Q2 Result: Hyundai Motor Indiaનો નફો 24% ઘટીને ₹1,196 કરોડ, આવક 18.5% વધી

Hyundai Motor Indiaએ Q2 FY27ના પરિણામ જાહેર કર્યા છે. સપ્ટેમ્બર ત્રિમાસિકમાં કંપનીનો સંકલિત ચોખ્ખો નફો વાર્ષિક ધોરણે 23.9% ઘટીને ₹1,196 કરોડ રહ્યો છે. ગયા વર્ષે સમાન ત્રિમાસિકમાં કંપનીએ ₹1,572 કરોડનો નફો નોંધાવ્યો હતો. બજારને આશરે ₹1,229 કરોડના નફાની અપેક્ષા હતી, એટલે નફો અનુમાન કરતાં પણ થોડો નબળો રહ્યો.

આવકમાં ₹3,235 કરોડનો વધારો

નફામાં ઘટાડા છતાં કંપનીની આવકમાં મજબૂત વૃદ્ધિ નોંધાઈ છે. Q2માં Hyundai Motor Indiaની સંકલિત આવક ગયા વર્ષના ₹17,461 કરોડથી વધીને ₹20,696 કરોડ થઈ છે. એટલે એક વર્ષમાં આવકમાં આશરે ₹3,235 કરોડનો વધારો થયો છે. વાર્ષિક ધોરણે આવક વૃદ્ધિ લગભગ 18.5% રહી.

EBITDA અનુમાનથી થોડું સારું

Hyundai Motor Indiaનું Q2 EBITDA ₹1,975 કરોડ રહ્યું, જે બજારના ₹1,960 કરોડના અનુમાન કરતાં થોડું વધારે છે. જોકે ગયા વર્ષે સમાન ત્રિમાસિકમાં EBITDA ₹2,428 કરોડ હતું. એટલે વાર્ષિક ધોરણે તેમાં આશરે 18.7%નો ઘટાડો થયો છે.

આ પણ વાંચો: Jio Platforms IPO: 21% રિટર્ન સાથે ટોપ 5 મેગા IPOમાં સૌથી વધુ નફો, એક લોટ પર ₹5,497 સુધીનો નફો

માર્જિનમાં મોટું દબાણ

કંપનીનું EBITDA માર્જિન ગયા વર્ષના 13.9%થી ઘટીને 9.5% થયું છે. બજારને 9.7% માર્જિનની અપેક્ષા હતી. એટલે આવકમાં સારી વૃદ્ધિ છતાં ખર્ચના દબાણના કારણે નફાકારકતા નબળી રહી છે. Q2 પરિણામોમાં Hyundai માટે સૌથી મહત્વની બાબત એ રહી કે વેચાણ આવકમાં મજબૂત વધારો થયો, પરંતુ EBITDA અને નફામાં ઘટાડો થતાં માર્જિન પર દબાણ સ્પષ્ટ જોવા મળ્યું.

આ પણ જુઓ

Watch onYouTube