Ola Electric દોડી, શેરમાં કેમ આવ્યો 12 ટકા સુધીની તેજીનો કરંટ

Ola Electric Share Price ઓલા ઇલેક્ટ્રિક મોબિલિટીના શેરમાં 23 સપ્ટેમ્બર 2026ના રોજ બુધવારે 12 ટકા સુધીની જબરદસ્ત તેજી આવી. આ શેર 38.16 રૂપિયા પર ખૂલ્યો. તેનો અગાઉનો બંધ 37.78 રૂપિયા હતો. તેના પછી શેર 12 ટકા વધી રૂ. 42.32 પર પહોંચ્યો. છેલ્લા મહિનામાં ઓલા ઇલેક્ટ્રિકનો શેર 80 ટકા વધી ચૂક્યો છે.

Ola Electricએ બાવન સપ્તાહનું ટોચ અને તળિયું બનાવ્યું

ઓલા ઇલેક્ટ્રિકનો શેર ગયા વર્ષે 23 સપ્ટેમ્બરના રોજ રૂ. 59.20ની બાવન સપ્તાહના ઊંચા સ્તરે પહોંચ્યો હતો. તેના પછી આ શેર બીજી માર્ચના રોજ 21.21 રૂપિયાના બાવન સપ્તાહના તળિયે પહોંચ્યો હતો.

નવા ઉત્પાદનોના લીધે કંપનીના શેરમાં તેજી

કંપનીના શેરમાં તાજેતરની તેજીનું કારણ નવા ઉત્પાદનોનું લોન્ચિંગ, કારોબાર સાથે જોડાયેલા સમાચાર, ઇલેક્ટ્રિક ટુ-વ્હીલર સેક્ટરમાં વેચાણની સારા આશા ગણાવાઈ છે. કંપનીએ તાજેતરમાં જ ડીલરો દ્વારા ચાલતા પોતાના પહેલા સ્ટોર શરૂ કર્યા છે. આ પગલું વેચાણ અને સર્વિસ નેટવર્કને ભાગીદારો માટે ખોલ્યાના એક મહિના પછી ઉઠાવાયું છે. કંપનીએ જણાવ્યું હતું કે તેના પ્રારંભિક નેટવર્કમાં રાજસ્થાન, તમિલનાડુ, મહારાષ્ટ્ર, બિહાર, તેલંગણા, ઉત્તરપ્રદેશ અને મધ્યપ્રદેશમાં શરૂ થઈ ગયા છે.

ઇવી માર્કેટમાં કંપનીની હિસ્સેદારી અપેક્ષા કરતાં વધુ ઝડપથી વધી

વૈશ્વિક રેટિંગ કંપની નોમુરા મુજબ ઇલેક્ટ્રિક ટુ-વ્હીલર વાહનોના બજારમાં કંપનીની હિસ્સેદારી અંદાજ કરતાં વધુ ઝડપથી વધી રહી છે. તેની પાછળ સારા ઉત્પાદનો, વપરાશકારોની વધતી સ્વીકાર્યતા, માલિકીના કુલ ખર્ચમાં અનુકૂળતા અને સરકારની સહાયક નીતિઓને કારણભૂત ગણાવવામાં આવી છે.

કંપનીની નાણાકીય કામગીરી

કંપનીના નાણાકીય આંકડા જોઈએ તો 30 જુન 2026ના રોજ પૂરા થયેલા ક્વાર્ટરમાં ઓલા ઇલેક્ટ્રિકની આવક 45 ટકા ઘટીને 455 કરોડ રૂપિયા રહી હતી. જ્યારે કંપનીની ચોખ્ખી ખોટ 428 કરોડ રૂપિયાથી ઘટીને 336 કરોડ રૂપિયા થઈ છે. કંપનીનો રોકડપ્રવાહ રૂ. 215 કરોડના નેગેટિવ ઝોનમાં હતો, જે માર્ચ ક્વાર્ટરના અંતે રૂ. 91 કરોડના પોઝિટિવ ઝોનમાં હતો.

આ પણ વાંચો

Watch onYouTube