₹95.80 કરોડના સોલર વિસ્તરણ સાથે ડીઓન એનર્જીની શેરબજારમાં એન્ટ્રી!

ભારતમાં રિન્યૂએબલ એનર્જી ક્ષેત્રમાં વધતી માંગ વચ્ચે અમદાવાદ સ્થિત સોલર EPC કંપની ડિઓન એનર્જી લિમિટેડે મૂડી બજારમાં પ્રવેશવાની તૈયારી શરૂ કરી છે. કંપનીએ તેના પ્રસ્તાવિત Initial Public Offering (IPO) માટે માર્કેટ રેગ્યુલેટર Securities and Exchange Board of India (SEBI) સમક્ષ Draft Red Herring Prospectus (DRHP) ફાઇલ કર્યું છે.

IPOમાં ફ્રેશ ઈશ્યૂ અને ઓફર ફોર સેલ સામેલ

ડિઓન એનર્જીના પ્રસ્તાવિત IPOમાં:

- 72 લાખ ઇક્વિટી શેરનો ફ્રેશ ઈશ્યૂ

- પ્રમોટર શેરધારકો દ્વારા 20 લાખ ઇક્વિટી શેર સુધીની Offer For Sale (OFS) સામેલ છે.

ફ્રેશ ઈશ્યૂમાંથી મળનારી ચોખ્ખી આવકનો ઉપયોગ કંપની ગુજરાતમાં સોલર પાવર જનરેશન પ્લાન્ટ સ્થાપવા, વર્કિંગ કેપિટલ જરૂરિયાતો અને સામાન્ય કોર્પોરેટ હેતુઓ માટે કરશે. કંપની ₹95.80 કરોડનો ઉપયોગ જૂનાગઢ, સુરેન્દ્રનગર અને કચ્છમાં ઓળખાયેલી 6 સાઇટ્સ પર સ્વતંત્ર વીજ ઉત્પાદન પ્લાન્ટ સ્થાપવા માટે મૂડી ખર્ચમાં કરશે. આ ઉપરાંત ₹75 કરોડનો ઉપયોગ વર્કિંગ કેપિટલ માટે કરવામાં આવશે.

સોલર EPC અને IPP બિઝનેસમાં કંપનીની હાજરી

ડિઓન એનર્જી મુખ્યત્વે ઔદ્યોગિક ગ્રાહકો માટે ગ્રાઉન્ડ માઉન્ટેડ અને રૂફટોપ સોલર Engineering, Procurement and Construction (EPC) પ્રોજેક્ટ્સનું કામ કરે છે.

કંપનીની કામગીરીમાં:

- સોલર EPC પ્રોજેક્ટ અમલીકરણ

- Operation & Maintenance (O&M) સેવાઓ

- Independent Power Producer (IPP) બિઝનેસ દ્વારા વીજ ઉત્પાદન સામેલ છે. કંપની સિરામિક્સ, કેમિકલ્સ, ફાર્માસ્યુટિકલ્સ, ટેક્સટાઇલ્સ અને પેપર સહિતના વિવિધ ઉદ્યોગોના ગ્રાહકોને સેવાઓ આપે છે.

321.53 MW DC ક્ષમતાના પ્રોજેક્ટ પૂર્ણ કર્યા

વર્ષ 2020માં પાર્ટનરશિપ કંપની તરીકે શરૂઆત કર્યા બાદ ડિઓન એનર્જીએ 31 ઓગસ્ટ 2026 સુધી કુલ 126 સોલર EPC પ્રોજેક્ટ પૂર્ણ કર્યા છે. આ પ્રોજેક્ટ્સની કુલ સ્થાપિત ક્ષમતા 321.53 MW DC છે. કંપની ગુજરાતમાં 5.70 MW DC સોલર પાવર જનરેશન પોર્ટફોલિયો વિકસાવી રહી છે.

તેમાંથી:

- નાણાકીય વર્ષ 2025-26માં એક પ્રોજેક્ટ કાર્યરત થયો છે.

