IPO News: 4 IPOનું એકસાથે લિસ્ટિંગ, 86% સુધી નફો; આ શેરે મારી બાજી

પ્રાઇમરી માર્કેટમાં બુધવાર 30 સપ્ટેમ્બરે ચાર મેઇનબોર્ડ IPOનું એકસાથે લિસ્ટિંગ થયું. Adroit Industries, Elevate Campuses, Swastika Infra અને Armee Infotechના શેરોએ બજારમાં એન્ટ્રી કરી હતી. આ ચાર કંપનીઓમાંથી Adroit Industriesના શેરે સૌથી મજબૂત શરૂઆત કરી હતી, જ્યારે Elevate Campusesની લિસ્ટિંગ નેગેટિવ રહી હતી.

Adroit Industries IPO લિસ્ટિંગમાં સૌથી મોટો ઉછાળો

Adroit Industriesના શેરે ચારેય IPOમાં સૌથી વધુ લિસ્ટિંગ ગેઇન આપ્યો હતો. BSE પર કંપનીનો શેર ₹134ના IPO ભાવ સામે ₹116 એટલે કે 86.57% પ્રીમિયમ સાથે ₹250 પર લિસ્ટ થયો હતો. NSE પર શેરે ₹235ના ભાવ સાથે શરૂઆત કરી હતી, જે IPO ભાવથી 75.37% પ્રીમિયમ દર્શાવે છે. Adroit Industriesના IPOને કુલ 176.85 ગણું સબ્સક્રિપ્શન મળ્યું હતું.

Elevate Campusesની લિસ્ટિંગ નેગેટિવ રહી

Elevate Campusesના શેરની શરૂઆત IPO ભાવથી નીચે થઈ હતી. BSE પર કંપનીનો શેર ₹362ના IPO ભાવ સામે ₹356.50 પર લિસ્ટ થયો હતો, જે 1.52% ડિસ્કાઉન્ટ દર્શાવે છે. NSE પર પણ શેરે 1.91% ડિસ્કાઉન્ટ સાથે ₹355.10 પર શરૂઆત કરી હતી. Elevate Campusesના IPOને કુલ 1.89 ગણું સબ્સક્રિપ્શન મળ્યું હતું.

Swastika Infra અને Armee Infotechની લિસ્ટિંગ

Swastika Infraના શેરે પ્રીમિયમ સાથે બજારમાં એન્ટ્રી કરી હતી. BSE અને NSE બંને પર શેર ₹185ના IPO ભાવ સામે ₹200 પર લિસ્ટ થયો હતો. આ IPO ભાવથી 8.11% પ્રીમિયમ છે. Swastika Infraના IPOને કુલ 7.91 ગણું સબ્સક્રિપ્શન મળ્યું હતું. બીજી તરફ, Armee Infotechની લિસ્ટિંગ લગભગ ફ્લેટ રહી હતી. NSE પર શેર ₹375ના IPO ભાવ સાથે જ લિસ્ટ થયો હતો. જોકે BSE પર શેર ₹368.85 પર લિસ્ટ થયો હતો, જે IPO ભાવથી 1.64% ડિસ્કાઉન્ટ દર્શાવે છે. Armee Infotechના IPOને કુલ 2.62 ગણું સબ્સક્રિપ્શન મળ્યું હતું.

આ પણ વાંચો : WhatsAppમાં પણ હવે લાગશે ચાર્જ? 1 ઓક્ટોબરથી લાગુ થશે આ નવા નિયમ

આ પણ જુઓ:

Watch onYouTube