ ઉચકાયો હતો તેના પછી તે રીતસરનું તૂટીને માઇનસમાં બંધ થઈ ગયુ હતુ. તેના પછી બજાર પાછુ ઉચકાઈને 500 પોઇન્ટથી પણ વધુ થઈ ગયુ હતુ. દિવસના અંત સુધીમાં ઘટીને માઇનસમાં બંધ આવ્યું હતું. આમ બજારે તેના ડે હાઈથી 600 પોઇન્ટનો ઘટાડો નોંધાવ્યો હતો.

સેન્સેક્સ કરતાં નિફ્ટીમાં વધુ ઘટાડો

BSE Sensex સેન્સેક્સ 48.79 પોઇન્ટ કે 0.07 ટકા ઘટીને 72,480.29 પોઇન્ટ પર બંધ આવ્યો હતો. જ્યારે નિફ્ટી50 95.75 પોઇન્ટ કે 0.42 ટકા ઘટીને 22,620.45 પર બંધ આવ્યો હતો. નિફ્ટીના કુલ 20 શેર વધ્યા છે અને 29 શેર ઘટ્યા છે. આમ કુલ 1,740 શેર વધ્યા છે અને 1,181 શેર ઘટ્યા છે.

બજાર નીચામાં ખૂલ્યું

બીએસઈ સેન્સેક્સ ગઇકાલના બંધ 72,529.07 સામે નીચામાં 72,441.15 પોઇન્ટ પર ખૂલ્યો હતો. તે ઉપરમાં તે 73,062 ગયો હતો અને 72,366.44નું તળિયું બનાવ્યું હતું. બીએસઇના 30માંથી 13 શેર વધેલા અને 17 ઘટેલા છે.

બીએસઈ ફાર્મા અને હેલ્થકેર સ્ટોક્સ આજે દબાણ હેઠળ હતા. તેના પગલે નિફ્ટી હેલ્થકેર અને નિફ્ટી ફાર્મા 1.7 અને 0.9 ટકા ડાઉન હતા. આમ સૌથી વધુ ઘટાડો દર્શાવનારા ઇન્ડાઇસીસમાં તેનો સમાવેશ થાય છે.

ક્રૂડ ઓઇલના ભાવમાં વધારો

અમેરિકાના રાષ્ટ્રપતિ ડોનાલ્ડ ટ્રમ્પે ઈરાન પરના પ્રતિબંધો હળવા કરવાની અને તેના પરમાણુ કાર્યક્રમ પર ઈરાની છૂટના બદલામાં સ્થિર ભંડોળ મુક્ત કરવાની યોજનાનો ઇનકાર કર્યા પછી ક્રૂડ ઓઇલના ભાવમાં થોડો વધારો થયો હતો.  મંગળવારે જણાવ્યું હતું કે તેને આશા છે કે ઈરાન અને અમેરિકા વચ્ચે શટલ ડિપ્લોમસી સફળતા તરફ દોરી શકે છે. બ્રેન્ટ ક્રૂડનો નવેમ્બર ફ્યુચર્સ કોન્ટ્રાક્ટ પ્રતિ બેરલ $103.17 હતો, જે મંગળવારથી 0.6% વધુ હતો.

FII વેચાણ

વિદેશી રોકાણકારોએ મંગળવારે ચોખ્ખા ધોરણે રૂ. 9,980 કરોડના શેર વેચ્યા હતા, જે લગભગ ચાર મહિનામાં તેમનો સૌથી મોટો આઉટફ્લો છે. તેમણે સપ્ટેમ્બરમાં 2.7 અબજ ડોલરના શેર વેચ્યા છે, જેનાથી વર્ષ-અંત સુધીનું વેચાણ 26.75 અબજ ડોલર છે.

ટેકનિકલ કારણ

બજારમાં કોઈપણ તેજી જોવા મળે તે માટે નિફ્ટીએ નિર્ણાયક રીતે 22,750 થી ઉપર ટ્રેડ થવું જરૂરી છે, એમ વિશ્લેષકોએ જણાવ્યું હતું.

Watch onYouTube