Airtel આફ્રિકાની મોટી તૈયારી, લંડનમાં લાવશે $800 મિલિયનનો IPO

ભારતી એરટેલના આફ્રિકા બિઝનેસની Mobile Money શાખા Airtel Money હવે લંડન શેરબજારમાં લિસ્ટિંગ માટે આગળ વધી રહી છે. કંપનીએ જાહેરાત કરી છે કે તે લંડનમાં IPO માટે અરજી કરવાની યોજના ધરાવે છે. Airtel Moneyનું લિસ્ટિંગ એવા સમયે થઈ રહ્યું છે જ્યારે લંડન માર્કેટમાં નવા IPOની ગતિ છેલ્લા કેટલાક સમયથી ધીમી રહી છે. આથી કંપનીનું IPO લંડન શેરબજાર માટે મહત્વપૂર્ણ ઓફર બની શકે છે.

IPOથી ₹7,000 કરોડથી વધુ એકત્ર કરવાની યોજના

Airtel Money IPO મારફતે ઓછામાં ઓછા $800 મિલિયન એટલે કે આશરે ₹7,000 કરોડથી વધુ ભંડોળ એકત્ર કરવાનો પ્રયાસ કરી રહી છે. કંપનીનું લક્ષ્ય IPO દરમિયાન $8 બિલિયનથી $9 બિલિયન એટલે કે આશરે ₹70,000 કરોડથી ₹79,000 કરોડ સુધીનું વેલ્યુએશન મેળવવાનું છે. કંપની IPOમાં કેટલા શેર રજૂ કરશે અને તેની કિંમત શ્રેણી શું રહેશે તેની માહિતી ઓક્ટોબરની શરૂઆતમાં જાહેર કરવામાં આવશે.

લિસ્ટિંગમાં થયો વિલંબ

Airtel Moneyએ અગાઉ 2026ના પ્રથમ ભાગમાં લિસ્ટિંગ કરવાની યોજના બનાવી હતી, પરંતુ બજારની અનુકૂળ સ્થિતિ ન હોવાને કારણે આ પ્રક્રિયા બીજા ભાગ સુધી મુલતવી રાખવામાં આવી હતી. હવે કંપની લંડન IPO માટે ફરીથી પ્રક્રિયા આગળ વધારી રહી છે.

આ પણ વાંચો: ઓઈલ કંપનીઓને દૈનિક રૂ. 530 કરોડનું નુકસાન, શું પેટ્રોલ-ડીઝલના ભાવ વધશે?

Mobile Money બિઝનેસ પર કંપનીનું ધ્યાન

Airtel Money આફ્રિકામાં ડિજિટલ પેમેન્ટ અને નાણાકીય સેવાઓ ક્ષેત્રમાં કામ કરે છે. કંપનીનો હેતુ મોબાઇલ આધારિત નાણાકીય સેવાઓના વિસ્તરણ દ્વારા નવા ગ્રાહકો સુધી પહોંચવાનો છે. લંડન લિસ્ટિંગ દ્વારા કંપનીને આંતરરાષ્ટ્રીય રોકાણકારો સુધી પહોંચવાની તક મળી શકે છે.

આ પણ જુઓ

Watch onYouTube