ભારત-EU વેપાર કરારને સર્વસંમતિ, $24 ટ્રિલિયનના બજારમાં ખુલશે નવી તકો

India-EU Free Trade Agreement હવે અમલીકરણની દિશામાં મહત્વના તબક્કે છે. વાણિજ્ય અને ઉદ્યોગ મંત્રી પીયૂષ ગોયલના જણાવ્યા મુજબ યુરોપિયન યુનિયનના તમામ 27 દેશોએ કરારને સમર્થન આપ્યું છે અને જરૂરી ઔપચારિકતાઓ ઝડપથી પૂર્ણ કરીને તેને અમલમાં મૂકવાની ઇચ્છા વ્યક્ત કરી છે.

મુંબઈમાં યોજાયેલા India-Belgium High-Level Dialogue દરમિયાન ગોયલે જણાવ્યું કે આ કરાર ભારત અને યુરોપિયન યુનિયનના લગભગ 2 અબજ લોકોના બજારને જોડે છે, જે મળીને વૈશ્વિક GDPનો આશરે ચોથો ભાગ અને વિશ્વ વેપારનો લગભગ ત્રીજો ભાગ ધરાવે છે.

$24 ટ્રિલિયનનું સંયુક્ત બજાર

India-EU FTA હેઠળ ભારત અને યુરોપિયન યુનિયનનો સંયુક્ત બજાર કદ આશરે $24 ટ્રિલિયન હોવાનું જણાવાયું છે. કરારથી ખેડૂતો, માછીમારો, MSME, સ્ટાર્ટઅપ, મહિલા ઉદ્યોગસાહસિકો, ઉત્પાદકો અને સેવા પ્રદાતાઓ માટે યુરોપિયન બજારમાં નવી વેપાર તકો ઊભી થવાની અપેક્ષા છે.

95%થી વધુ માલ પર ટેરિફમાં ઘટાડો

બેલ્જિયમના વડાપ્રધાન બાર્ટ ડી વેવરના જણાવ્યા મુજબ FTA હેઠળ 95%થી વધુ ભારતીય અને યુરોપિયન માલની નિકાસ પર લાગતા ટેરિફ ઘટાડવામાં આવશે અથવા દૂર કરવામાં આવશે. આથી Textiles, Apparel, Footwear, Machinery અને Auto Components જેવા ક્ષેત્રો માટે વેપાર ખર્ચ ઘટી શકે છે અને બંને બજારો વચ્ચે માલની અવરજવર વધવાની શક્યતા છે.

કયા ક્ષેત્રોને વધુ તક?

ભારત અને બેલ્જિયમ Gems & Jewellery, Semiconductor, Green Hydrogen, Defence, Advanced Manufacturing, Agriculture અને Food Processing જેવા ક્ષેત્રોમાં સહકાર વધારવાની તકો જોઈ રહ્યા છે. બેલ્જિયમ તરફથી Pharma, Maritime Services, Logistics અને Infrastructureમાં પણ ભાગીદારી વધારવા પર ભાર મૂકાયો છે.

Antwerp-Bruges Port બની શકે મહત્વનું પ્રવેશદ્વાર

બેલ્જિયમે Antwerp-Bruges Portને ભારતીય નિકાસ માટે યુરોપના મુખ્ય પ્રવેશદ્વાર તરીકે રજૂ કર્યું છે. બંદરનું Rail, Road, Inland Waterways, Cold Chain અને Deepwater Infrastructure ભારતીય Food, Pharma અને અન્ય ઉત્પાદનોને યુરોપના મોટા બજારો સુધી પહોંચાડવામાં મહત્વનું બની શકે છે.

India-EU વેપાર દાયકામાં બમણો

પીયૂષ ગોયલના જણાવ્યા મુજબ છેલ્લા દાયકામાં India-EU દ્વિપક્ષીય વેપાર બમણો થઈને આશરે $140 અબજ સુધી પહોંચ્યો છે. FTA અમલમાં આવ્યા બાદ ટેરિફ ઘટાડો, રોકાણ અને સપ્લાય ચેઇન સહકાર વધવાથી બંને પક્ષો વચ્ચેના વેપારને વધુ વેગ મળવાની અપેક્ષા છે.

અમારી WhatsApp ચેનલમાં જોડાવવા અહીં આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16

આ પણ વાંચો: ગ્રાહકો સાથે અન્યાય નહીં ચાલે: RBIએ CIBIL સહિત ક્રેડિટ બ્યુરો અને NBFCsને ફટકાર્યો ₹45.32 લાખનો દંડ