Jioનો IPO લાગ્યો કે નહીં? જાણો કેવી રીતે ચેક કરી શકાશે એલોટમેન્ટ સ્ટેટસ

Jio પ્લેટફોર્મના ₹30,213 કરોડના મેગા IPOમાં અરજી કરનારા રોકાણકારોની રાહ પૂરી થશે. IPOનું એલોટમેન્ટ 26 ઑક્ટોબર રાત્રે થશે. IPO 21 ઑક્ટોબરે ખુલ્યો હતો અને 23 ઑક્ટોબરે બંધ થયો હતો.

Jio IPO લાગ્યો કે નહીં કેવી રીતે ખબર પડશે?

Allotmentની પ્રક્રિયા પૂર્ણ થયા બાદ રોકાણકાર પાસે મુખ્યત્વે ત્રણ વિકલ્પ રહેશે. જેમાં KFin Technologies, BSE અને NSE. Jio પ્લેટફોર્મ IPOના સત્તાવાર રજિસ્ટર તરીકે KFin Technologies Limited કાર્યરત છે. એટલે એલોટમેન્ટ ચેક કરવા માટે સૌથી સીધો વિકલ્પ KFin Technologies રહેશે.

KFin Technologies પરથી કેવી રીતે ચેક કરવું?

સૌથી પહેલા KFin Technologiesની IPO એલોટમેન્ટ સ્ટેટસ સેવા ખોલવી.

ત્યારબાદ,

1. કંપનીના નામમાં Jio Platforms Limited પસંદ કરો.

2. PAN Number, Application Number અથવા Demat Accountમાંથી કોઈ એક વિકલ્પ પસંદ કરો.

3. સંબંધિત નંબર દાખલ કરો.

4. જરૂરી હોય તો Captcha ભરો.

5. સબમિટ પર ક્લિક કરો.

6. તમને શેર એલોટ થયા છે કે નહીં તેની માહિતી સ્ક્રીન પર દેખાશે.

જો તમને શેર મળ્યા હશે તો સામાન્ય રીતે એલોટેડ શેર અથવા મળેલા શેરની સંખ્યા દેખાશે. જો એલોટમેન્ટ ન મળ્યું હોય તો સ્ટેટસમાં શેર એલોટ ન થયાનું દર્શાવવામાં આવશે.

BSE પરથી Jio IPO allotment કેવી રીતે ચેક કરવું?

BSEની IPO Application Status સેવા મારફતે પણ ચેક કરી શકાય છે.

પ્રક્રિયા:

1. Issue Typeમાં ઈક્વિટી પસંદ કરો.

2. Issue Nameમાં Jio Platforms Limited પસંદ કરો.

3. PAN અથવા IPO Application Number દાખલ કરો.

4. Captcha દાખલ કરો.

5. સર્ચ અથવા સબમિટ પર ક્લિક કરો.

6. તમારી અરજીનું એલોટમેન્ટ સ્ટેટસ સ્ક્રીન પર જોવા મળશે.

NSE પરથી કેવી રીતે ચેક કરવું?

NSE પર IPO બિડ/એલોટમેન્ટ સંબંધિત માહિતી ચેક કરવાની સુવિધા ઉપલબ્ધ છે.

પ્રક્રિયા:

1. Equity & SME IPO સંબંધિત વિકલ્પ પસંદ કરો.

2. Jio Platforms પસંદ કરો.

3. જરૂરી PAN અથવા Application Number દાખલ કરો.

4. વિગતો સબમિટ કરો.

સ્ટેટસ તરત ન દેખાય તો શું કરવું?

એલોટમેન્ટ 26 ઓક્ટોબરે રાત્રે થવાનું છે, પરંતુ દરેક વેબસાઇટ પર માહિતી એકસાથે દેખાય તે જરૂરી નથી. એલોટમેન્ટની પ્રક્રિયા પૂર્ણ થયા બાદ રજીસ્ટર અને એક્સચેન્જ પર ડેટા અપલોડ થાય છે. એટલે રાત્રે શરૂઆતમાં સ્ટેટસ ન દેખાય તો તેનો અર્થ શેર મળ્યા નથી એવો નથી. થોડા સમય બાદ ફરી ચેક કરવું યોગ્ય રહેશે.

શેર લાગ્યા હોય તો આગળ શું થશે?

Jio Platforms IPOના હાલના સમયપત્રક મુજબ એલોટમેન્ટ બાદ 27 ઑક્ટોબરે શેર રોકાણકારોના ડિમેટ એકાઉન્ટમાં જમા થવાની પ્રક્રિયા થવાની ધારણા છે. જે રોકાણકારોને શેર નહીં મળે તેમના blocked fundsને 27 ઑક્ટોબરથી અનબ્લોક/રિફંડ કરવાની પ્રક્રિયા શરૂ થવાની શક્યતા છે.

આ પણ વાંચો: Jio Platforms IPO: ફાઇનલ ઇશ્યુ પ્રાઇસ ₹1,119 નક્કી, કંપનીનું વેલ્યુએશન ₹10.3 લાખ કરોડ

Jio Platformsનું Listing ક્યારે?

Jio Platformsના શેરનું BSE અને NSE પર 28 ઑક્ટોબરે લિસ્ટિંગ થવાનું નક્કી છે.

રિટેલમાં શેર મળવાની સ્પર્ધા કેટલી?

Jio Platforms IPO કુલ 22.19 ગણો સબસ્ક્રાઈબ થયો હતો. રિટેલ રોકાણકારો માટેનો હિસ્સો 2.72 ગણો સબસ્ક્રાઈબ થયો હતો. QIB હિસ્સો 70.55 ગણો અને NII હિસ્સો 14 ગણો સબસ્ક્રાઈબ થયો હતો. એટલે ખાસ કરીને રિટેલ કેટેગરીમાં અરજી કરનાર દરેક રોકાણકારને શેર મળશે જ એવું નથી.

સૌથી સરળ રસ્તો કયો?

જો તમારે માત્ર એટલું જ જાણવું હોય કે “મને Jio IPO લાગ્યો કે નહીં?”, તો સૌથી સરળ રસ્તો KFin Technologiesના IPO એલોટમેન્ટ પેજ પર જઈ PAN નંબર નાખીને સ્ટેટસ ચેક કરવાનો રહેશે.

આ પણ જુઓ

Watch onYouTube