અમેરિકામાં જંગી ઓર્ડર મળતાં Welspun Corpમાં પાંચ ટકાનો ઉછાળો

Welspun Share Price: Welspun Corpને અમેરિકા સ્થિત પેટા કંપની પાસેથી 41.25 કરોડ ડોલર એટલે કે લગભગ રૂ. 4,000 કરોડનો ઓર્ડર મળ્યો છે. કંપનીએ જણાવ્યું હતું કે તેને હાઈ ફ્રીકવન્સી ઇન્ડક્શન વેલ્ડેડ પાઇપ્સનો કોન્ટ્રાક્ટ મેળ્યો છે. કંપનીની ગ્લોબલ ઓર્ડર 4.7 અબજ ડોલર એટલે કે લગભગ રૂ. 45,000 કરોડ રૂપિયાની છે, જે તેના ઇતિહાસમાં અત્યાર સુધીની સૌથી મોટી છે. આના પગલે બીએસઇ પર કંપનીના શેરના ભાવે દોટ મૂકી હતી.

કંપનીના શેરે બીએસઈ પર પાંચ ટકાથી પણ વધુ વધીને રૂ. 2,838ની ટોચ બનાવી હતી. કંપનીનો શેર અગાઉના બંધ રૂ. 2,694.60ની સામે રૂ. 2,782.60 પર ખૂલ્યો હતો, તેણે રૂ. 2,838ની ટોચ બનાવી હતી, આ પૂર્વે તેણે રૂ. 2,758.60ની લો બનાવી હતી. આ સપ્તાહે અગાઉ કંપનીએ સાઉદીની અરામ્કો પાસેથી રૂ. 2,000 કરોડનો સ્ટીલ પાઇપ્સનો ઓર્ડર મળ્યો છે. કંપનીએ સપ્ટેમ્બરના પ્રારંભમાં પેર્મા પાઇપ પાસે જોર્ડનમાં પાઇપ મેન્યુફેક્ચરિંગ અને કોટિંગ ફેસિલિટીઝ સ્થાપવાનો કરાર કર્યો હતો.

પ્રથમ ક્વાર્ટરમાં કંપનીનો ચોખ્ખો નફો ગયા વર્ષના સમાન સમયગાળાના રૂ. 350 કરોડથી વધીને રૂ. 1,047 કરોડ થયો છે. જ્યારે એસોસિયેટના શેરના વેચાણમાંથી રૂ. 548 કરોડનો નફો થયો છે, જે અગાઉના વર્ષે શૂન્ય હતો. કંપનીની આવક જૂન ક્વાર્ટરમાં 15 ટકા વધી રૂ. 4,081 કરોડ થઈ હતી, જે રૂ. 3,551 કરોડ હતો. કંપનીનો કાર્યકારી નફો રૂ. 525 કરોડથી 32 ટકા વધી રૂ. 692 કરોડ થયો છે. જ્યારે તેના માર્જિન 14.7 ટકાથી વધી 17 ટકા થયા છે. કંપનીના શેરના ભાવમાં વર્ષ દરમિયાન લગભગ 250 ટકા વધારો થયો છે.

આ પણ વાંચોઃ

Watch onYouTube