Binance પર $6.3 અબજની હેકિંગ બાદ $6 અબજની ભરપાઈ, હેંકિગ પાછળ North Koreaનો હાથ હોવાની શંકા

વિશ્વની સૌથી મોટી ક્રિપ્ટોકરન્સી એક્સચેન્જ Binanceએ જણાવ્યું છે કે તેના પ્લેટફોર્મ પરથી હેકિંગમાં ચોરાયેલી $6.3 અબજની રકમમાંથી લગભગ $6 અબજની ભરપાઈ કરી દેવામાં આવી છે. કંપનીએ રિપ્લેસમેન્ટ ટોકન્સ ખરીદવા માટે પોતાના ફંડનો ઉપયોગ કર્યો છે. Binanceએ અગાઉ જણાવ્યું હતું કે ચોરાયેલી રકમમાંથી આશરે 90% એસેટ્સ ફરી ભરવામાં આવ્યા છે.

બાકી રકમ 10%થી પણ ઓછી

Binanceના જણાવ્યા મુજબ બાકી રહેલી રકમ હવે કુલ નુકસાનના 10%થી પણ ઓછી છે. આ રકમ એવી એસેટ્સમાં છે જે બજારમાં ઓછી લિક્વિડ છે. એટલે જરૂરી માત્રામાં તે એસેટ્સ ખરીદવામાં વધુ સમય લાગી શકે છે.

FBIએ નોર્થ કોરિયાના જૂથને જવાબદાર ગણાવ્યું

અમેરિકાની Federal Bureau of Investigation એટલે કે FBIએ આ હુમલા પાછળ North Korea સાથે જોડાયેલા TraderTraitor નામના state-sponsored unitને જવાબદાર ગણાવ્યો છે. FBIના જણાવ્યા મુજબ આ જૂથના સભ્યો ચોરાયેલી એસેટ્સને Ethereumમાં ફેરવતા જોવા મળ્યા હતા. એજન્સીએ વધુ laundering થવાની પણ શક્યતા વ્યક્ત કરી છે. North Korea લાંબા સમયથી રાજ્ય સાથે જોડાયેલા cyber units દ્વારા નાણાકીય ચોરી અથવા espionage કરવાના આરોપોને નકારતું આવ્યું છે.

લગભગ $3 અબજની એસેટ્સ શોધાઈ

Binance ઉદ્યોગના અન્ય ભાગીદારો સાથે મળીને અસરગ્રસ્ત એસેટ્સને freeze કરવાની કામગીરી પણ કરી રહ્યું છે. શુક્રવાર સુધીમાં લગભગ $3 અબજની એસેટ્સ locate કરવામાં આવી હતી. કંપની સતત કહેતી આવી છે કે હેકિંગથી થયેલા નાણાકીય નુકસાનનો બોજ ગ્રાહકો પર મૂકવામાં નહીં આવે અને તેની જવાબદારી કંપની પોતે ઉઠાવશે.

આ પણ વાંચો: Cylinder Price Hike: કોમર્શિયલ LPGનો ભાવ ₹10 વધ્યો, ATFમાં ₹1.37 પ્રતિ લિટર વધારો

SAFU અને ઈન્સ્યોરન્સ ફંડમાંથી રકમ વપરાઈ

ચોરાયેલી એસેટ્સની ભરપાઈ માટે Binanceએ તેના Secure Asset Fund for Users એટલે કે SAFUમાંથી પણ રકમ વાપરી છે. SAFU લગભગ $1 અબજનું Bitcoin reserve છે, જે ગ્રાહકોને security breach જેવી પરિસ્થિતિમાં સુરક્ષા આપવા માટે રાખવામાં આવ્યું છે. તે ઉપરાંત Futures Insurance Fund અને કંપનીની corporate treasuryમાંથી પણ રકમ લેવામાં આવી છે. Co-CEO Yi Heએ જણાવ્યું કે SAFU ફંડનો લગભગ 50% ભાગ વાપરવામાં આવશે. કંપનીએ આ ફંડ ફરી લગભગ $1 અબજના સ્તરે લાવવાની પ્રતિબદ્ધતા પણ વ્યક્ત કરી છે.

Withdrawals તાત્કાલિક રોકાયા હતા

હેકિંગ બાદ Binanceએ ગ્રાહકો માટે withdrawals રોકી દીધા હતા. કંપનીએ જણાવ્યું હતું કે રવિવારે withdrawals ફરી શરૂ કરવાની તૈયારી હતી, જોકે રવિવારે 02:50 GMT સુધી withdrawals શરૂ થયા નહોતા. Co-CEO Richard Tengએ આ હેકિંગને “complex attack” ગણાવ્યું હતું. તેમના જણાવ્યા મુજબ હુમલામાં compromised laptop અને malicious softwareનો ઉપયોગ થયો હતો, જે પોતાની activityના પુરાવા delete કરવા માટે બનાવવામાં આવ્યું હતું.

$6.34 અબજની રકમ અલગ રાખી

Binanceએ જણાવ્યું કે તેણે નુકસાનની ભરપાઈ માટે પોતાની અંદરની લગભગ $6.34 અબજની રકમ અલગ રાખી છે. કંપનીએ 31 ઑક્ટોબર, 0000 GMTના સમયના પ્લેટફોર્મ પર રહેલી એસેટ્સનો નવો snapshot પણ લીધો છે, જે proof-of-reserves પ્રક્રિયાનો ભાગ છે. BTC, ETH, USDT, BNB, SOL, USDC, XRP, USD1, RLUSD અને ZEC ધરાવતા ગ્રાહકો સંપૂર્ણ proof ઉપલબ્ધ થયા બાદ ચકાસી શકશે કે તેમની એસેટ્સ ઓછામાં ઓછા 1:1 backing ratioથી સપોર્ટેડ છે.

આ પણ જુઓ

Watch onYouTube