Aadhaar Face Verification હવે એક જ એપમાં, બેંક ખાતું ખોલવાની પ્રક્રિયા બનશે સરળ

બેંક ખાતું ખોલતી વખતે Aadhaar Face Verification માટે હવે એક એપમાંથી બીજી એપમાં જવાની ઝંઝટ દૂર થશે. ભારતીય વિશિષ્ટ ઓળખ સત્તામંડળ એટલે કે UIDAIએ નવી વ્યવસ્થા રજૂ કરી છે, જેના દ્વારા બેંક, વીમા, બ્રોકિંગ, ફિનટેક અને અન્ય સંસ્થાઓ પોતાની મોબાઇલ એપમાં જ આધાર આધારિત ચહેરાની ચકાસણીની સુવિધા આપી શકશે.

UIDAIએ Global Fintech Fest 2026માં Aadhaar Face Authentication SDK અને Aadhaar Face Authentication Sandbox નામની બે નવી સુવિધાઓ રજૂ કરી છે. આ વ્યવસ્થાથી આધાર દ્વારા ઓળખની ચકાસણીની પ્રક્રિયા વધુ સરળ અને ઝડપી બની શકે છે.

અલગ FaceRD એપની જરૂર નહીં પડે

ઇલેક્ટ્રોનિક્સ અને માહિતી ટેક્નોલોજી મંત્રાલયના જણાવ્યા અનુસાર, કોઈ વ્યક્તિ બેંક, વીમા અથવા બ્રોકિંગ એપ દ્વારા ખાતું ખોલે અને આધારથી ઓળખની ચકાસણી જરૂરી હોય, તો તે એ જ એપની અંદર Face Authentication પૂર્ણ કરી શકશે. અગાઉ આ પ્રક્રિયા માટે FaceRD એપની જરૂર પડતી હતી. વપરાશકર્તાને મૂળ એપમાંથી FaceRD એપમાં જઈ ચહેરાની ચકાસણી કર્યા બાદ ફરીથી મૂળ એપમાં પરત આવવું પડતું હતું. નવી વ્યવસ્થાથી આ વધારાનું પગલું દૂર થશે.

ડિજિટલ KYCમાં શું બદલાશે?

નવી સુવિધાથી બેંક ખાતું ખોલવા, વીમા સેવા મેળવવા, બ્રોકિંગ ખાતું શરૂ કરવા, ડિજિટલ KYC પૂર્ણ કરવા અને સરકારી યોજનાઓમાં નોંધણી કરવાની પ્રક્રિયા સરળ બની શકે છે. એક જ એપમાં ઓળખની ચકાસણી પૂર્ણ થવાથી પ્રક્રિયામાં લાગતો સમય પણ ઘટી શકે છે.

બેંક ડેવી સંસ્થાઓ માટે સુરક્ષિત ટેસ્ટીંગ પ્લેટફોર્મ

UIDAIએ Face Authentication Sandbox પણ શરૂ કર્યું છે. આ એક સુરક્ષિત પરીક્ષણ પ્લેટફોર્મ છે, જ્યાં બેંક અને અન્ય સંસ્થાઓ પોતાની સેવા વાસ્તવિક વ્યવસ્થામાં લાગુ કરતાં પહેલાં તેનું પરીક્ષણ કરી શકશે. આ પ્લેટફોર્મ પર ચહેરાની તસવીર મેળવવાની પ્રક્રિયા, વપરાશકર્તાની સંમતિ, ઓળખની ચકાસણી, ભૂલોનું સંચાલન અને પરિણામની તપાસ કરી શકાશે. પરીક્ષણ પૂર્ણ થયા બાદ સંસ્થાઓ આ સુવિધાને પોતાની એપમાં લાગુ કરી શકશે. નવી વ્યવસ્થાથી Aadhaar Face Authentication વધુ સરળ બનશે અને ડિજિટલ સેવાઓ વચ્ચેનો અવરોધ ઘટશે. ખાસ કરીને નવા ગ્રાહકો માટે બેંકિંગ, વીમા અને રોકાણ સંબંધિત ખાતાં ખોલવાની પ્રક્રિયા ઝડપી અને સરળ બની શકે છે.

આ પણ વાંચો: Appleનો પહેલો ફોલ્ડેબલ iPhone, કિંમત 3 લાખને પાર

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16