મેન્યુફેક્ચરિંગ સેક્ટરે દેખાડ્યું દમ, ઉત્પાદન 7.81% વધ્યું
ASI 2024-25 મુજબ ભારતના રજિસ્ટર્ડ મેન્યુફેક્ચરિંગ સેક્ટરમાં ઔદ્યોગિક ઉત્પાદન 7.81% વધ્યું છે.આ દરમિયાન GVA 9.59%, રોજગાર 7.19% અને કામદારોને ચૂકવવામાં આવેલા કુલ વેતનમાં 12.08%નો વધારો નોંધાયો.

ભારતના રજિસ્ટર્ડ મેન્યુફેક્ચરિંગ સેક્ટરમાં 2024-25 દરમિયાન વ્યાપક વૃદ્ધિ નોંધાઈ છે. Ministry of Statistics and Programme Implementation (MoSPI) દ્વારા જાહેર કરાયેલા Annual Survey of Industries (ASI) 2024-25 મુજબ ઔદ્યોગિક ઉત્પાદન, રોજગાર, વેતન, મૂડી રોકાણ અને Gross Value Added (GVA) સહિતના મુખ્ય સૂચકાંકોમાં અગાઉના વર્ષની સરખામણીએ વધારો થયો છે.
મેન્યુફેક્ચરિંગ GVAમાં 9.59%નો વધારો
2024-25માં રજિસ્ટર્ડ મેન્યુફેક્ચરિંગ સેક્ટરનું GVA 9.59% વધીને ₹26.94 લાખ કરોડ થયું છે. 2023-24માં આ આંકડો ₹24.58 લાખ કરોડ હતો. મેન્યુફેક્ચરિંગ GVAમાં મહારાષ્ટ્રનો હિસ્સો સૌથી વધુ રહ્યો. ત્યારબાદ ગુજરાત, તમિલનાડુ, કર્ણાટક અને ઉત્તર પ્રદેશનો ક્રમ રહ્યો. આ પાંચ રાજ્યો મળીને દેશના કુલ મેન્યુફેક્ચરિંગ GVAમાં 54%થી વધુ હિસ્સો ધરાવે છે. રજિસ્ટર્ડ મેન્યુફેક્ચરિંગ એકમોની સંખ્યા પણ 2.60 લાખથી વધીને 2024-25માં 2.67 લાખ થઈ, જે 2.64%ની વૃદ્ધિ દર્શાવે છે. તમિલનાડુમાં સૌથી વધુ 41,221 એકમો નોંધાયા, ત્યારબાદ ગુજરાતમાં 33,084 અને મહારાષ્ટ્રમાં 27,379 એકમો રહ્યા.
રોજગારમાં 7.19% અને વેતનમાં 12.08% વધારો
મેન્યુફેક્ચરિંગ સેક્ટરમાં રોજગાર પણ વધ્યો છે. 2023-24માં 1.96 કરોડ લોકોની સરખામણીએ 2024-25માં લગભગ 2.10 કરોડ લોકો આ સેક્ટરમાં જોડાયેલા હતા. એટલે કે રોજગારમાં 7.19%નો વધારો નોંધાયો. કુલ કામદારોને ચૂકવવામાં આવેલા Emolumentsમાં 12.08%નો વધારો થયો. મેન્યુફેક્ચરિંગ રોજગારમાં તમિલનાડુ, મહારાષ્ટ્ર, ગુજરાત, ઉત્તર પ્રદેશ અને હરિયાણા અગ્રણી પાંચ રાજ્યો રહ્યા અને મળીને કુલ રોજગારમાં આશરે 56% હિસ્સો ધરાવ્યો. આ ઉપરાંત Fixed Capitalમાં 10.54% અને Invested Capitalમાં 11.10%નો વધારો નોંધાયો. Net Income 9.68% અને Net Profit 7.73% વધ્યો.
કયા ઉદ્યોગો મેન્યુફેક્ચરિંગમાં આગળ રહ્યા?
ASI 2024-25 મુજબ Basic Metals, Motor Vehicles, Chemicals and Chemical Products, Pharmaceutical Products અને Food Products પાંચ અગ્રણી ઉદ્યોગો રહ્યા. આ પાંચ ઉદ્યોગોએ મળીને 2024-25 દરમિયાન કુલ મેન્યુફેક્ચરિંગ GVAમાં 45%થી વધુ યોગદાન આપ્યું. પાંચ વર્ષના સમયગાળામાં પણ મેન્યુફેક્ચરિંગ ક્ષેત્રનો વિસ્તાર જોવા મળ્યો છે. 2020-21માં ફેક્ટરીઓની સંખ્યા 2,50,454 હતી, જે 2024-25માં વધીને 2,66,931 થઈ. આ જ સમયગાળા દરમિયાન મેન્યુફેક્ચરિંગ સેક્ટરનું GVA ₹16.17 લાખ કરોડથી વધીને ₹26.94 લાખ કરોડ થયું.
ASI 2024-25નો ડેટા કયા સમયગાળાનો છે?
Annual Survey of Industriesનો ઉદ્દેશ મેન્યુફેક્ચરિંગ ઉદ્યોગોની રચના, વૃદ્ધિ અને માળખા અંગે માહિતી મેળવવાનો છે. તેમાં ઉત્પાદન, Value Addition, રોજગાર અને Capital Formation જેવા મુદ્દાઓનો સમાવેશ થાય છે. ASI 2024-25 માટેનો Reference Period એપ્રિલ 2024થી માર્ચ 2025 સુધીનો હતો. જ્યારે Surveyનું Fieldwork ઓક્ટોબર 2025થી જૂન 2026 દરમિયાન કરવામાં આવ્યું હતું.
આ પણ વાંચો : કોમર્શિયલ ગેસ બાદ હવે ATF પણ મોંઘુ! ₹137 પ્રતિ લિટર પહોંચ્યું
આ પણ જુઓ:
Disclaimer - અહીં આપવામાં આવેલી માહિતી માત્ર જાણકારી અને શૈક્ષણિક હેતુ માટે છે. તેને કોઈપણ શેર, સિક્યોરિટી અથવા નાણાકીય પ્રોડક્ટ ખરીદવા કે વેચવાની સલાહ અથવા ભલામણ તરીકે ન ગણવી. રોકાણ બજારના જોખમોને આધીન છે. કોઈપણ રોકાણ અથવા નાણાકીય નિર્ણય લેતા પહેલાં તમારી નાણાકીય સ્થિતિ, રોકાણના હેતુ અને જોખમ લેવાની ક્ષમતાનું મૂલ્યાંકન કરો અને અધિકૃત નાણાકીય સલાહકારની સલાહ લો.
Also Read

