Ather Energyના શેરમાં બીજા દિવસે પણ તેજીનો કરંટ! 6.5% ઉછળ્યો

Ather Energy Shares : ભારતીય શેરબજારમાં નબળાઈ વચ્ચે પણ Ather Energyના શેરમાં મજબૂત ખરીદી જોવા મળી છે. અગાઉના સત્રમાં 15%થી વધુના ઉછાળા બાદ મંગળવારે પણ શેરમાં તેજી ચાલુ રહી અને શરૂઆતના વેપારમાં તે 6.5% સુધી વધ્યો. કંપનીના Q2ના મજબૂત નાણાકીય પરિણામો બાદ Nomura અને HSBCએ શેર અંગે સકારાત્મક વલણ દર્શાવ્યું છે.

શરૂઆતના વેપારમાં શેર ₹1,679 સુધી પહોંચ્યો

મંગળવારે બજાર ખુલ્યા બાદ Ather Energyના શેરમાં ખરીદી જોવા મળી હતી. શરૂઆતના સોદામાં શેર લગભગ 4% વધીને ₹1,679ના સ્તરે ટ્રેડ થતો હતો. ત્યારબાદ તેજી વધીને 6.5%થી વધુ થઈ હતી. આ ઉછાળા સાથે Ather Energyનો શેર BSE 500 અને NSE 500 ઇન્ડેક્સના ટોપ ગેઇનર્સમાં સામેલ થયો હતો. શરૂઆતના વેપારમાં બંને એક્સચેન્જ પર આ શેરમાં નોંધપાત્ર સક્રિયતા જોવા મળી હતી. શેરમાં તેજી બાદ કંપનીનું કુલ માર્કેટ કેપિટલાઇઝેશન આશરે ₹65,000 કરોડના સ્તરે પહોંચ્યું છે.

2026માં શેરે આપ્યો 121%નો વધારો

Ather Energyના શેરમાં 2026 દરમિયાન અત્યાર સુધીમાં 121%નો વધારો નોંધાયો છે. આ દરમિયાન ભારતીય શેરબજારના મુખ્ય ઇન્ડેક્સ Nifty 50માં ઘટાડો નોંધાયો હોવા છતાં Ather Energyના શેરમાં મજબૂત તેજી જોવા મળી છે. કંપનીના શેરની આ કામગીરીને કારણે તે BSE 500 અને NSE 500 ઇન્ડેક્સના ટોપ ગેઇનર્સમાં પણ સામેલ રહ્યો છે.

Nomuraએ Target Price વધારી ₹2,070 કર્યો

શેરમાં તાજેતરની તેજી પાછળ કંપનીના Q2ના મજબૂત પરિણામો મહત્વનું કારણ છે. પરિણામો બાદ ગ્લોબલ બ્રોકરેજ ફર્મ Nomuraએ Ather Energy પર પોતાની Buy રેટિંગ જાળવી રાખી છે. Nomuraએ શેરનો Target Price અગાઉના ₹1,926થી વધારીને ₹2,070 કર્યો છે. આ Target Price સોમવારના બંધ ભાવની સરખામણીએ આશરે 31%ના સંભવિત અપસાઇડ તરફ ઈશારો કરે છે.

Q2માં ASP, Margin અને Bookings પર ફોકસ

Nomuraએ Electric Two-Wheeler સેગમેન્ટમાં Ather Energyને પોતાની Top Pick ગણાવી છે. બ્રોકરેજ મુજબ Konarc સાથે કંપનીની આગળની વૃદ્ધિની સંભાવનાઓ સ્પષ્ટ દેખાય છે. Q2 દરમિયાન કંપનીની ગાડીઓની Average Selling Price (ASP) અપેક્ષા કરતાં સારી રહી હતી. સાથે કંપનીના Marginsમાં સુધારો જોવા મળ્યો હતો. કંપનીને મળતી મજબૂત Bookingsને કારણે પણ બ્રોકરેજનો વિશ્વાસ વધ્યો છે.

આ પણ વાંચો : દર મહિને ₹360 ભરવાની ઝંઝટ ખતમ! જાણો 1 નવેમ્બરથી બદલાતા હાઇવેના નિયમો

આ પણ જુઓ:

Watch onYouTube