KuberaNowLogo
Thursday, 19/11/2026
InstagramFacebookXYouTubeLinkedInWhatsAppTelegram
Background

Advertise With Us

Reach Millions. Build Your Brand

ગૃહિણીઓનું બજેટ ખોરવાશે: સુમુલ ડેરીએ દૂધના ભાવમાં ₹1 થી ₹6 સુધીનો વધારો ઝીંક્યો, જાણો નવા દર

અમૂલ બાદ હવે સુરત અને તાપી જિલ્લાની અગ્રણી સુમુલ ડેરીએ પણ 19 નવેમ્બરથી દૂધના વેચાણ ભાવમાં પ્રતિ પેકેટ ₹1 થી ₹6 સુધીનો વધારો લાગુ કર્યો છે. આ નિર્ણયથી ભેંસના દૂધના 1 લિટર પેકેટમાં સીધો ₹6 અને અમૂલ ગોલ્ડમાં ₹4નો વધારો થતાં લાખો પરિવારોના ઘરના બજેટ પર સીધી અસર પડશે.

Kuberanow DeskPublished On : 19 Nov 2026
Sumul Dairy Milk Price
Sumul Dairy Milk PriceAI

Sumul Dairy Milk Price: મોંઘવારીના માર વચ્ચે સામાન્ય અને મધ્યમવર્ગીય પરિવારોના ઘરના બજેટને વધુ એક મોટો આર્થિક ઝટકો લાગ્યો છે. ગુજરાતમાં અમૂલ દ્વારા દૂધના ભાવમાં વધારો કરાયા બાદ હવે સુરત અને તાપી જિલ્લાની અગ્રણી સુમુલ ડેરીએ પણ દૂધના વેચાણ ભાવમાં વધારો કરવાનો નિર્ણય લીધો છે. ડેરી દ્વારા દૂધની અલગ-અલગ વેરાયટી અને પેકિંગ સાઈઝ મુજબ પ્રતિ પેકેટ ₹1 થી લઈને ₹6 સુધીનો ભાવવધારો ઝીંકવામાં આવ્યો છે, જેનો અમલ આજથી એટલે કે 19મી નવેમ્બરથી શરૂ થઈ ગયો છે.


ભેંસના દૂધ અને અમૂલ ગોલ્ડમાં મોટો વધારો

સુમુલ ડેરીના આ નિર્ણયથી ખાસ કરીને ભેંસનું દૂધ વાપરતા ગ્રાહકોને સૌથી મોટો આર્થિક ફટકો પડ્યો છે. બફેલો મિલ્ક (ભેંસનું દૂધ) ના 1 લિટરના પેકેટમાં સીધો ₹6નો વધારો કરવામાં આવતા તેનો જૂનો ભાવ ₹78થી વધીને ₹84 થઈ ગયો છે. આ ઉપરાંત, સૌથી વધુ વેચાતા અમૂલ ગોલ્ડના 1 લિટરના પેકેટમાં ₹4નો વધારો થતાં હવે ગ્રાહકોએ ₹72ના બદલે ₹76 ચૂકવવા પડશે, જ્યારે તેનું 500 મિ.લી.નું પેકેટ ₹36થી વધીને ₹38નું થયું છે.


અન્ય દૂધ વેરાયટીના નવા અને જૂના દર

રોજિંદા વપરાશની અન્ય વેરાયટીઓના ભાવમાં પણ ફેરફાર કરવામાં આવ્યો છે:


અમૂલ તાઝા (500 મિ.લી.): ₹2ના વધારા સાથે ₹28થી વધીને ₹30 થયું છે.


અમૂલ સ્લીમ એન્ડ ટ્રીમ (500 મિ.લી.): ₹1ના વધારા સાથે ₹26થી વધીને ₹27 થયું છે.


અમૂલ સ્લીમ એન્ડ ટ્રીમ (180 મિ.લી.): ₹1ના વધારા સાથે ₹10થી વધીને ₹11 થયું છે.


અમૂલ શક્તિ (500 મિ.લી.): ₹1ના વધારા સાથે ₹33થી વધીને ₹34 થયું છે.


સુમુલ ગાયનું દૂધ (500 મિ.લી.): ₹2ના વધારા સાથે ₹30થી વધીને ₹32 પર પહોંચી ગયું છે.


