Wiproના શેરમાં જોરદાર ખરીદી! નબળા નફા છતાં સ્ટોક 6.5% ઉછળ્યો

Wiproના સપ્ટેમ્બર ક્વાર્ટરના પરિણામો બાદ શેરબજારમાં કંપનીના શેરમાં જોરદાર ખરીદી જોવા મળી છે. કંપનીનો કન્સોલિડેટેડ નફો ત્રિમાસિક ધોરણે લગભગ 5% ઘટ્યો હોવા છતાં આવક અને ઓપરેટિંગ નફામાં વૃદ્ધિ નોંધાઈ છે. પરિણામે 16 ઓક્ટોબરના ટ્રેડિંગ દરમિયાન Wiproનો શેર 6.5% સુધી ઉછળીને ₹185.45 પર પહોંચ્યો હતો.

પરિણામ બાદ શેરમાં તેજી

NSEના આંકડા અનુસાર, અગાઉના ટ્રેડિંગ સેશનમાં Wiproનો શેર ₹174.05 પર બંધ થયો હતો. 16 ઓક્ટોબરે શરૂઆતમાં શેરમાં ખાસ હલચલ જોવા મળી નહોતી, પરંતુ બાદમાં ખરીદી વધતા શેરમાં તેજી આવી હતી. ભારે ટ્રેડિંગ વોલ્યુમ વચ્ચે શેર ₹185.45 સુધી પહોંચ્યો હતો. NSE અને BSE બંનેને મળીને 5.94 કરોડથી વધુ શેરનું ટ્રેડિંગ થયું હતું. બપોર સુધીમાં શેર લગભગ 5.8% વધીને ₹184.22 આસપાસ ટ્રેડ થઈ રહ્યો હતો. લાંબા ગાળાની વાત કરીએ તો NSEના આંકડા અનુસાર છેલ્લા 5 વર્ષમાં Wiproના શેરની કિંમતમાં 48%નો ઘટાડો થયો છે. છેલ્લા 3 વર્ષમાં શેર 10% અને છેલ્લા એક વર્ષમાં 27%થી વધુ ઘટ્યો છે. 2026માં અત્યાર સુધીમાં શેર 31.4% ઘટ્યો છે. જોકે, તાજેતરના સમયમાં શેરમાં સુધારો જોવા મળ્યો છે. છેલ્લા એક મહિનામાં શેર 9.8% અને છેલ્લા 5 ટ્રેડિંગ સેશનમાં 12.75% વધ્યો છે.

Q2માં નફો ઘટ્યો, પરંતુ EBITDA વધ્યું

NSE ફાઇલિંગ મુજબ સપ્ટેમ્બર ક્વાર્ટરમાં Wiproનો કન્સોલિડેટેડ નફો ત્રિમાસિક ધોરણે લગભગ 5% ઘટીને ₹3,200 કરોડ રહ્યો. બીજી તરફ, કંપનીના કોર ઓપરેશન્સમાંથી આવક 1.1% વધી છે. વાર્ષિક ધોરણે પણ કન્સોલિડેટેડ નફામાં 1.9%નો ઘટાડો નોંધાયો છે, જ્યારે આવકમાં 9%થી વધુ વૃદ્ધિ થઈ છે. ઓપરેટિંગ સ્તરે કંપનીનું પ્રદર્શન વધુ મજબૂત રહ્યું છે. Wiproનો EBITDA એટલે કે ઓપરેટિંગ નફો વાર્ષિક ધોરણે 11.21% વધીને ₹4,863 કરોડ થયો છે. એક વર્ષ અગાઉના સમાન ક્વાર્ટરમાં EBITDA ₹4,372 કરોડ હતો. કંપનીના કર્મચારીઓ સંબંધિત આંકડા અનુસાર, સપ્ટેમ્બર 2026 સુધીના છેલ્લા 12 મહિનાના આધારે વોલન્ટરી એટ્રિશન 13.8% રહ્યું છે.

Q3 માટે કંપનીની ગાઇડન્સ શું છે?

Wiproના મેનેજમેન્ટે નાણાકીય વર્ષ 2026-27ના ત્રીજા ક્વાર્ટર માટે IT સર્વિસિસ બિઝનેસની આવક $2,571 મિલિયનથી $2,625 મિલિયન વચ્ચે રહેવાની અપેક્ષા વ્યક્ત કરી છે. કંપનીના જણાવ્યા અનુસાર, આ કોન્સ્ટન્ટ કરન્સીના આધારે ત્રિમાસિક ધોરણે -1.5%થી +0.5%ની ગાઇડન્સ દર્શાવે છે. એટલે કે ગાઇડન્સનો નીચલો છેડો આવકમાં ઘટાડો દર્શાવે છે, જ્યારે ઉપરનો છેડો ખૂબ જ મર્યાદિત વૃદ્ધિ તરફ સંકેત આપે છે.

આ પણ વાંચો : Tesla Flying Car: હવે હવામાં ઉડશે ટેસ્લા! Roadster 2થી ઓટો માર્કેટમાં ખળભળાટ

આ પણ જુઓ:

Watch onYouTube