China Mineral Discovery : ચીનને મળ્યો ખનિજોનો ખજાનો, સોનું-નિકલથી રેનિયમ સુધીના રિઝર્વ વધ્યા

ચીનમાંથી ક્રિટિકલ મિનરલ્સ મુદ્દે મોટા સમાચાર સામે આવ્યા છે. ચીનમાં સોનું, નિકલ અને રેનિયમ જેવા મહત્વના મિનરલ્સના રિઝર્વનો મોટો જથ્થો મળી આવ્યો છે. દેશભરમાં કરાયેલી તપાસ બાદ આ મિનરલ્સના સંશોધનમાં ભારે વધારો નોંધાયો છે. ચીનની સરકારી સમાચાર એજન્સી શિન્હુઆએ શનિવારે જણાવ્યું કે, ચીનના નેચરલ રિસોર્સિસ મંત્રાલયના આંકડા મુજબ રેનિયમના સંશાધન 200 ટકાથી વધુ વધી ગયા છે. બીજીબાજુ સોના અને નિકલના નવા રિઝર્વ ક્રમશઃ 50 અને 30 મોટા મિનરલ રિઝર્વ સમકક્ષ થયા છે. આ તપાસ એક વર્ષ સુધી ચાલી હતી અને તેમાં દેશના 27 પ્રાંત તથા અન્ય વહીવટી ક્ષેત્રોનો સમાવેશ કરાયો હતો.

રેનિયમના રિસોર્સિસમાં 200 ટકાથી વધુનો વધારો

આ તપાસમાં સૌથી મોટો વધારો રેનિયમના રિસોર્સિસમાં જોવા મળ્યો છે. તેના સંશાધન 200 ટકાથી વધુ વધ્યા છે. રેનિયમ એક વિશેષ પ્રકારની ધાતુ છે, જેનો ઉપયોગ જેટ એન્જિનના કેટલાક પાર્ટ્સ બનાવવામાં થાય છે. તેને એવા ખાસ મિશ્રિત ધાતુવાળા ભાગ બનાવવામાં થાય છે, જે ખૂબ જ વધુ તાપમાન સહન કરી શકે છે. બીજીબાજુ સોનું અને નિકલના રિઝર્વમાં થયેલો વધારો પણ ઘણો મોટો છે. આ બંને મિનરલ્સના નવા સંશાધન ક્રમશઃ 50 અને 30 મોટા રિઝર્વ સમકક્ષ જણાવાય છે.

ગેલિયમ, ઈન્ડિયમ અને વૈનેડિયમના રિઝર્વ પણ વધ્યા

શિન્હુઆના રિપોર્ટ મુજબ તપાસ પછી ગૈલિયમ, ઈન્ડિયમ, ટૈંટેલમ અને વૈનેડિયમ જેવા મિનરલ્સના રિસોર્સિસમાં પણ વધારો થયો છે. તેમાંથી દરેક મિનરલના નવા સંશાધન 10થી વધુ મોટા મિનરલ રિઝર્વ સમકક્ષ છે. આ વધારો એવા મિનરલ રિઝર્વની ફરીથી તપાસ પછી થયો છે, જેને પહેલા ઓછી ગુણવત્તાવાળા માનવામાં આવ્યા હતા અથવા જેમનો ઉપયોગ કરવો મુશ્કેલ હતો. તપાસમાં એવા મિનરલ રિઝર્વનો પણ સમાવેશ કરાયો, જેનાથી અન્ય મિનરલ્સની સાથે આ સંશાધન મળી શકે છે.

17 મહત્વના મિરલ્સની થઈ તપાસ

ચીને આ સંપૂર્ણ પ્રોજેક્ટ હેઠળ 17 મહત્વના મિનરલ્સ પર ધ્યાન આપ્યું. આ કામ એક વર્ષ સુધી ચાલ્યું. તેમાં 1,800થી વધુ ચાલુ ખાણો અને મોટા તથા મધ્યમ આકારવાળા ખાણ ક્ષેત્રોની તપાસ કરાઈ. આ કામમાં 100થી વધુ સંસ્થાનો અને અંદાજે 2,000 સરવે કરનારા લોકોએ ભાગ લીધો. આ તપાસ ચીનના 27 પ્રાંત, સ્વાયત્ત ક્ષેત્રો અને નગરપાલિકાઓમાં કરાઈ હતી.

શિનજિયાંગમાં મળ્યો જિરકોનનો નવો રિઝર્વ

ચીનને શિનજિયાંગના બાઈચેંગમાં વધુ એક મોટો મિનરલ્સનો જથ્થો મળ્યો છે. અહીં દેશની પહેલી પ્રાચીન નદી અને સરોવરના સંચયથી બનેલો જિરકોનનો રિઝર્વ મળ્યો છે. શિન્હુઆ મુજબ આ શોધથી ચીનમાં જિરકોનનો ઘરેલુ સપ્લાય ઘણો વધી શકે છે. ચીન લાંબા સમયથી જિરકોન માટે અન્ય દેશોમાંથી થતી આયાત પર નિર્ભર હતું.

જિરકોનથી મળનારા જિરકોનિયમનો ઉપયોગ પરમાણુ રિએક્ટરમાં ઈંધણના સળિયાનું બાહ્ય સ્તર બનાવવામાં થાય છે. આ સિવાય તેનો ઉપયોગ એરોસ્પેસ ક્ષેત્રમાં ઘણું વધુ તાપમાન સહન કરનારા ખાસ મિશ્રિત ધાતુના સામાન બનાવવામાં પણ કરવામાં આવે છે.

આ પણ જૂઓ

Watch onYouTube