NTC 1.0: શેરબજારની ચાલ સમજાવશે અનુભવી ટ્રેડર્સ, અમદાવાદમાં એક મંચ પર આવશે અનેક નિષ્ણાતો

શેરબજારમાં યોગ્ય સમયે સોદો કરવો જેટલું મહત્વનું છે, એટલું જ મહત્વનું છે બજારની સ્થિતિને સમજવી અને સંભવિત નુકસાનને નિયંત્રણમાં રાખવું. બજારમાં તેજી કે મંદીના સંકેતો કેવી રીતે ઓળખવા? ઓપ્શન્સ ટ્રેડિંગમાં યોગ્ય વ્યૂહરચના કેવી રીતે બનાવવી? અને બજારની અનિશ્ચિત સ્થિતિમાં જોખમ કેવી રીતે ઘટાડવું? આવા અનેક વિષયો પર અનુભવી ટ્રેડર્સના વિચારો જાણવાની તક અમદાવાદમાં મળવાની છે. આગામી 22 નવેમ્બર, 2026ના રોજ નેશનલ ટ્રેડિંગ કોન્ક્લેવ (NTC 1.0) યોજાશે. તેમાં દેશના વિવિધ ભાગોમાંથી શેરબજારના અનુભવી ટ્રેડર્સ અને નિષ્ણાતો એક મંચ પર આવશે.

Spider Software દ્વારા આયોજિત આ કાર્યક્રમ ગુજરાત યુનિવર્સિટી કન્વેન્શન એન્ડ એક્ઝિબિશન સેન્ટર ખાતે યોજાશે. તેમાં ટ્રેડિંગની વિવિધ વ્યૂહરચનાઓ, ટેક્નિકલ એનાલિસિસ, બજારની વધઘટ અને જોખમના સંચાલન જેવા વિષયો પર ચર્ચા થશે. કાર્યક્રમમાં જોડાનારા નિષ્ણાતોમાં એન. નારાયણ, પંકજ ગર્ગ અને રવિન્દ્ર રોકડેનો પણ સમાવેશ થાય છે. આ ત્રણેય નિષ્ણાતો શેરબજારના અલગ-અલગ ક્ષેત્રોમાં અનુભવ ધરાવે છે.

એન. નારાયણ

એન. નારાયણ Investor Gurukkulના સ્થાપક છે. તેઓ વર્ષ 2016થી શેરબજારમાં સક્રિય છે. આ ઉપરાંત તેમને કોર્પોરેટ ક્ષેત્રમાં પણ લગભગ બે દાયકાનો અનુભવ છે. તેઓ ખાસ કરીને options buying, ટેકનિકલ ઇન્ડિકેટર્સ અને રિસ્ક મેનેજમેન્ટ પર ધ્યાન કેન્દ્રિત કરે છે. શેરબજારમાં સોદો કરતા પહેલાં બજારની સ્થિતિ સમજવી અને યોગ્ય વ્યૂહરચના બનાવવી જરૂરી છે. એન. નારાયણ ટ્રેડિંગમાં શિસ્ત જાળવવા અને બજારની સ્થિતિ પ્રમાણે આયોજનપૂર્વક નિર્ણયો લેવા પર ભાર મૂકે છે.

પંકજ ગર્ગ

પંકજ ગર્ગ ઓપ્શન્સ ટ્રેડર અને માર્કેટ રિસર્ચના નિષ્ણાત છે. તેઓ ખાસ કરીને શેરબજારનું સંશોધન, ઓપ્શન્સ ટ્રેડિંગ અને રિસ્ક મેનેજમેન્ટ જેવા ક્ષેત્રોમાં રસ ધરાવે છે. તેઓ બજારની સ્થિતિને સમજીને યોગ્ય ટ્રેડિંગ તકો શોધવાનું કાર્ય કરે છે. શેરબજારમાં સતત થતી વધઘટ વચ્ચે યોગ્ય નિર્ણય લેવા માટે ટેક્નિકલ એનાલિસિસ ઉપયોગી બની શકે છે. પંકજ ગર્ગ બજારના વિવિધ સંકેતોનો અભ્યાસ કરીને ટ્રેડિંગ માટે સંભવિત તકો ઓળખવા પર ધ્યાન આપે છે. તેઓ ટ્રેડિંગમાં અગાઉથી આયોજન કરવા, શિસ્ત જાળવવા અને જોખમને નિયંત્રણમાં રાખવાને મહત્વ આપે છે. ખાસ કરીને બજારમાં અનિશ્ચિતતા હોય ત્યારે ઉતાવળમાં નિર્ણય લેવાને બદલે બજારની સ્થિતિનું વિશ્લેષણ કરીને આગળ વધવાના અભિગમ પર તેમનું ધ્યાન રહે છે.

રવિન્દ્ર રોકડે

મહારાષ્ટ્રના નાગપુરના રવિન્દ્ર રોકડે Stock Nitiના સ્થાપક અને વ્યવસાયિક ટ્રેડર છે. તેઓ શેરબજારમાં ટ્રેડિંગ અને ટેક્નિકલ એનાલિસિસમાં વિશેષતા ધરાવે છે. Stock Niti દ્વારા તેઓ લોકોને શેરબજાર વિશે માહિતી અને ટ્રેડિંગનું શિક્ષણ આપવાનું કામ કરે છે. શેરબજારમાં ભાવના વધારા-ઘટાડાને સમજવો, ટ્રેડિંગની વિવિધ પદ્ધતિઓ જાણવી અને યોગ્ય સમયે નિર્ણય લેવો દરેક ટ્રેડર માટે મહત્વપૂર્ણ છે. રવિન્દ્ર રોકડે પોતાના જ્ઞાન અને અનુભવ દ્વારા લોકોને બજારની ચાલ તથા ટ્રેડિંગની પદ્ધતિઓ સમજવામાં મદદ કરે છે. તેઓ ખાસ કરીને ટ્રેડિંગમાં શિસ્ત જાળવવાના મહત્વ પર ભાર મૂકે છે.