Tata Safari EV: જાન્યુઆરી 2027માં આવી શકે ટાટાની EV સફારી, 600Kmથી વધુ રેન્જ સાથે અનેક ફીચર્સ

Tata Motors પોતાની લોકપ્રિય Safari SUVનું ઇલેક્ટ્રિક વર્ઝન લાવવાની તૈયારીમાં છે. મીડિયા અહેવાલો મુજબ Tata Safari EV જાન્યુઆરી 2027માં લોન્ચ થઈ શકે છે અને તે કંપનીની ફ્લેગશિપ ઇલેક્ટ્રિક SUV તરીકે બજારમાં આવી શકે છે. નવા મોડલમાં મોટી બેટરી, લાંબી રેન્જ અને ઓલ-વ્હીલ ડ્રાઇવ જેવી સુવિધાઓ મળવાની ચર્ચા છે.

Acti.ev+ પ્લેટફોર્મ પર બની શકે Safari EV

Tata Safari EVને કંપનીના Acti.ev+ પ્લેટફોર્મ પર તૈયાર કરવામાં આવે તેવી શક્યતા છે. આ જ પ્લેટફોર્મ Tata Harrier EVમાં પણ ઉપયોગમાં લેવામાં આવ્યું છે. અહેવાલો મુજબ Safari EVને 6-સીટર અને 7-સીટર બંને ગોઠવણીમાં રજૂ કરવામાં આવી શકે છે, જેથી મોટી ફેમિલી માટે પણ આ SUV ઉપયોગી બની શકે.

80kWh સુધીની બેટરી મળવાની ચર્ચા

Safari EVની સૌથી મોટી ખાસિયત તેની બેટરી અને રેન્જ બની શકે છે. અહેવાલો મુજબ તેમાં Harrier EV જેવી 65kWh અને 75kWh બેટરીના વિકલ્પો મળી શકે છે. ટોપ વેરિયન્ટમાં 80kWh બેટરી પેક આપવામાં આવે તેવી પણ ચર્ચા છે. જો 80kWh બેટરી આવે તો Safari EV Tataની સૌથી લાંબી રેન્જ આપતી EVમાંથી એક બની શકે છે. Harrier EVના 75kWh RWD વેરિયન્ટની દાવાકીય રેન્જ 627Km સુધી છે, જ્યારે AWD વેરિયન્ટની દાવાકીય રેન્જ 622Km સુધી બતાવવામાં આવી છે. Safari EV માટે પણ 600Kmથી વધુ રેન્જની આવી શકે છે.

RWD અને AWD બંને વિકલ્પ મળી શકે

Safari EVમાં Rear-Wheel Drive અને All-Wheel Drive બંને વિકલ્પ મળવાની શક્યતા છે. તેના મોટર સેટઅપ અને પરફોર્મન્સ આંકડા Harrier EV જેવા હોઈ શકે છે. Harrier EVના RWD વેરિયન્ટમાં 238 PS પાવર અને 315 Nm ટોર્ક આપતી સિંગલ મોટર મળે છે. AWD વર્ઝનમાં ફ્રન્ટ મોટર 158 PS અને રિયર મોટર 238 PS પાવર આપે છે, જ્યારે કુલ ટોર્ક 504 Nm સુધી પહોંચે છે. Safari EVમાં પણ સમાન પ્રકારનું પાવરટ્રેન મળી શકે છે, પરંતુ અંતિમ આંકડા લોન્ચ સમયે જ સ્પષ્ટ થશે.

ડિઝાઇન પેટ્રોલ-ડીઝલ Safariથી અલગ હશે

Safari EVની ડિઝાઇનમાં હાલની Safari કરતાં કેટલાક ખાસ ઇલેક્ટ્રિક ફેરફારો જોવા મળી શકે છે. તેમાં બંધ ડિઝાઇનની ફ્રન્ટ ગ્રિલ, aero-optimized alloy wheels, EV special badging, અપડેટેડ લાઇટિંગ સેટઅપ અને નવા કલર વિકલ્પો મળવાની અપેક્ષા છે.

આ પણ વાંચો: આજે શું પહેરવું? Metaની Style Sketch એપ તમારા જ કપડાંમાંથી AIથી સૂચવશે નવા લુક

કેબિનમાં મળી શકે પ્રીમિયમ ફીચર્સ

કેબિનમાં પણ Safari EVને પ્રીમિયમ બનાવવા માટે અનેક ફીચર્સ આપવામાં આવી શકે છે. અહેવાલો મુજબ તેમાં triple-screen layout, ventilated front seats, panoramic sunroof, premium audio system અને dual-zone climate control જેવી સુવિધાઓ મળી શકે છે. તે ઉપરાંત 540-degree surround view camera, Level 2 ADAS, wireless smartphone charging, connected car technology અને multiple driving modes જેવી ટેક્નોલોજી પણ આપવામાં આવી શકે છે.

કિંમત ₹20 લાખથી શરૂ થવાની શક્યતા

Tata Safari EVની સત્તાવાર કિંમત હજુ જાહેર થઈ નથી. અહેવાલો પ્રમાણે તેની શરૂઆતની ex-showroom કિંમત આશરે ₹20 લાખ હોઈ શકે છે, જ્યારે ટોપ વેરિયન્ટની કિંમત ₹30 લાખથી ₹32 લાખ આસપાસ જઈ શકે છે. ભારતીય બજારમાં તેનો મુકાબલો Mahindra XEV 9S અને MG Hector Tomahawk EV જેવી ઇલેક્ટ્રિક SUVs સાથે થઈ શકે છે. હાલમાં Safari EVની લોન્ચ તારીખ, કિંમત, બેટરી, રેન્જ અને ફીચર્સ અંગેની મોટાભાગની માહિતી રિપોર્ટ્સ અને અંદાજો પર આધારિત છે. Tata Motorsએ હજુ આ વિગતોની સત્તાવાર પુષ્ટિ કરી નથી

આ પણ જુઓ

Watch onYouTube