iPhoneને ટક્કર આપવા માર્કેટમાં આવી રહ્યો છે Vivo X500, ભારતમાં આ તારીખે થશે એન્ટ્રી ?

Appleની નવી iPhone સિરીઝની ચર્ચા વચ્ચે Vivo પણ પોતાના નવા ફ્લેગશિપ ફોન સાથે મોટી તૈયારી કરી રહ્યું છે. Vivo X500 સિરીઝ 21 સપ્ટેમ્બર 2026ના રોજ ચીનમાં લોન્ચ થશે. કેમેરા અને ખાસ કરીને વીડિયો રેકોર્ડિંગમાં મળનારા નવા ફીચર્સને જોતા Vivo X500 સિરીઝને iPhoneના મજબૂત Android સ્પર્ધક તરીકે જોવામાં આવી રહી છે.

ભારતમાં ક્યારે આવશે?

Vivoએ હાલમાં માત્ર ચીન માટે 21 સપ્ટેમ્બરની લોન્ચ તારીખ જાહેર કરી છે. ભારતમાં લોન્ચની ચોક્કસ તારીખ હજી જાહેર થઈ નથી. જોકે અહેવાલો મુજબ X500 સિરીઝ ઓક્ટોબર અથવા નવેમ્બરની શરૂઆતમાં ભારતમાં લોન્ચ થઈ શકે છે.

વીડિયો રેકોર્ડિંગમાં મોટો દાવ

X500 સિરીઝનું સૌથી મોટું આકર્ષણ તેનો વીડિયો કેમેરા બની શકે છે. કંપનીના જણાવ્યા મુજબ ફોનમાં 4K રિઝોલ્યુશનમાં 240fps Slow-Motion Video રેકોર્ડ કરવાની સુવિધા મળશે. સાથે 4K HDR Portrait Video અને અલગ Cinematic Video Style પણ મળશે.

પોતાના વીડિયો કલર પણ બનાવી શકશો

Vivo X500 સિરીઝમાં Sunlight Film, Cool Silver Halide અને Sunny Day જેવા તૈયાર વીડિયો સ્ટાઇલ મળશે. આ ઉપરાંત યુઝર પોતાનો કસ્ટમ વીડિયો કલર સ્ટાઇલ બનાવી શકશે અને તેને બીજા યુઝર સાથે શેર પણ કરી શકશે. આ સુવિધા ખાસ કરીને વીડિયો બનાવતા ક્રિએટર્સ માટે ઉપયોગી બની શકે છે.

200MP કેમેરાની ચર્ચા

અહેવાલો મુજબ X500 સિરીઝમાં Vivo નવું Blueprint 900 Image Sensor આપી શકે છે.સ્ટાન્ડર્ડ X500માં 50MPનો મુખ્ય કેમેરા, ટેલિફોટો અને 50MP અલ્ટ્રા-વાઇડ કેમેરો મળી શકે છે. જ્યારે Vivo X500 Pro Maxમાં 200MP ટેલિફોટો કેમેરો મળવાની ચર્ચા છે. જોકે આ તમામ કેમેરા સ્પેસિફિકેશન્સની કંપનીએ હજી સંપૂર્ણ સત્તાવાર પુષ્ટિ કરી નથી.

2nm Processor મળી શકે

અહેવાલો મુજબ Vivo X500 Pro Maxમાં MediaTek Dimensity 9600 Pro ચિપસેટ મળી શકે છે. આ ચિપ 2nm Process પર બનેલી હોવાની અપેક્ષા છે. Pro Maxમાં 6.83 ઇંચની 2K Display પણ મળી શકે છે. જો આ ફીચર્સ સત્તાવાર મોડલમાં આવે તો Vivoનો મુખ્ય ફોકસ પર્ફોમન્સ કરતાં પણ વધારે કેમેરા અને વીડિયો Experience પર રહેતો જોવા મળી શકે છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16