આ સપ્તાહમાં લાગશે IPOની લાઇન, 5 તો મેઈનબોર્ડ IPO હશે

ઓગસ્ટ મહિનાના છેલ્લા સપ્તાહમાં IPO રોકાણકારો માટે ભારે વ્યસ્ત રહેશે. 24 ઓગસ્ટથી પ્રાઇમરી માર્કેટમાં એક પછી એક 9 ઇશ્યૂ ખુલવાના છે, જેમાં 5 મેઇનબોર્ડ કંપનીઓનો સમાવેશ થાય છે. આ કંપનીઓ મળીને બજારમાંથી ₹3,300 કરોડથી વધુ મૂડી ઊભી કરવાની તૈયારીમાં છે. ફાર્મા, એન્જિનિયરિંગ, લોજિસ્ટિક્સ, ઇન્ફ્રાસ્ટ્રક્ચર અને પાવર કેબલ જેવા અલગ-અલગ ક્ષેત્રોની કંપનીઓ IPO લાવી રહી છે.

Symbiotec Pharmalabનો ₹1,757 કરોડનો IPO

ઇન્દોર સ્થિત ફાર્મા અને બાયોટેક કંપની Symbiotec Pharmalabનો IPO 24થી 27 ઓગસ્ટ દરમિયાન ખુલશે. કંપનીનો ઇશ્યૂ ₹1,757 કરોડનો છે. શેરનો ભાવબેન્ડ ₹938થી ₹988 નક્કી કરવામાં આવ્યો છે અને એક લોટમાં 15 શેર રહેશે. કંપની IPOમાંથી મળનારી રકમનો ઉપયોગ દેવું ચૂકવવા અને સામાન્ય કોર્પોરેટ જરૂરિયાતો માટે કરશે.

24 ઓગસ્ટથી Hy-Tech Engineersનો IPO

હાઇડ્રોલિક ફિટિંગ બનાવતી Hy-Tech Engineersનો IPO પણ 24થી 27 ઓગસ્ટ સુધી ખુલશે. ₹135.73 કરોડના આ IPO માટે પ્રાઈઝબેન્ડ ₹50થી ₹53 પ્રતિ શેર રાખવામાં આવ્યો છે. એક લોટમાં 283 શેર રહેશે. કંપની આ રકમનો ઉપયોગ નવી મશીનરી ખરીદવા અને દેવું ઘટાડવા માટે કરશે.

Skyways Air Services લાવશે ₹582.80 કરોડનો IPO

લોજિસ્ટિક્સ અને કાર્ગો સેવાઓ આપતી Skyways Air Servicesનો IPO 24થી 27 ઓગસ્ટ સુધી ખુલશે. કંપની ₹582.80 કરોડ ઊભા કરવાની તૈયારીમાં છે. તેના શેરનો પ્રાઈઝબેન્ડ ₹131થી ₹138 રાખવામાં આવ્યો છે અને એક લોટમાં 100 શેર રહેશે. IPOની રકમનો ઉપયોગ દેવું ચૂકવવા અને કાર્યકારી મૂડીની જરૂરિયાતો માટે કરવામાં આવશે.

Annu Projectsનો IPO 25 ઓગસ્ટ ખુલશે

એન્જિનિયરિંગ અને કન્સ્ટ્રક્શન ક્ષેત્રની Annu Projectsનો ₹175 કરોડનો IPO 25થી 28 ઓગસ્ટ સુધી ખુલશે. તેમાં સંપૂર્ણપણે ફ્રેશ ઈસ્યૂ છે. શેરનો પ્રાઈઝબેન્ડ ₹94થી ₹99 નક્કી થયો છે. કંપની ₹115 કરોડ કાર્યકારી મૂડી માટે અને બાકીની રકમ મશીનરી ખરીદવા માટે વાપરશે.

Lumino Industriesનો IPO 27 ઓગસ્ટે ખુલશે

પાવર કેબલ અને વાયર બનાવતી Lumino Industriesનો IPO 27 ઓગસ્ટથી 31 ઓગસ્ટ સુધી ખુલશે. શેરનો પ્રાઈઝબેન્ડ ₹78થી ₹82 નક્કી થયો છે. કંપની IPOમાંથી મળનારી રકમનો ઉપયોગ દેવું ઘટાડવા, નવી મશીનરી ખરીદવા અને ઉત્પાદન એકમને અપગ્રેડ કરવા માટે કરશે.