Shanti Inorganicsનાં રોકાણકારોને લાગી લોટરી, લિસ્ટિંગ સાથે ₹1.19 લાખનો જંગી નફો

Shanti Inorganicsના શેરનું સોમવાર, 7 સપ્ટેમ્બરે NSE SME પ્લેટફોર્મ પર મજબૂત લિસ્ટિંગ થયું હતું. કંપનીનો શેર ₹83ની ઇશ્યૂ કિંમતની સામે ₹157.70 પર લિસ્ટ થયો હતો. એટલે કે રોકાણકારોને પ્રતિ શેર ₹74.70 અથવા 90%નો લિસ્ટિંગ લાભ મળ્યો હતો. આ પ્રીમિયમ કેમિકલ ક્ષેત્રની કંપનીના IPO પ્રત્યે રોકાણકારોની મજબૂત માગ દર્શાવે છે.

IPO 142 ગણાથી વધુ ભરાયો

₹47.24 કરોડનો IPO 31 ઓગસ્ટથી 2 સપ્ટેમ્બર સુધી રોકાણ માટે ખુલ્લો હતો. કંપનીએ પ્રતિ શેર ₹79થી ₹83નો ભાવપટ્ટો નક્કી કર્યો હતો. IPO એકંદરે 142.17 ગણો ભરાયો હતો. ઇશ્યૂમાં 56.91 લાખ નવા શેરનો સમાવેશ થતો હતો. તેમાં Offer for Saleનો કોઈ હિસ્સો નહોતો. એટલે IPOમાંથી મળનારી રકમ સીધી કંપનીને મળશે.

લઘુત્તમ રોકાણ ₹2.66 લાખ

IPOમાં એક લોટ 1,600 શેરનો હતો. ભાવપટ્ટાના ઉપલા સ્તર ₹83 પ્રમાણે એક લોટ માટે ₹1.33 લાખનું રોકાણ જરૂરી હતું. રિટેલ રોકાણકારોએ ઓછામાં ઓછા બે લોટ માટે અરજી કરવાની હોવાથી લઘુતમ રોકાણ ₹2.66 લાખ હતું. અર્થાત, એક લોટમાં 1,600 શેર હતા, એટલે કે ₹1,32,800નું મિનિમમ રોકાણ કરવું પડે. કંપનીનું આજે લિસ્ટિંગ ₹157.70 પર લિસ્ટિંગ થતાં રોકાણકારોને ₹2,52,320 મળ્યાં હતા. એક લોટ પર કુલ નફો ₹74.70 થતા ₹1,19,520 જંગી નફો થયો હતો.

મોટી મિનિમમ ઈન્વેસ્ટમેન્ટ પ્રાઈસને કારણે આ ઇશ્યૂ પ્રમાણમાં વધુ જોખમ લેવાની ક્ષમતા ધરાવતા રોકાણકારો માટે હતો. તેમ છતાં મળેલા જંગી પ્રતિસાદે વિશિષ્ટ ઉત્પાદન અને ઔદ્યોગિક ક્ષેત્રની SME કંપનીઓ પ્રત્યે રોકાણકારોનો રસ દર્શાવ્યો છે. એક લોટમાં 1,600 શેર હતા.

Shanti Inorganics શું કરે છે?

Shanti Inorganics સલ્ફર આધારિત અકાર્બનિક રસાયણોનું ઉત્પાદન અને વેપાર કરે છે. કંપનીના ઉત્પાદનોમાં સોડિયમ મેટાબાઇસલ્ફાઇટ, સોડિયમ સલ્ફાઇટ, એમોનિયમ બાઇસલ્ફાઇટ અને સોડિયમ બાઇસલ્ફાઇટ સોલ્યુશનનો સમાવેશ થાય છે. કંપનીનાં ઉત્પાદનોનો ઉપયોગ ખાદ્યપદાર્થ અને પીણાં, ફાર્માસ્યુટિકલ્સ, તેલ ડ્રિલિંગ, કાગળ અને પલ્પ તેમજ જળ શુદ્ધિકરણ સહિતના વિવિધ ઉદ્યોગોમાં થાય છે. વિવિધ ઉદ્યોગોમાં ગ્રાહકો હોવાના કારણે કંપની કોઈ એક ક્ષેત્ર પર સંપૂર્ણપણે નિર્ભર નથી.

ગુજરાતમાં ઉત્પાદન એકમો

કંપની ગુજરાતમાં અમદાવાદના વટવા અને બાવળા ખાતે ઉત્પાદન સુવિધાઓ ધરાવે છે. બાવળા ફેઝ-1 એકમે ફેબ્રુઆરી 2025માં વ્યાવસાયિક ઉત્પાદન શરૂ કર્યું હતું. આ એકમની સ્થાપિત ઉત્પાદન ક્ષમતા વાર્ષિક 18,000 ટન છે.

મજબૂત લિસ્ટિંગ બાદ હવે રોકાણકારોની નજર શેર ગૌણ બજારમાં તેની તેજી જાળવી શકે છે કે નહીં તેના પર રહેશે. SME શેરોમાં મજબૂત લિસ્ટિંગ પછી મૂલ્યાંકન, ઓછી લિક્વિડિટી અને કંપનીની કમાણીનું પ્રદર્શન ખાસ મહત્વ ધરાવે છે.

આ પણ વાંચો: પ્રાઇમરી માર્કેટમાં IPOનો ધસારો, 11 ઇશ્યૂથી ₹7,054 કરોડ એકત્ર થશે

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16