વિસ્તરણના અહેવાલોના પગલે કંપની સિમ્ફનીનો શેર 14 ટકા ઉચકાયો

મુંબઈઃ ગુજરાતની કંપની સિમ્ફનીનો શેર મંગળવારે 14 ટકા ઉચકાયો હતો. કંપનીએ જણાવ્યું હતું કે દેશમાં તેનો પોર્ટફોલિયો ત્રણ નવા કેટેગરીમાં વિસ્તારી રહી છે. આ કેટેગરી છે રૂમ એર કંડિશનર અને બ્રશલેસ ડાયરેક્ટ કરંટ (બીએલડીસી) સીલિંગ ફેન્સ અને એર પ્યુરિફાયર્સ. કંપનીએ છ ઓગસ્ટ 2024ના રોજ નોંધાવેલા 18.9 ટકાના ઉછાળા પછી પહેલી વખત તેણે આટલો મોટો ઉછાળો નોંધાવ્યો છે.

ઓપનિંગ જ ઊંચા મથાળે

કંપનીનો શેર ગઇકાલના બંધ 574.60 રૂપિયા સામે 585.05 પર ખૂલ્યો હતો, તેણે લગભગ 14 ટકા વધી 652.25ની ટોચ બનાવી હતી  અને આ લખાયુ ત્યારે તે 612 રૂપિયાની આસપાસ ચાલી રહ્યો છે. કંપની લાંબા ગાળાની વિકાસની સંભાવનાને ધ્યાનમાં રાખીને કન્ઝ્યુમર ડ્યુરેબલ કેટેગરી દ્વારા વ્યાપક માર્કેટને એક્સેસ કરવાનું ધ્યેય ધરાવે છે.

આંતરિક સંસાધનોમાંથી ફંડિંગ

સિમ્ફનીના પોર્ટફોલિયો વિસ્તરણનું આંતરિક સંસાધનોમાંથી ફંડિંગ કરવામાં આવશે. કંપનીએ જણાવ્યું હતું કે એસેટ-લાઇટ મોડેલમાં તે હાલમાં ઇન-હાઉસ ઉત્પાદન ક્ષમતામાં કોઈ નવા રોકાણનું આયોજન ધરાવતી નથી. કંપની સિલેક્ટિવ રેન્જ, માર્કેટ્સ અને ચેનલ્સમાં તેને લાવશે. નાણાકીય વર્ષ 2026-27ના ત્રીજા ક્વાર્ટરથી તેનો પ્રારંભ કરવામાં આવશે. તેની ઝડપ અને વ્યાપનો આધાર ગ્રાહક પ્રતિસાદ અને અમલીકરણના આધારે હશે.

ભવિષ્ય પર નજર

વિવિધ બ્રોકરેજીસ ફર્મનું માનવું છે કે સિમ્ફનીનું BLDC ફેન્સમાં વિસ્તરણ બતાવે છે કે કંપની ટાવર અને કિચન રેન્જથી આગળ વધી છે. જ્યારે એર પ્યોરિફાયર ઘણી નાની કેટેગરી છે અને તેમા તે વર્ષો સુધી ખાસ કશું કરી શકે તેવી સંભાવના નથી.

બ્રોકરેજીસે ઉમેર્યુ હતું કે આરઇસી સેગમેન્ટ સાથે કંપની સંકળાયેલી છે અને આ સેગમેન્ટ ટોચની કંપનીઓમાં વિભાજીત છે. આ સેક્ટરમાં કંપની હવે તેનો હિસ્સો કેવી રીતે વધારી શકશે તેના પર નજર ફેલાયેલી છે. કંપનીએ એસેટ-લાઇટ મોડેલ પર ફોકસ કર્યુ હોવાથી તે દેવુ કરે તેવી સંભાવના ઘણી ઓછી છે. જો કે કંપની પાસે પ્રાઇસિંગ પાવર ન હોવાથી તેના માર્જિન પર પોઝિટિવ કે નેગેટિવ અસર અંગે કશું કહી શકાય તેમ નથી.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16