લાખો પરિવારોના બજેટ પર પડશે સીધી અસર

સુરત અને તાપી જિલ્લામાં સુમુલ ડેરી દ્વારા દરરોજ આશરે 12.50 લાખ લિટર દૂધનું વેચાણ કરવામાં આવે છે. આ મોટા આંકડા પરથી સ્પષ્ટ થાય છે કે આ ભાવવધારાની અસર માત્ર ગણતરીના લોકો પર નહીં, પરંતુ બંને જિલ્લાના લાખો પરિવારોના આર્થિક બજેટ પર પડવાની છે. દૂધ એ રોજિંદા જીવનની અત્યંત જરૂરી વસ્તુ છે. સવારના નાસ્તાથી લઈને રસોડાના વિવિધ ઉપયોગમાં દૂધ વપરાતું હોવાથી આ ભાવવધારાને કારણે ગૃહિણીઓનું માસિક બજેટ ખોરવાઈ જશે અને સામાન્ય જનતાએ દૂધના રોજિંદા વપરાશ પર કાપ મૂકવો પડે તેવી સ્થિતિ સર્જાઈ શકે છે.


આ પણ વાંચોઃ દરરોજ ₹333 બચાવીને બનાવો ₹17 લાખનું ભંડોળ, જાણો પોસ્ટ ઓફિસની આ ખાસ યોજના


આ પણ વાંચો

Disclaimer - અહીં આપવામાં આવેલી માહિતી માત્ર જાણકારી અને શૈક્ષણિક હેતુ માટે છે. તેને કોઈપણ શેર, સિક્યોરિટી અથવા નાણાકીય પ્રોડક્ટ ખરીદવા કે વેચવાની સલાહ અથવા ભલામણ તરીકે ન ગણવી. રોકાણ બજારના જોખમોને આધીન છે. કોઈપણ રોકાણ અથવા નાણાકીય નિર્ણય લેતા પહેલાં તમારી નાણાકીય સ્થિતિ, રોકાણના હેતુ અને જોખમ લેવાની ક્ષમતાનું મૂલ્યાંકન કરો અને અધિકૃત નાણાકીય સલાહકારની સલાહ લો.

Share Link
WhatsAppFacebookXLinkedIn

Also Read

CM

ગરબાડા પ્રવાસે CM ભૂપેન્દ્ર પટેલ, આદિવાસી પરિવારના ઘરે બેસીને માણ્યું પરંપરાગત ભોજન

Vibrant Gujarat Summit 2027

Vibrant Gujarat Global Summit 2027માં આસામની એન્ટ્રી, બંને રાજ્યોમાં રોકાણની તકો વધશે

Gujarat launches Operation Health

ખાદ્ય સુરક્ષા મુદ્દે સરકાર એક્શન મોડમાં, ગુજરાતભરમાં 'ઓપરેશન હેલ્થ' શરૂ

Adani Cement launches electric trucks

Adani Cement: ગુજરાતથી અદાણી સિમેન્ટની ગ્રીન પહેલ, 410 ઇલેક્ટ્રિક ટ્રક દોડાવશે

Gujarat Sees Over 38 Lakh Tourists Across 8 Spots in Diwali 2026

દિવાળીના તહેવારોમાં ગુજરાતના 8 મુખ્ય ધામો પર પ્રવાસીઓનું ઘોડાપૂર, 38 લાખથી વધુ લોકોએ મુલાકાત લીધી

Tana Riri Mahotsav 2026

વડનગરમાં 19 અને 20 નવેમ્બરે ‘તાના-રીરી મહોત્સવ-2026’નો ભવ્ય પ્રારંભ, દેશભરના દિગ્ગજ કલાકારો સુરાવલીઓ રેલાવશે

Girnar Lili Parikrama 2026

ગિરનાર લીલી પરિક્રમા 20થી 24 નવેમ્બર સુધી યોજાશે, ભાવિકો માટે 450 બસ અને 11 દવાખાનાં

Railway Reservation

ગુજરાત સહિત દેશની 2,200થી વધુ ટ્રેનોમાં નવી રિઝર્વેશન સિસ્ટમ, એક મિનિટમાં બુક થશે 1.50 લાખ ટિકિટ