- અન્ય ત્રણ પ્રોજેક્ટ નાણાકીય વર્ષ 2026-27માં શરૂ થવાની અપેક્ષા છે.

₹527 કરોડની EPC ઓર્ડર બુક

31 ઓગસ્ટ 2026 સુધી કંપની પાસે 28 ગ્રાહકો માટે 34 EPC પ્રોજેક્ટ્સ ચાલુ હતા.

આ પ્રોજેક્ટ્સ:

- ક્ષમતા: 198.97 MW DC

- બાકી રહેલી EPC ઓર્ડર બુક: ₹527.43 કરોડ છે.

કંપનીની O&M ઓર્ડર બુકમાં:

- 60 પ્રોજેક્ટ્સ

- 205.95 MW DC ક્ષમતા

- ₹4.71 કરોડનું બાકી મૂલ્ય સામેલ છે.

કંપનીના મોટાભાગના ચાલુ EPC પ્રોજેક્ટ ગુજરાતમાં છે, જ્યારે મહારાષ્ટ્ર, ઉત્તર પ્રદેશ, રાજસ્થાન અને ઓડિશામાં પણ તેના પ્રોજેક્ટ્સ છે.

આવક અને નફામાં નોંધપાત્ર વૃદ્ધિ

ડિઓન એનર્જીની કામગીરીમાંથી આવકમાં છેલ્લા વર્ષોમાં વધારો નોંધાયો છે.

- નાણાકીય વર્ષ 2023-24: ₹68.43 કરોડ

- નાણાકીય વર્ષ 2024-25: ₹298.54 કરોડ

- નાણાકીય વર્ષ 2025-26: ₹456.28 કરોડ

કંપનીનો ચોખ્ખો નફો:

- નાણાકીય વર્ષ 2024-25: ₹26.41 કરોડ

- નાણાકીય વર્ષ 2025-26: ₹46.06 કરોડ રહ્યો હતો.

જ્યારે EBITDA:

- નાણાકીય વર્ષ 2023-24: ₹4.78 કરોડ

- નાણાકીય વર્ષ 2024-25: ₹35.37 કરોડ

- નાણાકીય વર્ષ 2025-26: ₹63.42 કરોડ રહી હતી.

સોલર EPC માર્કેટમાં વૃદ્ધિની સંભાવના

D&B રિપોર્ટ અનુસાર, ભારતીય સોલર EPC બજાર નાણાકીય વર્ષ 2025-26માં અંદાજે $24 અબજનું હતું. આ બજાર નાણાકીય વર્ષ 2029-30 સુધીમાં વધીને અંદાજે $41 અબજ સુધી પહોંચવાની ધારણા છે. રિપોર્ટમાં રૂફટોપ, કેપ્ટિવ અને ઓપન-એક્સેસ સોલર પ્રોજેક્ટ્સ માટે ઔદ્યોગિક માંગ વધવાની સંભાવના દર્શાવવામાં આવી છે. ગુજરાતને રિન્યૂએબલ એનર્જી ક્ષેત્રમાં મહત્વપૂર્ણ રાજ્ય તરીકે ગણાવવામાં આવ્યું છે, જ્યાં સોલર પ્રોજેક્ટ્સ માટે અનુકૂળ નીતિઓ અને કુદરતી પરિસ્થિતિઓ ઉપલબ્ધ છે.

NSE અને BSE પર લિસ્ટિંગની યોજના

ડિઓન એનર્જીના ઇક્વિટી શેરનું લિસ્ટિંગ બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર કરવાની યોજના છે. આ IPO માટે વાલ્મિકી લીલા કેપિટલ પ્રાઇવેટ લિમિટેડ Book Running Lead Manager તરીકે સેવા આપી રહી છે.

આ પણ વાંચો : બાણગંગા ગોલ્ડ એન્ડ ડાયમંડે ₹720 કરોડના ઇશ્યૂ માટે SEBIમાં DRHP ફાઇલ કર્યા

આ પણ જુઓ :

Watch onYouTube