Gold Silver Price Today : અમેરિકામાં મોંઘવારીનો ઝટકો! સોનું $4,000ની નીચે, ચાંદીમાં 1.27%નો કડાકો

આંતરરાષ્ટ્રીય બજારમાં અમેરિકામાં મોંઘવારીના આંકડા અપેક્ષા કરતાં વધુ ઊંચા આવવાના કારણે ડિસેમ્બરમાં ફેડરલ રિઝર્વ તરફથી વ્યાજદર વધારવાની સંભાવનાઓ વધુ મજબૂત થઈ છે. જેથી સોના અને ચાંદીના ભાવમાં નરમાઈ જોવા મળી રહી છે. ગુરુવારે 12 નવેમ્બરે વૈશ્વિક બજાર Comex પર સોનાના વાયદાનો ભાવ 19.70 ડોલર એટલે કે 0.49 ટકા ઘટીને પ્રતિ ઔંસ 3,980 ડોલર અને ચાંદી વાયદાનો ભાવ 0.662 ડોલર એટલે કે 1.27 ટકા ઘટીને પ્રતિ ઔંસ 51.340 ડોલરના સ્તરે ટ્રેડ થઈ રહ્યા હતા. ઘરેલુ બજાર MCX પર સોના વાયદાનો ભાવ 0.66 ટકા ઘટીને પ્રતિ 10 ગ્રામ 1,38,790 તેમજ ચાંદી વાયદાનો ભાવ 1.08 ટકા ઘટીને 1,82,525 ડોલરે ટ્રેડ થઈ રહ્યા હતા.

સોનાના ભાવમાં નરમાઈ

સોનાના વાયદાના ભાવની શરૂઆત ઘટાડા સાથે થઈ છે. MCX પર સોનાનો બેન્ચમાર્ક ડિસેમ્બર કોન્ટ્રાક્ટ રૂ. 434ના ઘટાડા સાથે પ્રતિ 10 ગ્રામ રૂ. 1,38,282ના ભાવે ખૂલ્યો હતો. તેનો પાછલો બંધ ભાવ પ્રતિ 10 ગ્રામ રૂ. 1,39,716 હતો. આ સમાચાર લખાય છે ત્યારે આ કોન્ટ્રાક્ટ રૂ. 929 એટલે કે 0.66 ટકાના ઘટાડા સાથે પ્રતિ 10 ગ્રામ રૂ. 1,38,790ના સ્તરે ટ્રેડ થઈ રહ્યો છે. સોનાનો વાયદો આ વર્ષે પ્રતિ 10 ગ્રામ રૂ. 1,80,779ના સર્વોચ્ચ સ્તરે પહોંચ્યો હતો.

ચાંદીમાં પણ ઘટાડો

ચાંદીના વાયદાના ભાવની શરૂઆત પણ સુસ્ત રહી હતી. MCX પર ચાંદીનો બેન્ચમાર્ક ડિસેમ્બર કોન્ટ્રાક્ટ રૂ.1,926ના ઘટાડા સાથે પ્રતિ કિલો રૂ. 1,82,599ના સ્તરે ખૂલ્યો હતો. તેનો પાછલો બંધ ભાવ પ્રતિ કિલો રૂ. 1,84,525ના સ્તરે હતો. આ સમાચાર લખાય છે ત્યારે આ કોન્ટ્રાક્ટ રૂ. 2000 એટલે કે 1.08 ટકાના ઘટાડા સાથે પ્રતિ કિલો રૂ. 1,82,525ના સ્તરે ટ્રેડ થઈ રહ્યો છે. ચાંદીનો વાયદો આ વર્ષે પ્રતિ કિલો રૂ. 4,20,048ના સર્વોચ્ચ સ્તરે પહોંચ્યો હતો.

વૈશ્વિક બજારમાં પણ સોના-ચાંદી નરમ

આંતરરાષ્ટ્રીય બજારમાં સોના ચાંદીના ભાવ ઘટાડા સાથે ટ્રેડ થઈ રહ્યા છે. Comex પર સોનું 3,994 ડોલર પ્રતિ ઔંસના ભાવે ખૂલ્યું હતું. તેનો પાછલો બંધ ભાવ પ્રતિ ઔંસ 4,000.50 ડોલર હતો. આ સમાચાર લખાય છે ત્યારે આ કોન્ટ્રાક્ટ 19.70 ડોલર એટલે કે 0.49 ટકાના ઘટાડા સાથે પ્રતિ ઔંસ 3,980 ડોલરના સ્તરે ટ્રેડ થઈ રહ્યો હતો. સોનાના ભાવ આ વર્ષે પ્રતિ ઔંસ 5,586.20 ડોલરનું સર્વોચ્ચ સ્તરે પહોંચ્યા હતા.

Comex પર ચાંદી વાયદાનો ભાવ પ્રતિ ઔંસ 51.64 ડોલરે ખૂલ્યો હતો. તેનો પાછલો બંધ ભાવ પ્રતિ ઔંસ 52 ડોલર હતો. આ સમાચાર લખાય છે ત્યારે આ કોન્ટ્રાક્ટ 0.662 ડોલર એટલે કે 1.27 ટકાના ઘટાડા સાથે પ્રતિ ઔંસ 51.340 ડોલરના સ્તરે ટ્રેડ થઈ રહ્યો છે. તેના ભાવ આ વર્ષે પ્રતિ ઔંસ 121.79 ડોલરના સર્વોચ્ચ સ્તરે પહોંચ્યા હતા.

અમેરિકામાં મોંઘવારીના પગલે કિંમતી ધાતુઓમાં ઘટાડો

અમેરિકામાં મોંઘવારી અપેક્ષા કરતાં વધુ રહેવાના કારણે અમેરિકામાં ડિસેમ્બરમાં ફેડરલ રિઝર્વ તરફથી વ્યાજદરમાં વધુ વધારાની સંભાવના મજબૂત બની છે. તેનાથી ડોલર અને અમેરિકન ટ્રેઝરી બોન્ડના યીલ્ડને ટેકો મળ્યો છે. બોન્ડ યીલ્ડ વધવાથી સોના જેવી વ્યાજ વિનાની એસેટની માગ ઘટે છે. આંતરરાષ્ટ્રીય બજારમાં હાજર ભાવમાં ઘટાડા છતાં એમસીએક્સ પર ચાંદીની સામાન્ય તેજી બંને બજારોમાં અલગ અલગ વલણ દર્શાવે છે.

દરમિયાન દિલ્હીના સર્રાફા બજારમાં ચાંદીના ભાવ પ્રતિ કિલો રૂ. 5,000 ગગડીને રૂ. 1,87,500ના સ્તરે પહોંચ્યા હતા જ્યારે રિટેલ બજારમાં ગુડરિટર્ન્સ મુજબ ચાંદીનો ભાવ ઘટીને પ્રતિ કિલો રૂ. 2,00,000 થઈ ગયો છે.