TBZના શેરમાં લાગી 20 ટકાની અપર સર્કિટ

મુંબઈઃ શેરબજારમાં આજે ઉતારચઢાવ વચ્ચે જેમ્સ એન્ડ જ્વેલરી સેક્ટરમાં કંપની ત્રિભોવનદાસ ભીમજીભાઈ ઝવેરી (TBZ)ના શેરોમાં 20 ટકાની અપર સર્કિટ જોવા મળી છે. મંગળવારે આ શેર અગાઉના બંધ 307 રૂપિયા સામે 315 રૂપિયા ખૂલ્યા હતા અને 366.80 રૂપિયાની ઇન્ટ્રા-ડે હાઈ બનાવી હતી અને તેમા 20 ટકાની અપર સર્કિટ લાગી હતી. જો કે કંપનીના શેરોમા આ નોંધપાત્ર ઉછાળો કંપનીની એક જાહેરાતના પગલે આવ્યો છે.

પ્રમોટરો પાસેથી 74 ટકા હિસ્સો ખરીદશે કંપની

કંપનીએ તેના નિવેદનમાં જણાવ્યું હતું કે તેણે ટીબીઝેડના પ્રમોટરો સાથે કંપનીમાં 74.12 ટકા હિસ્સેદારી ખરીદવા માટે શેર ખરીદ કરાર કર્યો છે. બીએસઈ મુજબ કંપની GRT પ્રમોટર સ્ટેકને 1,033.71 કરોડ રૂપિયા સુધીની કિંમત પર ખરીદશે. GRT લાગુ થયેલા સેબીના નિયમો મુજબ વધારાના 26 ટકા હિસ્સેદારી માટે એક ઓપન ઓફર પણ લાવશે. કંપનીએ આગળ જણાવ્યું હતું કે સ્પા પૂરી કરવા જરૂરી રેગ્યુલેટરી મંજૂરી અને આમ ક્લોઝિંગની શરતો પર નિર્ભર કરશે.

પાંચ પેઢીઓથી ચાલતો કારોબાર

કંપનીના ચેરમેન અને મેનેજિંગ ડિરેક્ટર શ્રીકાંત ઝવેરીએ જણાવ્યું હતું કે જે સફર લગભગ પાંચ પેઢીઓ  અને 162 વર્ષ પહેલા ઝવેરી બજારની એક નાની દુકાનથી થયેલો પ્રારંભ પેઢીઓની મહેનત અને લગન પછી આજે દેશના 37 સ્ટોર સુધી પહોંચ્યો છે. મને પોતાની બંને પુત્રીઓ બિનાઇશા અને રાશિ બંને પર ગર્વ છે, જેમણે છેલ્લા 20 વર્ષમાં કારોબાર વધારવામાં મહત્વની ભૂમિકા ભજવી છે. આજે અમે જાણીએ છીએ કે અમારો વારસો, અમારા મૂલ્યો અને અમારા લોકો આજે સાચા હાથોમાં છે, જે ટીબીઝેડ માટે આગામી અધ્યાય હશે. હવે તે ટીબીઝેડનું આગામી પ્રકરણ લખશે.

છેલ્લાં છ મહિનામાં રોકાણકારોને 160 ટકા વળતર

ઉલ્લેખનીય છે કે ટીબીઝેડના શેરોએ છેલ્લા કેટલાક મહિનામાં દબાણ છતાં સારો દેખાવ કર્યો છે. આ શેર છેલ્લા એક મહિનામાં 27 ટકાથી વધુ વધ્યો છે. જ્યારે છેલ્લા છ મહિનામાં રોકાણકારોને લગભગ 160 ટકા વળતર મળ્યું છે. 2026માં કંપનીના શેર 120 ટકાથી વધુ વધી ચૂક્યા છે. જો છેલ્લાં એક વર્ષનું પ્રદર્શન જોઈએ તો તેણે રોકાણકારોને 95 ટકા અને છેલ્લા પાંચ વર્ષમાં 370 ટકા વળતર આપ્યું છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16