HDFC Bankના શેરમાં 26% ઘટાડો છતાં નજર Q2 પરિણામ પર, બેંકે આપ્યું ₹21,000 કરોડ ડિવિડન્ડ

HDFC Bankના શેર પર હાલ રોકાણકારોની નજર છે. એક તરફ શેરમાં વર્ષ દરમિયાન મોટો ઘટાડો જોવા મળ્યો છે, તો બીજી તરફ બેંકના આગામી ક્વાર્ટર પરિણામો અને મજબૂત ડિવિડન્ડ પેઆઉટને કારણે રોકાણકારોનું ધ્યાન ફરી બેંક તરફ ગયું છે.

HDFC Bankનો શેર 2026માં 26% ઘટ્યો

ગુરુવારે HDFC Bankનો શેર અગાઉના બંધ ભાવની સરખામણીએ નીચલા સ્તરે ખુલ્યો હતો અને ત્યારબાદ મોટાભાગે સ્થિર રહ્યો હતો. 24 સપ્ટેમ્બરે શેર ₹729.80 પર બંધ થયો હતો. દિવસ દરમિયાન શેરે ₹722.70થી ₹734.85 વચ્ચે મૂવમેન્ટ દર્શાવી હતી. છેલ્લા એક સપ્તાહમાં HDFC Bankના શેરે 2.5%નો રિટર્ન આપ્યું છે, જ્યારે એક મહિનામાં શેરમાં 0.32%નો વધારો નોંધાયો છે. જોકે, વર્ષ 2026ની શરૂઆતથી અત્યાર સુધી શેરમાં 26%થી વધુનો ઘટાડો થયો છે.

17 ઓક્ટોબરે જાહેર થશે Q2 પરિણામ

HDFC Bank 17 ઓક્ટોબરે નાણાકીય વર્ષના બીજા ક્વાર્ટરના પરિણામો જાહેર કરવાની તૈયારીમાં છે. પરિણામ પહેલાં રોકાણકારો બેંકની કમાણી, બિઝનેસ ગ્રોથ અને અન્ય નાણાકીય પ્રદર્શન પર નજર રાખી રહ્યા છે.

આ પણ વાંચો: મધ્યપૂર્વમાં અશાંતિ, ક્રૂડમાં ઉછાળાના પગલે બજારમાં મંદીવાળાની ધડબડાટી, સેન્સેક્સ 1,247 પોઇન્ટ ડાઉન, નિફ્ટી 383 પોઇન્ટ તૂટ્યો

₹21,000 કરોડનું ડિવિડન્ડ

HDFC Bankએ FY26માં લગભગ ₹21,000 કરોડનું ડિવિડન્ડ વિતરણ કર્યું હતું. આ પેઆઉટ Nifty500માં સામેલ કંપનીઓમાં સૌથી મોટું ડિવિડન્ડ વિતરણ રહ્યું હતું. હાલમાં બેંકનું માર્કેટ કેપ લગભગ ₹11.27 લાખ કરોડ નોંધાયું છે.

આ પણ જુઓ

Watch onYouTube