શોપિંગ બાદ હવે જમવાનું પણ Flipkartથી? Zomato-Swiggyને ટક્કર આપવા Flipkartની તૈયારી

ઓનલાઈન શોપિંગમાં પોતાની મજબૂત હાજરી બનાવ્યા બાદ Flipkart હવે ફૂડ ડિલિવરીના બિઝનેસમાં પ્રવેશવાની તૈયારી કરી રહ્યું છે. કંપની ‘Eat-In by Minutes’ નામથી નવી સર્વિસ શરૂ કરી શકે છે, જેના મારફતે ગ્રાહકો Flipkart એપ પર જ ખાવાનું ઓર્ડર કરી શકશે. જો આ સર્વિસ શરૂ થાય છે તો ફૂડ ડિલિવરી માર્કેટમાં Zomato અને Swiggy સામે Flipkartની નવી સ્પર્ધા ઊભી થઈ શકે છે.

બેંગલુરુમાં ચાલી રહ્યું છે ટેસ્ટિંગ

Flipkart હાલમાં બેંગલુરુમાં પોતાની નવી ફૂડ ડિલિવરી સર્વિસનું ટેસ્ટિંગ કરી રહ્યું છે. શરૂઆતમાં આ ટ્રાયલમાં કંપનીના કેટલાક સો કર્મચારીઓ સામેલ હતા, પરંતુ હવે તેનો વ્યાપ વધારીને આશરે 8,000 કર્મચારીઓ સુધી કરવામાં આવ્યો છે. રિપોર્ટ મુજબ કંપની ઓક્ટોબર 2026ના અંત સુધીમાં આ સર્વિસ સામાન્ય ગ્રાહકો માટે શરૂ કરી શકે છે.

Flipkart એપમાં અલગ ટેબ હશે

‘Eat-In by Minutes’ સર્વિસ Flipkartની એપમાં અલગ ટેબ તરીકે જોવા મળી શકે છે. એટલે ગ્રાહકોને ફૂડ ઓર્ડર કરવા માટે અલગ એપ પર જવાની જરૂર નહીં પડે અને Flipkart એપ મારફતે જ આ સર્વિસનો ઉપયોગ કરી શકાશે. Flipkart એપમાં હાલમાં ટ્રાવેલ અને ક્વિક કોમર્સ સંબંધિત સેવાઓ પણ ઉપલબ્ધ છે.

5થી 6 શહેરોમાં વિસ્તરણની યોજના

કંપનીની યોજના 2026ના અંત સુધીમાં 5થી 6 શહેરોમાં ફૂડ ડિલિવરી સર્વિસનો વિસ્તાર કરવાની છે. હાલમાં બેંગલુરુમાં ટેસ્ટિંગ ચાલી રહ્યું છે. સામાન્ય ગ્રાહકો માટે સર્વિસ શરૂ થયા બાદ કંપની તેને અન્ય શહેરોમાં વિસ્તારી શકે છે. આ સાથે Flipkart ફૂડ ડિલિવરી માર્કેટમાં પોતાની જગ્યા બનાવવાનો પ્રયાસ કરશે.

આ પણ વાંચો : દિવાળીમાં વતન જવાની ખુશીમાં બજેટ ન બગડે! Tatkal બુકિંગ અને ટિકિટ કેન્સલેશનના નિયમો શું કહે છે?

આ પણ જુઓ:

Watch onYouTube