India-US Trade Deal: ભારતીય સામાનને અમેરિકામાં મળશે મોટી રાહત? પિયુષ ગોયલે આપ્યો મોટો સંકેત

ગ્લોબલ સ્લોડાઉન વચ્ચે ભારતનો ડંકો: 2027 માં GDP ગ્રોથ 7.2% રહેવાનો અંદાજ

India Jewellery Exports October 2026 : ભારતીય જ્વેલરીની વિદેશમાં ધૂમ! ઓક્ટોબરમાં નિકાસ 34% વધી, ₹27,862 કરોડને પાર

India Forex Reserves: ભારતના ફોરેક્સ રિઝર્વમાં $2.49 અબજનો વધારો, સપ્ટેમ્બર બાદ પહેલીવાર સાપ્તાહિક ઉછાળો

Indian Economy સૌથી મજબૂત, 2026–30માં 6.9% વૃદ્ધિનો અંદાજ: ASSOCHAM

RBI Repo Rate: ડિસેમ્બરમાં EMIનો ઝટકો? મોંઘવારીના કારણે વ્યાજદરમાં 25 bps વધારાની શક્યતા

PLI Scheme: રોકાણ 76%, પણ રોજગારી માત્ર 28%: નીતિ આયોગનો રિપોર્ટ





