Upcoming Ipo: PM Cona Industries લાવશે ₹130 કરોડ IPO, SEBIમાં DRHP કર્યા ફાઇલ

ઇલેક્ટ્રિકલ પ્રોડક્ટ્સ બનાવતી કંપની PM Cona Industries હવે શેરબજારમાં લિસ્ટિંગની તૈયારી કરી રહી છે. કંપનીએ પ્રસ્તાવિત IPO માટે SEBI સમક્ષ DRHP ફાઇલ કર્યું છે. આ IPO દ્વારા કંપની બિઝનેસ વિસ્તરણ અને બ્રાન્ડ મજબૂત કરવા માટે મૂડી એકત્ર કરવાની યોજના ધરાવે છે.

IPOમાં ₹120 કરોડનો ફ્રેશ ઇશ્યૂ સામેલ

PM Cona Industriesના પ્રસ્તાવિત IPOમાં ₹120 કરોડ સુધીનો ફ્રેશ ઇશ્યૂ સામેલ છે. આ ઉપરાંત પ્રમોટર સેલિંગ શેરહોલ્ડર પ્રકાશ નારાયણદાસ મોટવાણી દ્વારા ₹10ની ફેસ વેલ્યુ ધરાવતા 45 લાખ સુધીના ઇક્વિટી શેરનો ઓફર ફોર સેલ (OFS) પણ સામેલ રહેશે.

મેન્યુફેક્ચરિંગ અને બ્રાન્ડ વિસ્તરણ માટે ફંડનો ઉપયોગ

કંપની IPOથી મળનારી રકમનો ઉપયોગ બિઝનેસ વિસ્તરણ માટે કરશે. તેમાં હરિદ્વાર સ્થિત મેન્યુફેક્ચરિંગ ફેસિલિટીના વિસ્તરણ માટે મૂડી ખર્ચ, હાલના પ્લાન્ટમાં મશીનરી અને સાધનોની ખરીદી, નવા ડિસ્પ્લે શોરૂમ શરૂ કરવા તેમજ બ્રાન્ડ બિલ્ડિંગ અને માર્કેટિંગ ખર્ચનો સમાવેશ થાય છે. કંપની સમગ્ર ભારતમાં 50 નવા ડિસ્પ્લે શોરૂમ સ્થાપવાની યોજના ધરાવે છે.

57 વર્ષથી વધુ જૂની CONA બ્રાન્ડ

PM Cona Industries CONA લેગસી બ્રાન્ડ હેઠળ 57 વર્ષથી વધુ સમયથી કાર્યરત છે. કંપની રેસિડેન્શિયલ, કોમર્શિયલ અને ઇન્ડસ્ટ્રીયલ ક્ષેત્ર માટે લો-વોલ્ટેજ ઇલેક્ટ્રિકલ પ્રોડક્ટ્સ બનાવે છે. 31 જુલાઈ 2026 સુધી કંપની પાસે છ મુખ્ય કેટેગરીમાં 1,585થી વધુ SKU ઉપલબ્ધ હતા. કંપનીની પ્રોડક્ટ કેટેગરીમાં મોડ્યુલર સ્વિચ, નોન-મોડ્યુલર સ્વિચ, સોકેટ્સ, પ્લગ્સ, MCB અને સ્વિચગિયર, LED લાઇટિંગ સોલ્યુશન તથા હાઉસ વાયરનો સમાવેશ થાય છે.

પાંચ શહેરોમાં મેન્યુફેક્ચરિંગ ફેસિલિટી

કંપની હાલમાં ઉત્તરાખંડના હરિદ્વાર, દાદરા અને નગર હવેલીના સિલ્વાસા તેમજ મહારાષ્ટ્રના વસઈ, પાલઘર અને મુંબઈમાં કુલ છ મેન્યુફેક્ચરિંગ ફેસિલિટીઝનું સંચાલન કરે છે. કંપની પાસે પોતાની સાત ટેસ્ટિંગ લેબોરેટરીઝ પણ છે.

આ પણ વાંચો: મકાન-જમીન ખરીદતા પહેલા જાણો આ નિયમ! 1 ઓક્ટોબરથી પ્રોપર્ટી TDSમાં આવશે મોટો ફેરફાર

દેશભરમાં મજબૂત ડિસ્ટ્રીબ્યુશન નેટવર્ક

PM Cona Industries પોતાની પ્રોડક્ટ્સનું વેચાણ દેશભરમાં 2,739 ડીલરોના નેટવર્ક મારફતે કરે છે. કંપનીનું ડિસ્ટ્રીબ્યુશન નેટવર્ક 16 રાજ્યો અને કેન્દ્રશાસિત પ્રદેશોમાં ફેલાયેલું છે, જેને 19 ડેપો, એક વેરહાઉસ અને 20 C&F એજન્ટ્સનો સપોર્ટ મળે છે.

IPO માટે મર્ચન્ટ બેન્કર અને રજિસ્ટ્રાર

આ IPO માટે વાલ્મિકી લીલા કેપિટલ પ્રાઇવેટ લિમિટેડ બુક રનિંગ લીડ મેનેજર તરીકે રહેશે. જ્યારે કેફિન ટેક્નોલોજીસ લિમિટેડ ઓફરના રજિસ્ટ્રાર તરીકે કામ કરશે.

આ પણ જુઓ

Watch onYouTube