Jio Platforms IPOની GMP ₹150ને પાર, આ તારીખે ખુલવાની પ્રબળ શક્યતા

Jio Platforms ભારતીય શેરબજારમાં અત્યાર સુધીના સૌથી મોટા IPOની લાવવાની તૈયારીમાં છે. રિપોર્ટ મુજબ, કંપની 21 ઓક્ટોબરે આશરે ₹36,600 કરોડનો IPO લાવી કરી શકે છે, જ્યારે શેરનું લિસ્ટિંગ 28 ઓક્ટોબરે થવાની શક્યતા છે. જોકે, આ તારીખો અંગે કંપની તરફથી હજુ સત્તાવાર પુષ્ટિ કરવામાં આવી નથી.

IPO પહેલા જ ગ્રે માર્કેટમાં ભારે ઉત્સાહ

હજુ તો IPOની તારીખ કે ઈશ્યૂ સાઈઝ જાહેર નથી થઈ તે પહેલા જ ગ્રે માર્કેટમાં પણ Jio Platforms IPOને લઈને ઉત્સાહ જોવા મળી રહ્યો છે અને GMP ₹150ને પાર પહોંચી ગઈ હોવાનું સામે આવ્યું છે. હવે જોવાનું રહ્યું કે IPOની પ્રાઈઝ બેન્ડ શું રાખવામાં આવે છે.

ભારતનો સૌથી મોટો IPO બની શકે

જો Jio Platformsનો IPO આશરે ₹36,600 કરોડના કદ સાથે આવે તો તે ભારતનો અત્યાર સુધીનો સૌથી મોટો IPO બની શકે છે. હાલ સુધી આ રેકોર્ડ Hyundai Motor Indiaના નામે છે, જેણે 2024માં આશરે ₹27,930 કરોડનો IPO લાવ્યો હતો. તાજેતરમાં આવેલા NSEના આશરે ₹22,150 કરોડના IPO કરતાં પણ Jio Platformsનો સંભવિત ઇશ્યૂ મોટો રહેશે.

IPOની રકમનો ઉપયોગ દેવું ઘટાડવામાં થઈ શકે

રિપોર્ટ મુજબ, IPOમાંથી મળનારી રકમનો મોટો હિસ્સો કંપનીની ટેલિકોમ યુનિટનું દેવું ઘટાડવા માટે વપરાય તેવી શક્યતા છે. Jio Platformsમાં Meta અને Google જેવી મોટી વૈશ્વિક ટેક્નોલોજી કંપનીઓ પણ રોકાણકાર તરીકે સામેલ છે.

આ પણ વાંચો: બે કંપનીઓ IPO માટે સજ્જ, Tanvi Exports અને Vardhman Appliancesએ SEBIમાં DRHP ફાઇલ કર્યા

ટેલિકોમ સાથે AI અને Cloud પર પણ ફોકસ

Jio Platformsનો વ્યવસાય માત્ર ટેલિકોમ સુધી મર્યાદિત નથી. કંપની AI, Cloud અને Enterprise Network જેવા ક્ષેત્રોમાં પણ કામ કરી રહી છે. આ કારણે IPO દ્વારા રોકાણકારોને ટેલિકોમ ઉપરાંત અન્ય ડિજિટલ વ્યવસાયોમાં પણ ભાગીદારી મેળવવાની તક મળી શકે છે.

IPO બજારમાં પહેલેથી જ તેજી

ભારતમાં આ વર્ષે IPO બજારમાં ભારે પ્રવૃત્તિ જોવા મળી છે. એપ્રિલથી સપ્ટેમ્બર દરમિયાન IPO મારફતે ઊભી કરાયેલી રકમ આ સમયગાળા માટે રેકોર્ડ સ્તરે પહોંચી હોવાનું જણાવાયું છે. PRIME Database મુજબ, લગભગ 250 કંપનીઓ IPO મારફતે કુલ ₹4.65 લાખ કરોડ ઊભા કરવાની તૈયારીમાં છે. આ યાદીમાં Carlsbergના ભારતીય વ્યવસાય અને Oyoની પેરેન્ટ કંપની Prism જેવા નામો પણ સામેલ છે. આવી સ્થિતિમાં Jio Platformsનો IPO પ્રાઇમરી માર્કેટમાં વધુ મોટી હલચલ ઊભી કરી શકે છે.

આ પણ જુઓ

Watch onYouTube