જિયો IPOની તારીખોનું શું છે સિક્રેટ ? સોશિયલ મીડિયા પર શું ચાલી રહી છે ચર્ચા?

રિલાયન્સ ઇન્ડસ્ટ્રીઝના ચેરમેન મુખેશ અંબાણીની આગેવાની હેઠળ જિયો પ્લેટફોર્મ્સનો IPO માત્ર તેના વિશાળ કદને કારણે જ નહીં, પરંતુ તેની સાથે જોડાયેલી તારીખોને કારણે પણ સોશિયલ મીડિયામાં ચર્ચાનો વિષય બન્યો છે. IPOની પ્રક્રિયામાં આવતી કેટલીક મહત્ત્વપૂર્ણ તારીખો યોગાનુયોગ અંબાણી પરિવારના જન્મદિવસો સાથે મેળ ખાતી હોવાની રસપ્રદ માહિતી સામે આવી છે. આ સંયોગને કારણે બિઝનેસ જગતમાં અંકજ્યોતિષ અને પરિવાર સાથે જોડાયેલી તારીખોની ચર્ચા પણ થવા લાગી છે.

DRHPનું ફાઈલિંગ અને મુકેશ અંબાણીનો જન્મદિવસ

19 જૂન : જિયો પ્લેટફોર્મ્સના બોર્ડે IPO માટેના ડ્રાફ્ટ રેડ હેરિંગ પ્રોસ્પેક્ટસ (DRHP)ને મંજૂરી આપ્યા બાદ 19 જૂન 2026ના રોજ સેબી (SEBI) સમક્ષ દસ્તાવેજો રજૂ કર્યા હતા. આ તારીખનું મહત્ત્વ એટલા માટે ચર્ચાઈ રહ્યું છે કે મુકેશ અંબાણીનો જન્મ 19 એપ્રિલ 1957ના રોજ થયો હતો. આથી, સોશિયલ મીડિયા પર આ તારીખનો સંયોગ ચર્ચાસ્પદ બન્યો છે. આ તારીખને અંબાણી પરિવાર માટેના ખાસ સંયોગ તરીકે જોવામાં આવી રહી છે. જોકે, 19 જૂનની પસંદગી પાછળ ખરેખર અંકજ્યોતિષની ગણતરી હતી કે પછી આ માત્ર એક સંયોગ હતો, તેની સત્તાવાર પુષ્ટિ ઉપલબ્ધ નથી.

IPOની અંતિમ તારીખ અને આકાશ-ઈશા અંબાણીનો જન્મદિવસ

23 ઑક્ટોબર : જિયો IPOની કહાનીમાં બીજો રસપ્રદ સંયોગ 23 ઑક્ટોબર સાથે જોડાયેલો છે. જિયો IPO સામાન્ય રોકાણકારો માટે 21 ઑક્ટોબર 2026ના રોજ ખુલ્યો છે અને 23 ઑક્ટોબર તેની અંતિમ તારીખ નક્કી કરવામાં આવી છે. યોગાનુયોગ આ જ તારીખે મુકેશ અંબાણી અને નીતા અંબાણીનાં જોડીયા સંતાનો આકાશ અંબાણી તથા ઈશા અંબાણીના જન્મદિવસ છે. આમ, દેશના સૌથી મોટા IPO પૈકી એક ગણાતા આ જાહેર ઇશ્યૂની અંતિમ તારીખ અંબાણી પરિવારના ખાસ દિવસ સાથે મેળ ખાતી હોવાની વાતે તેને વધુ રસપ્રદ બનાવ્યો છે.

Jio IPOનું લિસ્ટિંગ અને ધીરુભાઈ સાથે જોડાણ

28 ઑક્ટોબર : જિયો પ્લેટફોર્મ્સના શેરનું BSE અને NSE પર સંભવિત લિસ્ટિંગ 28 ઑક્ટોબર 2026ના રોજ થવાની ચર્ચા છે. આ અંગે હજુ કોઈ સત્તાવાર જાહેરાત થઈ નથી, પરંતુ સોશિયલ મીડિયા પર આ સંભવિત તારીખને પણ ધીરુભાઈ અંબાણી અને મુકેશ અંબાણીના જન્મદિન સાથે જોડવામાં આવી રહી છે. અંકજ્યોતિષમાં રસ ધરાવતા લોકો માટે આ તારીખ પણ ખાસ બની છે.

28નો સરવાળો 2 + 8 = 10 અને ત્યારબાદ 1 + 0 = 1 થાય છે. ધીરુભાઈ અંબાણીનો જન્મ દિવસ 28 ડિસેમ્બર 1932 છે, જેમાં 28નો સરવાળો 2 + 8 = 10 અને ત્યારબાદ 1 + 0 = 1 થાય છે. એ જ રીતે મુકેશ અંબાણીની જન્મતારીખ 19નો સરવાળો 1 + 9 = 10 અને ત્યારબાદ 1 + 0 = 1 થાય છે. આ ગણતરીના આધારે ધીરુભાઈ અંબાણી અને મુકેશ અંબાણીના જન્મદિન તેમજ Jio IPOના સંભવિત લિસ્ટિંગની તારીખોના મૂળાંક એકસરખો જોવા મળે છે.

જોકે, ધ્યાનમાં રાખવા જેવી વાત એ છે કે 28 ઑક્ટોબર હજુ સંભવિત લિસ્ટિંગ તારીખ છે; અંતિમ તારીખ અને લિસ્ટિંગની વિગતો સંબંધિત સત્તાવાર જાહેરાતો દ્વારા જ નક્કી થશે.

અંકજ્યોતિષ કે માત્ર સંયોગ?

ધંધાકીય જગતમાં કંપનીના મૂલ્યાંકન, રોકાણકારોની માંગ, બજારની સ્થિતિ અને ભવિષ્યની વૃદ્ધિ જેવા પરિબળો IPOની સફળતા નક્કી કરવામાં મુખ્ય ભૂમિકા ભજવે છે. બીજી તરફ, મુકેશ અંબાણી અને રિલાયન્સ પરિવાર સાથે જોડાયેલી તારીખોના આ મેળે IPOની ચર્ચામાં એક અલગ જ રસ ઉમેર્યો છે.

IPOની કહાનીમાં પરિવાર, પરંપરા અને બજારનો સંગમ

જિયો પ્લેટફોર્મ્સનો IPO ભારતીય મૂડીબજાર માટે મહત્ત્વપૂર્ણ ઘટના બની શકે છે. તેની સાથે જોડાયેલી તારીખો મુખેશ અંબાણીના જન્મદિવસથી લઈને આકાશ અને ઈશાના જન્મદિવસ સુધી એક રસપ્રદ કડી બનાવે છે. જોકે, આ તારીખો જાણીજોઈને પસંદ કરવામાં આવી હતી કે નહીં તે અંગે સત્તાવાર પુષ્ટિ વિના કોઈ નિષ્કર્ષ કાઢી શકાય નહીં.

આખરે, જિયો IPOનું વાસ્તવિક મહત્ત્વ તેની કંપનીની વૃદ્ધિની સંભાવનાઓ, મૂલ્યાંકન અને રોકાણકારોના પ્રતિસાદમાં રહેશે. પરંતુ તારીખોનો આ સંયોગ તેને માત્ર નાણાકીય સમાચાર નહીં, પણ બિઝનેસ અને અંબાણી પરિવાર સાથે જોડાયેલી એક રસપ્રદ કહાની પણ બનાવે છે.

આ પણ જૂઓ

Watch onYouTube