IRDAIના નવા નિયમોથી Insurance Stocks દબાણમાં

ભારતીય શેરબજારમાં ગુરુવારે ઇન્શ્યોરન્સ સેક્ટરના શેરો પર દબાણ જોવા મળ્યું છે. PB Fintech, SBI Life Insurance Company, HDFC Life Insurance Company સહિતની ઇન્શ્યોરન્સ કંપનીઓના શેરોમાં ઘટાડાની શક્યતા વ્યક્ત કરવામાં આવી રહી છે. રેગ્યુલેટરે ઇન્શ્યોરન્સ વેચવાની કિંમત ઘટાડવા અને કમિશન વ્યવસ્થા બદલવા માટે નવા પ્રસ્તાવો મૂક્યા છે. બ્રોકરેજ ફર્મ જેફરીઝના મતે, નવા નિયમોથી કંપનીઓની કમાણી પર 10 થી 12 ટકા સુધીની સીધી અસર પડી શકે છે. નવા નિયમો મુજબ, આગામી 5 વર્ષમાં ઇન્શ્યોરન્સ કંપનીઓના મેનેજમેન્ટ ખર્ચ (EoM)ને ઘટાડીને 12.5% થી 15% કરવા પર ભાર મૂકવામાં આવ્યો છે. આ ઉપરાંત, લોન સાથે ઇન્શ્યોરન્સ વેચવા પર રોક અને વેબસાઇટ્સ પર ગ્રાહકોને ફસાવતા 'ડાર્ક પેટર્ન' સામે પણ કડક પગલાં લેવાની પણ શક્યતા છે.

આ દબાણ પાછળનું મુખ્ય કારણ IRDAI (ઇન્શ્યોરન્સ રેગ્યુલેટર)નું નવું કન્સલ્ટેશન પેપર છે. સરકાર દ્વારા ઇન્શ્યોરન્સ સેક્ટર સંબંધિત કર માળખામાં કરવામાં આવેલા ફેરફારો અને તેની કંપનીઓની આવક પર પડનારી સંભવિત અસર છે. રોકાણકારો હવે ઇન્શ્યોરન્સ કંપનીઓના માર્જિન, પ્રીમિયમ ગ્રોથ અને બિઝનેસ મોડલ પર તેની અસરનું મૂલ્યાંકન કરી રહ્યા છે. રિપોર્ટ અનુસાર, કેટલીક ઇન્શ્યોરન્સ પ્રોડક્ટ્સ પર ટેક્સ સંબંધિત ફેરફારો બાદ સેક્ટરની કંપનીઓના શેરમાં સાવચેતીભર્યું વલણ જોવા મળી શકે છે. ખાસ કરીને લાંબા ગાળાની પોલિસી અને સેવિંગ્સ આધારિત ઇન્શ્યોરન્સ પ્રોડક્ટ્સ પર અસર અંગે બજારમાં ચર્ચા વધી છે.

ડિજિટલ ઇન્શ્યોરન્સ પ્લેટફોર્મ પર નજર

PB Fintech, જે Policybazaar જેવી ડિજિટલ ઇન્શ્યોરન્સ પ્લેટફોર્મનું સંચાલન કરે છે, તેના શેર પર પણ રોકાણકારોની નજર રહેશે. કંપનીનો બિઝનેસ મુખ્યત્વે ઓનલાઇન ઇન્શ્યોરન્સ વિતરણ પર આધારિત છે. જો ઇન્શ્યોરન્સ પ્રોડક્ટ્સની માંગ અથવા ગ્રાહકોના નિર્ણયમાં ફેરફાર થાય તો તેની અસર પ્રીમિયમ વોલ્યુમ અને કમિશન આવક પર પડી શકે છે.

લાઇફ ઇન્શ્યોરન્સ કંપનીઓ માટે પડકાર

SBI Life અને HDFC Life જેવી મોટી લાઇફ ઇન્શ્યોરન્સ કંપનીઓ માટે પ્રીમિયમ વૃદ્ધિ, નવા બિઝનેસ માર્જિન અને પોલિસીધારકોની સંખ્યા મહત્વપૂર્ણ પરિબળો છે. બજાર નિષ્ણાતોનું માનવું છે કે કોઈપણ નીતિગત અથવા કર સંબંધિત ફેરફારથી ગ્રાહકોના ખરીદી નિર્ણયમાં ફેરફાર આવી શકે છે, જેના કારણે ટૂંકા ગાળામાં શેરના ભાવ પર અસર જોવા મળી શકે છે.

જોકે, ભારતીય ઇન્શ્યોરન્સ માર્કેટમાં હજુ પણ લાંબા ગાળાની વૃદ્ધિની સંભાવના છે. દેશમાં ઇન્શ્યોરન્સ પેનેટ્રેશન વધારવા માટે સરકાર અને કંપનીઓ સતત પ્રયાસ કરી રહી છે. વધતી આવક, નાણાકીય જાગૃતિ અને ડિજિટલ વિતરણ મોડલના કારણે સેક્ટરને લાંબા ગાળે ટેકો મળી શકે છે. હાલમાં રોકાણકારોની નજર ઇન્શ્યોરન્સ કંપનીઓના આગામી ત્રિમાસિક પરિણામો, પ્રીમિયમ ગ્રોથ અને નિયમનકારી ફેરફારોની અસર પર રહેશે. નિષ્ણાતો ટૂંકા ગાળામાં સાવચેતી રાખવાની સલાહ આપી રહ્યા છે, જ્યારે લાંબા ગાળાના રોકાણકારો કંપનીઓના મૂળભૂત પરિબળો પર ધ્યાન આપી રહ્યા છે.

આ પણ વાંચો: વીમો લેવો છે, પણ કયો? Life Insuranceના 5 મુખ્ય પ્રકાર સરળ ભાષામાં સમજો

આ પણ જુઓ:

Watch onYouTube