Personal Loan કે Home Loan Top-up? જાણો તમને કેમા થશે વધુ બચત

ઘરની રિનોવેશન, બાળકોના અભ્યાસ, લગ્ન કે અન્ય જરૂરી ખર્ચ માટે અચાનક મોટી રકમની જરૂર પડે ત્યારે લોકો સામાન્ય રીતે પર્શનલ લોન તરફ વળે છે. પરંતુ જો પહેલેથી હોમ લોન ચાલુ હોય તો તે જ બેન્કમાંથી Top-up લોન લેવાનો વિકલ્પ પણ ઉપલબ્ધ હોઈ શકે છે. બંનેમાં EMI ચૂકવવાની હોય છે, પરંતુ વ્યાજદર અને કુલ ચુકવણીમાં નોંધપાત્ર તફાવત થઈ શકે છે.

₹5 લાખના લોનમાં કેટલો તફાવત?

માની લો કે ₹5 લાખની જરૂર છે અને બંને લોન 5 વર્ષ એટલે કે 60 મહિનાની મુદત માટે લેવામાં આવે છે. આ ઉદાહરણમાં Personal Loanનો વ્યાજદર 14% અને Home Loan Top-upનો વ્યાજદર 9.25% માનવામાં આવ્યો છે. આ ગણતરી reducing balance પદ્ધતિ પર આધારિત છે, એટલે દરેક EMI પછી બાકી રહેલી લોન રકમ પર વ્યાજની ગણતરી થાય છે.

Top-upમાં કેટલા રૂપિયા બચી શકે?

ઉપરના ઉદાહરણ મુજબ બંને EMI વચ્ચે દર મહિને લગભગ ₹1,194નો તફાવત છે. Personal Loanમાં 5 વર્ષમાં કુલ લગભગ ₹1,98,048 વ્યાજ ચૂકવવું પડે છે, જ્યારે Top-up Loanમાં કુલ વ્યાજ લગભગ ₹1,26,397 થાય છે. એટલે કુલ વ્યાજમાં આશરે ₹71,651ની બચત થઈ શકે છે. જોકે આ બચત ત્યારે જ થશે જ્યારે ખરેખર 9.25%ના વ્યાજદરે Top-up Loan મળે અને પ્રોસેસિંગ ફી તથા અન્ય ચાર્જમાં મોટો તફાવત ન હોય.

આ પણ વાંચો: પેન્શનરો સાવધાન: 30 નવેમ્બર પહેલા આ કામ નહીં કરો તો ડિસેમ્બરથી પેન્શન બંધ!

Top-up Loan કોને મળી શકે?

Top-up Loan દરેક વ્યક્તિને આપમેળે મળતી નથી. સામાન્ય રીતે તે ગ્રાહકો માટે હોય છે જેમની પહેલેથી જ Home Loan ચાલુ હોય. બેન્ક Top-up મંજૂર કરતાં પહેલાં સમયસર EMI ચુકવણી, આવક, ક્રેડિટ સ્કોર, બાકી હોમ લોન, મિલકતની કિંમત અને લોન ચૂકવવાની ક્ષમતા જેવી બાબતો તપાસી શકે છે. કેટલીક બેન્કોમાં હોમ લોનની ચોક્કસ મુદત પૂરી થયા પછી અથવા અમુક EMI ચૂકવ્યા બાદ જ Top-upની સુવિધા મળે છે.

માત્ર ઓછા વ્યાજદર પરથી નિર્ણય ન લો

Top-up Loanનો વ્યાજદર પર્શનલ લોન કરતાં ઓછો હોઈ શકે છે, પરંતુ નિર્ણય કરતાં પહેલાં પ્રોસેસિંગ ફી, પ્રી-પેમેન્ટના નિયમો અને અન્ય ચાર્જ પણ જોવા જરૂરી છે. લાંબી મુદત પસંદ કરવાથી EMI ઓછી થઈ શકે છે, પરંતુ કુલ વ્યાજ વધવાની શક્યતા રહે છે. Top-up Loan હાલના હોમ લોન સાથે જોડાયેલો હોવાથી તેની શરતો પણ સારી રીતે સમજવી જરૂરી છે. જો પહેલેથી હોમ લોન ચાલુ હોય અને બેન્ક ઓછા વ્યાજદરે Top-up આપતી હોય તો તે પર્શનલ લોન કરતાં સસ્તો વિકલ્પ બની શકે છે. પરંતુ હોમ લોન ન હોય અથવા Top-up મંજૂર ન થાય તો પર્શનલ લોન એક વિકલ્પ રહે છે. અંતિમ નિર્ણય પહેલાં બંને લોનના વ્યાજદર, કુલ ચુકવણી, ફી અને શરતોની સરખામણી કરવી જરૂરી છે.

આ પણ જુઓ

Watch onYouTube