Arcilનો ₹733 કરોડ સુધીનો IPO 9 સપ્ટેમ્બરે ખુલશે, જાણો સમગ્ર વિગત

એસેટ રિકન્સ્ટ્રક્શન કંપની (ઈન્ડિયા) લિમિટેડ એટલે કે Arcilનો IPO બુધવાર, 9 સપ્ટેમ્બર 2026ના રોજ ખુલશે. રોકાણકારો 11 સપ્ટેમ્બર સુધી IPOમાં અરજી કરી શકશે. કંપનીએ IPO માટે ₹132થી ₹139 પ્રતિ શેરનો પ્રાઇસ બેન્ડ નક્કી કર્યો છે.

એક લોટ માટે ₹14,873નું રોકાણ

IPOમાં ઓછામાં ઓછા 107 શેર માટે અરજી કરવી પડશે અને ત્યારબાદ 107 શેરના ગુણાંકમાં બિડ કરી શકાશે. અપર પ્રાઇસ બેન્ડ ₹139 મુજબ એક લોટ માટે રિટેલ રોકાણકારે ₹14,873નું લઘુત્તમ રોકાણ કરવું પડશે. એન્કર રોકાણકારો માટે બિડિંગ 8 સપ્ટેમ્બરે થશે.

IPOમાં નવા શેર નહીં આવે

Arcilનો IPO સંપૂર્ણપણે ઓફર ફોર સેલ છે. એટલે કંપની નવા શેર જારી નહીં કરે. હાલના શેરધારકો કુલ 5.27 કરોડ સુધીના શેર વેચશે. અપર પ્રાઇસ બેન્ડના આધારે IPOનું કદ આશરે ₹733 કરોડ થઈ શકે છે. આથી IPOમાંથી મળતી રકમ કંપનીને નહીં પરંતુ પોતાના શેર વેચતા હાલના શેરધારકોને મળશે.

કોણ કેટલા શેર વેચશે?

આ IPOમાં Avenue India Resurgence Private Limited સૌથી વધુ 2.48 કરોડ સુધીના શેર વેચશે. State Bank of India આશરે 1.10 કરોડ શેર, Lathe Investment Private Limited આશરે 1.62 કરોડ શેર અને Federal Bank આશરે 7 લાખ શેર વેચશે.

રિટેલ રોકાણકારો માટે 35% હિસ્સો

IPOમાં ઓછામાં ઓછો 35% હિસ્સો રિટેલ રોકાણકારો માટે ઉપલબ્ધ રહેશે. લઘુત્તમ 15% હિસ્સો નોન-ઇન્સ્ટિટ્યૂશનલ રોકાણકારો માટે રાખવામાં આવશે, જ્યારે મહત્તમ 50% હિસ્સો ક્વોલિફાઇડ ઇન્સ્ટિટ્યૂશનલ બાયર્સ માટે રહેશે.

આ પણ વાંચો: 10 વર્ષમાં ગુજરાતમાં Jioનો દબદબો, શૂન્યથી 3.35 કરોડ ગ્રાહકો સુધી પહોંચ્યું

BSE અને NSE પર થશે લિસ્ટિંગ

Arcilના શેરને BSE અને NSE બંને પર લિસ્ટ કરવાની યોજના છે. IPO માટે IIFL Capital Services, IDBI Capital Markets & Securities અને JM Financial બુક રનિંગ લીડ મેનેજર તરીકે કામ કરી રહ્યા છે.

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16