દિવાળી પહેલા MG Hectorના 2 નવા એડિશન લોન્ચ, ફીચર્સ સાંભળી લેવાની ઈચ્છા થઈ જશે

JSW MG Motor Indiaએ ભારતીય બજારમાં 2026 Hector Storm Series લોન્ચ કરી છે. કંપનીએ આ હેઠળ Hector Blackstorm અને Hector Snowstorm નામે બે લિમિટેડ એડિશન રજૂ કર્યા છે. બંનેની એક્સ-શોરૂમ કિંમત ₹19,99,800 રાખવામાં આવી છે. બંને SUV 5-સીટર ગોઠવણીમાં ઉપલબ્ધ છે અને તેમાં 1.5 લિટર ટર્બોચાર્જ્ડ પેટ્રોલ એન્જિન સાથે CVT ગિયરબોક્સ આપવામાં આવ્યો છે.

Blackstorm અને Snowstormમાં શું છે ખાસ?

Hector Blackstormને સંપૂર્ણ કાળા રંગની બહારની ડિઝાઇન આપવામાં આવી છે, જ્યારે Hector Snowstormમાં પર્લ વ્હાઇટ બોડી સાથે સ્ટારી બ્લેક રૂફ મળે છે. બંને મોડેલમાં નવી ઓલ-બ્લેક Storm Hex Grille, આગળ અને પાછળના બમ્પર પર ખાસ ગાર્નિશ અને નવા એલોય વ્હીલ આપવામાં આવ્યા છે. તે ઉપરાંત રેડ બ્રેક કેલિપર, ડાર્ક ક્રોમ એક્સેન્ટ, પિયાનો બ્લેક રૂફ રેલ્સ, LED હેડલેમ્પ અને સ્મોક્ડ કનેક્ટેડ ટેલ લેમ્પ પણ મળે છે.

કેબિનને પણ સંપૂર્ણ કાળો લુક

Hector Storm Seriesના કેબિનમાં Nimbus Black થીમ આપવામાં આવી છે. તેમાં ઓલ-બ્લેક લેધર અપહોલ્સ્ટ્રી અને ડાર્ક ઇન્ટિરિયર એક્સેન્ટ મળે છે. આગળની સીટના હેડરેસ્ટ પર Blackstorm અથવા Snowstormની એમ્બોસિંગ આપવામાં આવી છે. લેધર રેપ્ડ સ્ટિયરિંગ વ્હીલને ગનમેટલ ફિનિશ પણ આપવામાં આવી છે.

14 ઇંચની સ્ક્રીન અને 70થી વધુ ફીચર્સ

નવી Hector Storm Seriesમાં 14 ઇંચની HD પોર્ટ્રેટ ઇન્ફોટેઇનમેન્ટ સ્ક્રીન આપવામાં આવી છે. તેમાં ડિજિટલ બ્લૂટૂથ કી, કી શેરિંગ, વાહનની જાળવણી માટેના એલર્ટ, રિમોટ AC કંટ્રોલ અને 7 ઇંચનું ડિજિટલ ઇન્સ્ટ્રુમેન્ટ ક્લસ્ટર મળે છે. MGની i-SMART ટેક્નોલોજી દ્વારા 70થી વધુ કનેક્ટેડ કાર ફીચર્સ આપવામાં આવ્યા છે.

આ પણ વાંચો: રેપો રેટમાં હજી 100થી 125 બેસિસ પોઇન્ટનો વ્યાજદર વધારો થઈ શકેઃ સુયશ ચૌધરી

143 PS પાવર અને 250 Nm ટોર્ક

બંને એડિશનમાં 1.5 લિટર ટર્બોચાર્જ્ડ પેટ્રોલ એન્જિન છે, જે 143 PS પાવર અને 250 Nm ટોર્ક ઉત્પન્ન કરે છે. સુરક્ષા માટે 360 ડિગ્રી HD કેમેરા, ABS, EBD, ઇલેક્ટ્રોનિક સ્ટેબિલિટી પ્રોગ્રામ, ટ્રેક્શન કંટ્રોલ, હિલ હોલ્ડ અને બ્રેક અસિસ્ટ જેવી સુવિધાઓ આપવામાં આવી છે. આ ઉપરાંત ADAS, 8 રંગની એમ્બિયન્ટ લાઇટિંગ, પાવર્ડ ટેલગેટ, એર પ્યુરિફાયર, રેન-સેન્સિંગ વાઇપર અને ફ્રન્ટ પાર્કિંગ સેન્સર પણ મળે છે.

84 મહિના સુધી ફાઇનાન્સ

કંપની Hector Blackstorm અને Snowstorm માટે ઓન-રોડ કિંમત પર 100% સુધી ફાઇનાન્સ આપવાની સુવિધા પણ આપી રહી છે. ફાઇનાન્સની અવધિ મહત્તમ 84 મહિના સુધી રાખી શકાય છે. સાથે એક્સેસરીઝ પર પણ 100% સુધી ફાઇનાન્સ ઉપલબ્ધ છે. બંને SUV સાથે MG Shieldનું 3+3+3 પેકેજ પણ મળે છે. તેમાં 3 વર્ષની અનલિમિટેડ કિલોમીટર વોરંટી, 3 વર્ષની રોડસાઇડ સહાય અને 3 લેબર-ફ્રી સર્વિસનો સમાવેશ થાય છે.

આ પણ જુઓ

Watch onYouTube