Hindustan Copperના શેરમાં તેજીનો કરંટ! 182% નફો વધતાં શેર 7% ઉછળ્યો

Hindustan Copper Share: Hindustan Copperના સપ્ટેમ્બર 2026 ક્વાર્ટરના મજબૂત પરિણામોની અસર શેર પર જોવા મળી છે. ગુરુવારના શરૂઆતના કારોબારમાં કંપનીનો શેર 7% સુધી ઉછળીને ₹466.80ની સપાટીએ પહોંચ્યો હતો, જે લગભગ એક મહિનાનું ઉચ્ચ સ્તર છે. કંપનીના નેટ પ્રોફિટમાં વાર્ષિક ધોરણે 182%નો જોરદાર વધારો નોંધાતા શેરમાં ખરીદી જોવા મળી.

નેટ પ્રોફિટ 182% વધીને ₹518 કરોડથી વધુ

નાણાકીય વર્ષ 2026-27ના બીજા ક્વાર્ટરમાં Hindustan Copperનો કન્સોલિડેટેડ નેટ પ્રોફિટ વાર્ષિક ધોરણે 182% વધીને ₹518 કરોડથી વધુ થયો છે. ગયા નાણાકીય વર્ષની સમાન ત્રિમાસિકમાં કંપનીનો નેટ પ્રોફિટ ₹184 કરોડ હતો. કંપનીની કામગીરીમાંથી આવક પણ વાર્ષિક ધોરણે 64% વધીને ₹1,175 કરોડ થઈ છે. ગયા વર્ષે સપ્ટેમ્બર ક્વાર્ટરમાં આ આવક ₹718 કરોડ હતી. પ્રથમ ક્વાર્ટરની ₹936.5 કરોડની આવકની સરખામણીએ પણ સપ્ટેમ્બર ક્વાર્ટરમાં લગભગ 25% વધારો નોંધાયો છે.

EBITDA અને માર્જિનમાં પણ સુધારો

કંપનીના EBITDAમાં પણ મજબૂત વૃદ્ધિ જોવા મળી છે. સપ્ટેમ્બર ક્વાર્ટરમાં EBITDA 38.4% વધીને ₹703 કરોડ થયો છે, જ્યારે અગાઉના ક્વાર્ટરમાં તે ₹508 કરોડ હતો. કંપનીનું EBITDA માર્જિન પણ પ્રથમ ક્વાર્ટરના 54.2%થી વધીને બીજા ક્વાર્ટરમાં 59.9% થયું છે. બીજી તરફ, પ્રતિ શેર કમાણી એટલે કે EPS ₹1.89થી વધીને ₹5.36 થઈ છે.

ખર્ચમાં મર્યાદિત વધારો, શેરનું પ્રદર્શન કેવું રહ્યું?

Hindustan Copperના મજબૂત નફા પાછળ ખર્ચમાં મર્યાદિત વધારો પણ એક કારણ રહ્યું છે. બીજા ક્વાર્ટરમાં કંપનીનો કુલ ખર્ચ વાર્ષિક ધોરણે 8% વધીને ₹520 કરોડ થયો. આ દરમિયાન કર્મચારી લાભ અને અન્ય ખર્ચમાં ઘટાડો નોંધાયો હતો. જોકે, કાચા માલના વપરાશ પરનો ખર્ચ 31%થી વધુ વધીને ₹40.87 કરોડ થયો. શેરના પ્રદર્શનની વાત કરીએ તો છેલ્લા એક સપ્તાહમાં તેમાં 6%થી વધુનો વધારો થયો છે, જ્યારે એક મહિનામાં શેર લગભગ 4% ઘટ્યો છે. 2026માં અત્યાર સુધી શેર લગભગ 13% નીચે છે. જોકે, લાંબા ગાળામાં શેરનું પ્રદર્શન મજબૂત રહ્યું છે. છેલ્લા એક વર્ષમાં શેરે 33%થી વધુ, ત્રણ વર્ષમાં 202%થી વધુ અને પાંચ વર્ષમાં લગભગ 256% વળતર આપ્યું છે.

આ પણ વાંચો: કોપર બિઝનેસમાં અદાણીની ગ્લોબલ એન્ટ્રી, ચિલીની દિગ્ગજ કંપની સાથે હાથ મિલાવ્યા

આ પણ જુઓ :

Watch onYouTube