EV ઉદ્યોગ બનશે ભારતનો નવો ગ્રોથ એન્જિન, 5 કરોડ નોકરીઓની તક

ભારતમાં Electric Vehicle ક્ષેત્ર આગામી વર્ષોમાં મોટા પાયે વિસ્તરી શકે છે. કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ જણાવ્યું કે 2030 સુધી દેશનો EV Market ₹20 લાખ કરોડ સુધી પહોંચી શકે છે અને આ ક્ષેત્રમાં 5 કરોડ રોજગાર ઊભા કરવાની ક્ષમતા છે. તેમણે સાથે logistics cost ઘટાડીને 8% સુધી લાવવાની જરૂરિયાત પર પણ ભાર મૂક્યો.

દેશમાં 57 લાખ EV નોંધાયેલા

ગડકરીના જણાવ્યા મુજબ હાલમાં ભારતમાં લગભગ 57 લાખ Electric Vehicles નોંધાયેલા છે અને કુલ વાહન બજારમાં EVની હિસ્સેદારી આશરે 7% છે. સરકાર EV adoption વધારવા સાથે સ્થાનિક manufacturing capacity પણ વિસ્તરાવવા પર ધ્યાન કેન્દ્રિત કરી રહી છે.

Electric Busની માંગ સામે ઉત્પાદન ઓછું

ભારતમાં દર વર્ષે આશરે 1 લાખ electric busesની માંગ હોવાનું ગડકરીએ જણાવ્યું. તેની સામે હાલ દેશની વાર્ષિક ઉત્પાદન ક્ષમતા લગભગ 50,000થી 60,000 electric busesની છે. આથી વધતી માંગ પૂરી કરવા manufacturing capacity વધારવાની જરૂરિયાત રહેશે.

Auto Industryને વિશ્વમાં નંબર-1 બનાવવાનો લક્ષ્યાંક

ગડકરીએ કહ્યું કે આગામી પાંચ વર્ષમાં ભારતના automobile industryને વિશ્વમાં સૌથી મોટું બનાવવાનો લક્ષ્યાંક છે. તેમના જણાવ્યા મુજબ ભારતીય automobile industryનું કદ અગાઉના ₹14 લાખ કરોડથી વધીને હવે લગભગ ₹22 લાખ કરોડ થયું છે. તેમણે અમેરિકા અને ચીનના auto industryના કદનો ઉલ્લેખ કરતાં કહ્યું કે ભારત પાસે skilled workforce, competitive manufacturing cost અને export potentialને કારણે આગળ વધવાની તક છે.

Two-Wheeler Exportમાં ભારતની મજબૂત હાજરી

ગડકરીના જણાવ્યા મુજબ Bajaj Auto અને Hero MotoCorp જેવી મોટી two-wheeler companies પોતાના કુલ ઉત્પાદનનો 50%થી વધુ હિસ્સો નિકાસ કરે છે. તેમણે કહ્યું કે ભારતીય વાહનોની ગુણવત્તા અને ઉત્પાદન ખર્ચ દેશને વૈશ્વિક ઓટોમોબાઈલ ઉત્પાદનનું કેન્દ્ર તરીકે આગળ ધપાવવામાં મદદરૂપ થઈ શકે છે.

Crude Oil Import ઘટાડવાની પણ જરૂર

ગડકરીએ જણાવ્યું કે ભારત crude oilની આયાત પર આશરે ₹22 લાખ કરોડ ખર્ચે છે. EV, alternative fuels અને cleaner mobilityનો વ્યાપ વધવાથી આયાત પરની નિર્ભરતા અને પ્રદૂષણ બંને ઘટાડવામાં મદદ મળી શકે છે.

અમારી WhatsApp ચેનલમાં જોડાવવા અહીં આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16

આ પણ વાંચો: ભારતની નિકાસ નવી ઊંચાઈએ, $200 અબજનો આંકડો પાર