UPI MDR પર નાણામંત્રીની સ્પષ્ટતા, જાણો શું કહ્યું નિર્મલા સીતારમણે?

UPI પેમેન્ટ પર પ્રસ્તાવિત Merchant Discount Rate (MDR)ને લઈને નાણામંત્રી નિર્મલા સીતારમણે સ્પષ્ટતા કરી છે. તેમણે જણાવ્યું કે MDR કોઈ ટેક્સ, સેસ અથવા સરચાર્જ નથી અને તેની વસૂલાત સરકાર દ્વારા કરવામાં આવતી નથી. નાણામંત્રીના જણાવ્યા મુજબ MDR ડિજિટલ પેમેન્ટ સિસ્ટમમાં સેવા આપતી સંસ્થાઓ વચ્ચેનો ચાર્જ છે અને તેનો હેતુ પેમેન્ટ ઇકોસિસ્ટમ સાથે જોડાયેલા ખર્ચને આવરી લેવાનો છે.

MDR અંગે નાણામંત્રીની સ્પષ્ટતા

નિર્મલા સીતારમણે જણાવ્યું કે પ્રસ્તાવિત MDRને ટેક્સ તરીકે જોવો યોગ્ય નથી. તેમણે કહ્યું કે આ ચાર્જ ડિજિટલ પેમેન્ટ ઇકોસિસ્ટમમાં કામ કરતી સંસ્થાઓ દ્વારા લેવામાં આવે છે, જેમાં પેમેન્ટ સર્વિસ પ્રોવાઇડર, મર્ચન્ટની બેંક અને અન્ય સંબંધિત સંસ્થાઓ સામેલ છે.

સરકારને નહીં મળે MDRની રકમ

નાણામંત્રીએ સ્પષ્ટ કર્યું કે MDRમાંથી મળતી રકમ સરકારના કન્સોલિડેટેડ ફંડ ઓફ ઇન્ડિયામાં જમા થશે નહીં. તેમણે કહ્યું કે આ ચાર્જ ડિજિટલ પેમેન્ટ વ્યવસ્થા સાથે જોડાયેલી સંસ્થાઓ વચ્ચેનો વ્યવહાર છે અને તેને સરકારી આવક તરીકે ગણવામાં આવશે નહીં.

આ પણ વાંચો: સિનિયર સિટીઝન માટે સોનેરી તક ! આ 5 બેંકો આપશે FD પર 8% સુધી વ્યાજ

ગ્રાહકો પર બોજ નહીં આવે

MDR અંગે સૌથી મોટો સવાલ એ હતો કે તેનો ખર્ચ ગ્રાહકો પાસેથી વસૂલવામાં આવશે કે નહીં. નાણામંત્રીએ કહ્યું કે આ ચાર્જ ગ્રાહકો પર વધારાનો બોજ ન બને તે અંગે ધ્યાન રાખવામાં આવી રહ્યું છે. આ પહેલા પણ સરકાર અને બેંકિંગ ક્ષેત્ર દ્વારા મર્ચન્ટ્સ MDRનો ખર્ચ ગ્રાહકો પાસેથી સીધો વસૂલ ન કરે તે માટે મોનિટરિંગ મિકેનિઝમ બનાવવાની વાત કરવામાં આવી હતી.

આ પણ જુઓ

Watch onYouTube

UPI MDR મુદ્દે ચર્ચા ચાલુ

UPI પેમેન્ટ પર MDRનો મુદ્દો હાલમાં સરકાર, બેંકો અને વેપારી સંગઠનો વચ્ચે ચર્ચાનો વિષય બન્યો છે. આ મુદ્દે નાણા મંત્રાલય, ઇન્ડિયન બેન્ક્સ એસોસિએશન (IBA) અને વેપારી સંગઠનો વચ્ચે ચર્ચા થવાની છે. સાથે જ MDR પર GST સંબંધિત બાબતો અંગે GST કાઉન્સિલ પણ વિચારણા કરી શકે છે.