મોલ-કોમર્શિયલ સ્થળોએ પાર્કિંગ ચાર્જ વસૂલી શકાશે, સુપ્રીમ કોર્ટે આપી મંજૂરી

ગુજરાતમાં મોલ, જાહેર સ્થળો અને કોમર્શિયલ સંસ્થાઓમાં વાહન પાર્કિંગ માટે ચાર્જ વસૂલવાના મામલે સુપ્રીમ કોર્ટે મહત્વપૂર્ણ નિર્ણય લીધો છે. કોર્ટે ગુજરાત હાઈકોર્ટના આદેશ સામે દાખલ કરવામાં આવેલી અરજી ફગાવી દીધી છે, જેના કારણે મોલ અને કોમર્શિયલ સ્થળોએ પાર્કિંગ ચાર્જ વસૂલવાની વ્યવસ્થા યથાવત રહેશે.

ગુજરાત હાઈકોર્ટના નિર્ણયને મળી મંજૂરી

ગુજરાત હાઈકોર્ટે વર્ષ 2021માં પાર્કિંગ ચાર્જ અને પાર્કિંગ વ્યવસ્થાને લઈને માર્ગદર્શિકા જાહેર કરી હતી. આ નિર્ણય સામે પડકાર આપવામાં આવ્યો હતો, પરંતુ સુપ્રીમ કોર્ટે હાઈકોર્ટના આદેશમાં દખલ કરવાનો ઇનકાર કર્યો છે.

મોલ અને કોમર્શિયલ સ્થળોએ ચાલુ રહેશે પાર્કિંગ ફી

સુપ્રીમ કોર્ટના નિર્ણય બાદ મોલ, ખાનગી કોમર્શિયલ સ્થળો અને અન્ય સંસ્થાઓ તેમના નિયમો મુજબ પાર્કિંગ ચાર્જ વસૂલી શકશે. જોકે પાર્કિંગ વ્યવસ્થા અને નિયમોનું પાલન સ્થાનિક સત્તાધિકારીઓના નિયમો મુજબ રહેશે.

પાર્કિંગ મુદ્દે લાંબા સમયથી વિવાદ

પાર્કિંગ ચાર્જ અંગે વાહનચાલકો અને મોલ સંચાલકો વચ્ચે લાંબા સમયથી વિવાદ ચાલી રહ્યો હતો. આ મામલે હાઈકોર્ટના નિર્ણય બાદ હવે સુપ્રીમ કોર્ટના નિર્ણયથી સ્થિતિ વધુ સ્પષ્ટ થઈ છે.

• હાઈકોર્ટનો આદેશ: ગુજરાત હાઈકોર્ટે શોપિંગ મોલ્સ અને કોમર્શિયલ સંકુલોમાં પાર્કિંગ ચાર્જ વસૂલવાને કાયદેસર ગણાવ્યો.
• ફ્રી પાર્કિંગ નહીં: જીડીસીઆર (GDCR) હેઠળ પાર્કિંગ પૂરું પાડવું ફરજિયાત છે, પરંતુ તે મફત રાખવાનો કોઈ કાનૂની નિયમ નથી.
• મેન્ટેનન્સ-સિક્યોરિટી ખર્ચ: સીસીટીવી, સુરક્ષા અને વ્યવસ્થા જાળવવા સંચાલકો મુલાકાતીઓ પાસેથી વાજબી ફી લઈ શકશે.

આ પણ વાંચો : ભારતીય કંપનીઓમાં AIનો વધ્યો ઉપયોગ, 1,000 ગણો વધ્યો વપરાશ

આ પણ જુઓ :

Watch onYouTube